Wednesday, December 30, 2009

2010 Criteria

Yesterday, Sentro ng Katotohanan discussed with OrionD some current issues among them various criteria for 2010 selection of Presidential candidates. This is a recurring topic for Sentro and this time the discussion centered on Integrity.

Listen to the broadcast now from www.leadphil.blogspot.com.

Tuesday, December 29, 2009

Sentro on Firecrackers

The following is the Sentro ng Katotohanan commentary to be read during tonight's broadcast:

Mga Paputok ng Bagong Taon

Bagong taon na naman po. Matapos ang pasko, New Year naman ang ipag-didiwang natin. Isa na naman pong masayang pagdiriwang ang ating inaasahan sa new year na ito. Masaya nga po sana kung hindi lamang taon-taon ay marami ang namamatay at nasusugatan dahil sa paputok. Taon-taon, may mga factory po at tindahan ng paputok na biglang sumasabog o kaya ay nasusunog.. May mga batang namamatay po sa pagkain ng watusi, may mga natetetano sa sugat na sanhi ng paputok at mayroon ding natatamaan ng mga balang ligaw.

Ang una ko pong tanong ay, kung bakit nga po ba tayo, nagpapaputok. Sabi po ng mga matatanda, ito raw po ay pag-iingay upang mawala ang mga demonyo at masasamang espiritu sa paligid natin. Medyo nakakatawa po iyong dahilan na iyon, pero wag nating masamain. Siguro ang tradisyon na ito ay para maalala natin na ang bagong taon ay maaring maging simula ng pagbabago. O ang pagtanggal ng ating mga personal demons, ika nga. Sana.

Pero yun nga po kaya ang dahilan kung bakit tayo nagpapaputok. For example, doon po sa nagpapaputok ng baril, ginawa po kaya nya yon para mawala ang demonyo. Hindi kaya demonyo ang nagtulak sa kanya para magpaputok?

Sa isang column nabasa ko sa Philippine Star, yung Consumerline ni Ms. Ching Alano, inilista po niya ang sinasabi ng isang grupo, yung EcoWaste, kung ano raw ang mga dahilan kung bakit tayo dapat umiwas sa paputok..

Una nga po ay dahil delikado ito at diretsang nagiging dahilan ng kamatayan at injury. Marami rin pong chemical ito na nagdadagdag pollution at nakakadagdag sa pagkakasakit ng mga tao, gaya ng hika at ilan pang sakit sa baga at sa balat. Marami rin daw na basura at chemical ito na iniiwan sa ating lupa. Marami rin daw ang nabibingi at inaatake ng nerbyos sa paputok. At magastos daw ito, gastos na dapat ay naidagdag natin sa kakainin ng ating mga anak para sa darating na taon.

Mayroon pa po akong gustong idagdag. Nakapasok na ba kayo ng gawaan ng paputok sa Bocaue? Ako po ay nakapasok na, ang buong paligid po ay punong-puno ng pulbura. Iisa lang po ang kulay ng buong paligid, dark blue. Ang mga manggagawa po, kulay dark blue din, mata lang halos ang kita. Sa palagay ko po, hindi ito nakakatulong kahit mismo sa mga manggagawa.

Kung gusto mag-ingay, marami naman daw pong alternative. Pwede naman pong magtambol na lang o kaya ay magtorotot (wag lang pong torototin yung asawa nung may asawa).. pwede rin pong magkaraoke hanggang gusto mo, okey lang kahit sintunado.., pwedeng patugtugin ang stereo, o ipotpot ng husto ang busina ng mga sasakyan. Ito po ang panahon na pwedeng mag-ingay at walang magrereklamo. Pwede rin pong manood na lang sa mga paputok at pailaw ng mga malls, at ilang local governments. Mas maganda pang panoorin at hindi delikado sa anak natin. Pero yun nga po, hindi tayo natututo, paulit-ulit may namamatay at nasusugatan.

Ang ikalawa ko pong tanong, ang mga leaders po ba natin ay may natututunan? Bakit po walang nagbabantay sa mga factory ng paputok? Paano po sila nakakakuha ng permit kung obvious na delikado ang kanilang operasyon? Ilan po kayang gawaan ng paputok ang talagang nakarehistro? Bakit po walang nasasarang mga factory?

Sa mga may nasusugatan, karamihan po ay may involved na mga lasing, bakit wala pong nakukulong sa mga nagpapaputok na nakapagdulot ng aksidente? Sa DOH, sa DTI, sa mga mayors ng Bocaue, Sta. Maria at Marilao, bakit po taon-taon ay may nangyayaring sakuna sa paputok? Ano po ang ginagawa ninyo? Sa mga senador at congressman, ano po ang ginagawa ninyo bukod sa pagsasabing huwag magpaputok?

Sa palagay ko po, ang mga katanungang ito, ay ang mga tunay na demonyong hindi mawawala, kahit magpaputok pa tayo ng magpaputok, ng pla-pla, picolo o atomic bomb.

Ito ang Sentro ng Katotohanan.


www.leadphil.blogspot.com

Thursday, December 24, 2009

Fiesta Culture this Christmas and on Platforms

Last Tuesday, Sentro ng Katotohanan discussed the Pinoy Fiesta culture especially in light of the Christmas season, as well as the need for platforms and the presidential candidates' responsibility to tell us about them. OrionD of Get Real Philippines who just flew in from Singapore joined Iya-J and myself to discuss the said topics.

Said broadcast may now be downloaded or listened to from www.leadphil.blogspot.com.

Tuesday, December 22, 2009

Fiesta Culture

The following is the talking points to be read at Sentro ng Katotohanan broadcast tonight.

Fiesta Culture

Tuwing sasapit ang September 1, 2009, meron pong isang bagay na nagaganap sa Pilipinas. Sa sinasabing unang araw ng unang “ber” month ng taon, nag-uumpisa na po ang pagpapatugtog sa radyo ng mga Christmas Carols. Alam po nating lahat, ang pasko ang pinakahihintay at kinasasabikang holiday sa Pilipinas.

Pagkatapos po ng undas o All Saint’s Day, nag-uumpisa na rin po ang pagsapit ng pasko sa mga malls. Maririnig na rin po ang mga Christmas Carols sa background kapag tayo ay namamasyal doon, at mapapansin na natin ang Christmas décor. Sa mga karsada, makikita na rin po natin ang mga Christmas décor na nakasabit sa poste. Marami na rin po ang mga tarpaulin ng Merry Christmas mula sa mga politiko, lalo na’t eleksyon year next year.

Pagsapit po ng Disyembre, lahat na po halos ng mga tindahan at opisina ay may mga Christmas Décor din. Sunod-sunod na rin po ang mga Christmas parties. Nagkakatraffic na rin po sa Greenhills, sa Baclaran at Divisoria, dahil sa mga pamilihan ng Christmas gifts.

Kung makikinig po tayo ng mga news, araw-araw na pong ibinabalita ang mga presyo ng manok at baboy na sadyang tataas daw pagsapit ng kapaskuhan. Tinitingnan din po ang presyo ng ubas, mansanas, orange at kastanyas, maging ng hamon, na sadya raw mga pagkaing pang-noche buena sa Christmas Eve.

Mga isang linggo pa bago magpasko, panay na panay na po ang mga balita tungkol sa mga biyahe ng bus at barko patungong probinsya. Nagdadagsaan na raw ang mga tao doon.

Marami rin po sa mga iba pang balita, mayroon ding kinalaman sa pasko. Kahapon, napakinggan ko, si Andal Ampatuan Jr. daw ay magpapasko sa selda. Hindi ko po alam kung ano significance noon. Ni hindi ko nga po alam kung may significance ang pasko kay Andal Ampatuan Jr. Samantala, ang mga evacuees daw sa Albay, ay magpapasko sa evacuation centers. Tila nyo ba mas malungkot ang pangyayari dahil magpapasko. Kung hindi po kaya pasko, OK lang?

May mga sinasabi rin ang kapulisan, na kapag magpapasko daw ay dumadami ang mga pulubi. Dumadami din ang kaso ng snatching at hold-up. Parang nag-oovertime ang mga masasamang loob dahil gusto nilang i-celebrate ang Christmas ng matiwasay. Nakakatawa naman yata yon.

Kung nag-oovertime po ang mga holdupper, marami naman po sa mga opisina ang nag-uundertime. Marami po ang gumagamit ng oras ng opisina para magpractice ng kanilang presentation sa Christmas program. Marami po ang mga late at maagang umuwi, kasi natratraffic at baka matraffic. Wala na pong nag-uumpisa ng mga projects dahil pasko na, next year na lang. Ang mga customers po nanghihingi na ng pamasko sa mga suppliers. Ang mga gwardya at mga
delivery boys
, nanghihingi rin po ng pamasko. Kanya-kanya na pong mga raket.

Bago magpasko, marami po ang nangungutang, para may pambili ng pang-noche buena at panghanda sa pasko. Gaya rin po kapag piyesta at binyag, marami ang nag-iinuman, OK lang malubog sa utang para lamang makapag-celebrate ng Pasko.

Para sa akin, importante po ang Pasko. Ito po ang araw ng pagsilang ni Kristong ating Diyos. Para naman po sa mga hindi Kristiyano, ang pasko ay may significance pa rin. Ito po ang araw kung kailan inaalala ang pagkapanganak ng isang taong may pilosopiyang naka-impluwensya sa malaking bahagi ng mundo.

Pero wag naman po sana tayong maging OA. Wag naman po sana nating gawin dahilan ang pasko para manghingi o magnakaw sa iba. Wag naman po nating gawing dahilan ang pasko para pagbigyan ang luho ng ating katawan. Wag naman po nating gawing dahilan ang pasko para wag magtrabaho at i-celebrate ang ating katamaran. Tandaan po natin, sa sobrang hirap, marami pong mga Pilipino ang hindi nakararanas ng pasko. Nandoon po sila at hirap na hirap, sa ilalim ng mga tulay, sa mga tulay na madadaanan natin papuntang Greenhills.

Ito ang Sentro ng Katotohanan.


www.leadphil.blogspot.com

Friday, December 18, 2009

Sentro ng Katotohanan on the Problems of Mindanao

Yesterday, Sentro ng Katotohanan talked about the problems and solutions in Mindanao including Poverty, Peace and Order, warlordism, Agrarian Reform, etc. We have as resource person the original Sentro ng Katotohanan anchor and now a congressional candidate for the 2nd district of Agusan Del Sur, Mr. Rey Quijada.

The archived broadcast may now be listened to or downloaded from www.leadphil.blogspot.com.

Thursday, December 17, 2009

The Importance of Environmental Issues to Filipinos

The following is a commentary which will be read during the broadcast of Sentro ng Katotohanan tonight (DWBL, 1242KHz, TTH, 8.30-9.30PM) posted here in advance:
Importante ba sa Pilipino ang ang Environment?

Noong Oktubre, ang Metro Manila ay nagulantang ng malaking baha na dulot ng pag-ulan kasama ng bagyong si Ondoy. Pagkatapos noon, isa pang bagyo, si Pepeng ang nagdulot din ng parehong sakuna sa ilang parte ng North at Central Luzon.. Pagkatapos ng mga pagbahang iyon, bumuhos ang galit ng mga tao sa paninisi sa pagpapakawala ng tubig sa dam. Pero ngayon po, parang nakalimutan na natin. Ano po ba ang natutunan natin, meron po ba talagang pagkakamali ang mga administrator ng mga dam sa pagpapakawala ng tubig o wala? Noong panahong iyon, sa palagay ko, ako ang isa sa mga iilang nagsasabing huwag naman nating sisisihin ang dam hangga’t hindi natin alam ang puno’t dulo ng problema.

Ilan pa rin po sa katanungan ay kung may kasalanan ba ang mga mayors at governors sa kawalang preparasyon nila sa mga ganitong sakuna. Hinayaan po ba nila ang kanilang mga kababayang tumira sa tabi ng mga ilog na siguradong papatay sa kanila pag mag pagbahang mangyayari? Pinagbale-walang bahala po ba nila ang mga mahihirap nating mga kababayan?

Nakalulungkot po, pero ang mga issues na ito ay nakalimutan na natin. Makatapos ang mahigit isang buwan, wala po tayong natutunan. Sa palagay ko, dahil sa pagkalimut natin sa issue na ito ay hindi na natin malalaman ang katotohanan. Eto po ay isang halimbawa ng ningas cogon. Ang dali po nating magalit, pero ang dali rin nating makalimot.

Sa eleksyong pampanguluhan, hindi iisang beses kong narinig ang mga kandidato na sila daw ay pro-environment. Pati po iba-ibang personalities sa mass media ay ganun din ang sinasabi. Maging ang mga commentator sa radio at mga kolumnista sa dyaryo ay nagpapahayag ng importansya ng environment. Makatapos ang mahigit lamang isang buwan ng pagbaha ni Ondoy at Pepeng, nasaan na po tayo?

Kahapon, umalis po si Pangulong Gloria Macapagal Arroyo papuntang Copenhagen, sa Denmark, upang umattend ng UN summit on climate change. Marami pong issues ang tinatalakay doon. Nandyan po ang pagkuha ng commitment sa mga advanced countries, gaya ng Estados Unidos, para pababain ang kanilang emmission ng greenhouse gasses. Nandyan din po ang pagpapapigil sa mga developing countries kagaya ng India at China sa kanilang pataas na pataas na emissions, kasabay ng pag-abante ng ekonomiya ng kanilang bansa. Nandyan din, at pinaka-importante para sa atin, ay ang pagkuha ng commitment sa mga malalaking bansa sa pagbigay nila ng pondo (hanggang 1% ng kanilang GDP) upang makatulong sa mga maliliit na bansa na nabibiktma ng epekto ng climate change. Dito po nakasalalay kung anong tulong ang makukuha natin sa advanced countries kapag tayo ay nasasalanta ng mga bagyo at pagbaha. Ito po ay may diretsang epekto sa mga pinaka-mahihirap na kababayan natin na nangangailan ng ganitong tulong. Napaka-importante po nito hindi po ba?

Muli, nakakalungkot po, lumalabas po e hindi ito importante sa mga Pinoy at hindi importante sa mass media. Ang issue na ito ay hindi po napapag-usapan. Nagbabasa po ako ng mga dyaryo kanina at nag-sesearch sa internet sa mga websites ng mga dyaryo, wala pong pinag-uusapan – Meron lang pong isang maliit na news na umalis na raw ang pangulo. Nakinig po ako ng radyo kaninang umaga, wala rin pong balita ukol dito.

Malungkot po talaga. Ganito na po kababaw ang usapan sa ating bayan. Hindi po ako magugulat, sa pagbalik ng Pangulo, ang mga issues lamang na mapapansin ng mass media ay kung ano ang kinain at kung saang restaurant kumain ang Pangulo. Hangga’t hindi nagbabago ang ganitong sitwasyon, hindi po magbabago ang bayan natin.

Ito ang Sentro ng Katotohanan.

www.leadphil.blogspot.com

Wednesday, December 16, 2009

Sentro Presidential Questions

Yesterday, it was BenK (of Get Real Philippines), Iya-J (also of Get Real, now also my more regular co-anchor) and myself discussing the specific questions we should ask specific candidates. Listen to or download the broadcast from www.leadphil.blogspot.com.

Tuesday, December 15, 2009

The following is Sentro ng Katotohanan's talking points, to be read at the broadcast tonight.
Pagkatapos ng Martial Law

Sa mga nakaraang araw, tumambad po sa ating lahat ang balitang na-lift na raw po ang martial law sa Maguindanao. Bigla-bigla, nawalan na po ng saysay ang mga pinag-uusapan ng mga tao, maging ng mga congressmen at senador ukol dito. Paano pa po pagtatalunan ang constitutionality nito kung ito ay tinanggal na?

Marami ang nagsasabi na kaya daw tinanggal ito ng Pangulong Arroyo ay dahil hindi na makayanan ng Pangulo ang mga batikos dito. Teka, teka, akala ko ba makapal ang mukha ng Pangulo? Naging sensitive ba siya bigla ngayon? Palagay ko mali po iyong hula na iyon.

Kung ako po ay huhula, kaya po siguro tinanggal ng pangulo ang martial law ay isa sa maraming bagay. Doon sa mga kakampi ng Pangulo, masasabi po nila siguro na maaaring nakatamtan na nila ang gusto nilang mangyari sa Maguindanao at hindi na kailangan ang martial law. Doon naman po sa galit sa Pangulo, maaaring sabihin nila na na-test na nya ang waters ng martial law at nalaman na niya ang mga consequences nito at mga pag-sunod-sundo na reactiong maaasahan dito. Yung iba naman po, maari ring isipin na siguro ay nalaman niya na mag-lalabas ng ruling ang supreme court laban sa constitutionality nito.. o baka naman nakita nya na matatalo siya sa kongreso kapag nagbotohan. O baka naman sinabihan mismo siya ng kanyang mga kaalyado sa kongreso na wag ng ituloy ang martial law dahil mahihirapan silang idepensa ito pag dating ng eleksyon.

Pero lahat po ng ito ay hula lamang. Bawat isang tao siguro may isang hula. Pero kung ang usapan natin ay puro sa panghuhula lamang, siguro po ay hindi tayo matatapos. Habang ang mahihirap ay mahirap pa rin at ang mga politikong corrupt ay corrupt pa rin, e usap pa rin tayo ng usap ng mga hulang walang patutunguhan.

Eto po ang kahilingan ko sana.. sana po ay tama na ang mga batikos na wala namang patutunguhan. Magbatikos lamang po sana tayo kung may pruweba at basehan. Kung mayroon pong ginagawang labag sa batas ang Pangulo, ihabla po sana sa husgado. Kung hindi naman po labag sa batas pero masama, e dapat po ay gumawa ng mas mahusay at makabuluhang batas.

Tapos na po ang martial law, pero nakita natin ang kakulangan ng ating batas ukol dito. Maganda po siguro ay gumawa ng mga batas na magco-control dito. Siguro po dapat namang gumawa na ng rules ang kongreso kung paano, kailan at saan dapat agad-agad na sila mag-convene kapag may itinaas na martial law ang Pangulo. Dapat din po sigurong idefine ng kongreso kung ano ang ibig sabihin ng rebelyon sa konsepto ng martial law, at maging ng invasion, na siyang dalawang consitutional na basehan kung kailan pwedeng ideklara ang martial law.

Kulang din po ang ating mga batas tungkol sa pag-control ng private armies. Bakit po hanggang ngayon na nasa modern times na tayo ay mga mga warlord pa rin na matatawag sa bansa natin? Bakit po may mga batas na nagpapahintulot sa mga local officials na gumawa ng armed groups at gamitin ito sa sariling kapakanan? Kailangan po siguro ito ang pag-aralan natin. At specific sa Maguindanao, ang mga Ampatuan lamang ba ang masasabing warlords doon? Ang mga Mangudadatu po ba ay walang mga private armies? Kumusta po ang ibang probinsya sa ARMM, wala po bang mga private armies ang mga governors at mayors doon? Pag-aralan din po sana ang sitwasyon ng mga private armies sa northern at central luzon? Alam niyo, ang nakakalungkot e parating ang naririnig lamang natin na solusyon e palitan ang gobyerno at alisin si Mrs. Arroyo. Kung ganito lamang po ang solusyon nila, palagay ko e malala pa sila sa taong gusto nilang palitan.

Kung hindi po pag-aaralan at gagawin ng mga mambabatas ang mga tamang batas, wala pong mararating ang lahat ng mga senate at congressional hearing na nagaganap at naganap sa bayan. Para sa akin po, wag na sanang mag-speech ng mag-speech tungkol lamang sa pamumulitika ang mga taga kongreso at senado, magtrabaho na lang po sana silang lahat.

Ito ang Sentro ng Katotohanan.

www.leadphil.blogspot.com

Friday, December 11, 2009

Punongbayan and BUKLOD Party

Mr. Ben Punongbayan, founder and CEO of Punongbayan & Araullo, joined Sentro ng Katotohanan yesterday to talk about the new political party he founded, the BUKLOD party. Also yesterday, Ms. Iya Justimabaste of Get Real Philippines has joined the program as co-anchor.

Said broadcast may now be listened to from www.leadphil.blogspot.com.

Thursday, December 10, 2009

Ang Konstitusyon ay Hindi Hari

The following is Sentro ng Katotohanan's talking points to be read on the broadcast tonight:

Ang Konstitusyon ay Hindi Hari

Sa Kongreso po ay pinag-uusapan kung dapat bang i-revoke ang Martial Law sa Maguindanao. Siguro po ay marami sa inyo ang nakapakinig ng live sa Radio o napanood sa tv ang mga nangyayari sa kongreso.

Binasa ko po yung nakalagay sa constitution natin tungkol sa martial law. Bagama’t sinasabi po doon na ang Presidente ay pwede lamang maglagay ng martial law kung may invasion o may rebelyon, wala naman pong nakalagay doon kung ang mga congressmen at senators ay dapat magdecide base sa parehong batayan. Lumalabas po e kung basta feel lang ng joint congress ang martial law e pwede na nilang hayaan ito na nakataas. Lumalabas din po na madali lang palang mag-declare ng martial law. Kongreso lang ang katapat.

Samantala, kung may isang Filipino citizen po ang nagsampa ng usapin ng Martial Law sa Supreme Court, katungkulan po nito na ireview iyon at tingnan kung may basehan, at magdesisyon sa loob ng 30 araw mula sa pagkaka-file. Kung lumabas po sa Supreme Court na unconstitutional ito, e dapat pong i-lift ito ng Presidente. Kung hindi, ay pwede siyang ma-impeach, bagay na katungkulan na naman ng Kongreso at Senado.

Dyan po natin makikita ang importansya ng ating boto, hindi lamang po sa Pangulo, pati sa mga senador at congressmen. Kung hindi po tayo bumoboto ng tama sa mga taong dapat pagkatiwalaan, e baka po isang araw lang e mawala na lahat ang human rights natin.

Balikan po natin ang argumento sa constitutionality ng Martial Law sa Maguindanao. Obvious po na ang usapin ay mauuwi sa: KUNG MAY REBELYON BANG NAGAGANAP O WALA. Ibig sabihin po niyan ay dapat mailinaw ang definition ng rebelyon sa ating batas, isang bagay pwedeng palabuin ng ibat-ibang kampo.

Ang problema pa po e ang lumalabas at umiibabaw sa mga usapan ay malayo sa dapat pag-usapan. Ang pinag-uusapan po, ay ang masama raw na motibo ng Pangulo – gusto raw nito na makinabang sa massacre sa Maguindanao at gamitin ito upang maging Pangulo habang buhay. Alam ninyo, kahit ano po ang gawin natin, hindi naman po natin masisigurado ang motibo. Diyos lamang po siguro ang nakakaalam noon. Ang pwede lang po nating basehan ay kung ano ang ginagawa at kung ano ang nangyayari at kung ano ang resulta. Ang motibo pong pinag-uuspan ay hula lamang. Eh kung ang buhay po natin at gawain, ay nakasalalay sa mga hula ng mga politikong gusto ring maging pangulo, hindi po kaya nauuuto lamang tayo?

Dito po sa Sentro ng Katotohanan, naniniwala po tayo na maraming kakulangan ang administrayong Arroyo. Dumadami po ang mahihirap at nagugutom. Nananatili pong bagsak ang ating ekonomiya. Nananatili pong hindi pantay-pantay ang ating hustisya. Dumadami po ang nakikita nating korapsyon, at naniniwala din tayo na kasama siya sa korapsyong ito. Pero kung gusto po natin siyang ipako sa krus, sa mass media at sa labas ng batas, e WALA PO TAYONG PINAG-KAIBA SA KANYA.

Balikan po natin ang issue. Para sa akin po ay dapat lamang tanungin natin ang ating sarili kung mas mainam ba, na may martial law doon sa Maguindanao, o wala? Mas mapapadali ba ang pagsasagawa ng hustisya kung mayroon nito?

Dapat po siguro isipin natin kung ano ang nais nating mangyari. Ako po ang gusto kong mangyari doon ay mawalan ng pwersa at makulong agad ang mga tunay na may kagagawan sa massacre. Makulong po sana silang lahat nang hindi napapalaban ang ating mga sundalo at pulis, dahil ayaw na po nating madagdagan pa ang casualty doon. Gusto po natin na agad ding malitis ang mga kriminal na ito, at sana’y maglabasan, at magproteksyonan natin ang mga witnesses. Gusto rin po natin na mawala na ang takot ng mga taga Maguindanao sa rest-back ng mga kriminal, at ng sa gayon ay mag-improve na ang kanilang buhay doon.

Kung makakatulong po ang martial law para masagawa ang lahat ng ito, e dapat nga po ay ihanap pa natin ito ng justification sa mismong constitution. Pero kung wala naman pong maitututong ang martial law, gamitin po natin ang constitution para tanggalin ito.

Pinapaalala ko lang, ang konstitusyon po ay hindi hari. Hindi po ito ang pinakamataas na batas ng sangkatauhan. Ito po ay ang pagsusulat lamang ng ating kagustuhan para sa atin ding kapakanan. Ginawa po ang konstitusyon para sa atin, at hindi tayo ang ginawa para sa konstitusyon!

Ito ang Sentro ng Katotohanan.


www.leadphil.blogspot.com

Wednesday, December 9, 2009

Another Senatoriable from Ang Kapatiran

Yesterday, Sentro ng Katotohanan had Atty. Ma. Grace Rinoza-Plazo as guest. Although a long time member of the party, she was the last to be convinced to run for Senator and last to file her candidacy. Some of her advocacies include strengthening of the family and agrarian reform.

Download or listen to our broadcast to know more about Atty. Plazo.

www.leadphil.blogspot.com

Tuesday, December 8, 2009

Martial Law

The following is tonight's commentary at Sentro ng Katotohanan, posted here in advance..

Martial Law sa Maguindanao


Alam na po natin lahat ito.. noong nakaraang biernes ng gabi ay idineklara ng Pangulong Arroyo ang Martial Law sa Maguindanao.

Sa pagkakadeklarang iyon, marami po ang nagtatanong kung kailangan ba talaga ang martial-law doon? Nasa custody na ng pulis at militar ang mga pinaghihinalaan sa pamilya ng Ampatuan, bakit kailangan pang ideklara ang martial law? Mas mahina raw ang kaso kung rebelyon lang ang ikakaso, mas mainam daw kung murder. So, wala raw saysay ang martial law, baka nga makasama pa raw.

Marami rin ang nagsasabi na hindi yata naaayon sa batas ang Martial Law na ito. Sang-ayon kasi sa konstitusyon, dalawang pangyayari lang ang pwedeng pagdeklarahan ng martial law: Kung may invasion o kung may rebelyon na nagaganap. E wala naman daw invasion o rebelyon doon.

Noong mangyari ang massacre sa Maguindanao, lahat tayo ay natulala. Alam natin, kailangang kumilos ang gobyerno agad-agad, pero hindi natin alam kung paano. Bagamat ang mga kritiko ng gobyerno ay pilit na nagsasabing malambot ang Pangulo sa kanyang kaibigang Ampatuan, wala naman silang sinasabi kung ano ang dapat gawin. Nagtanong pa nga ako sa mga Presidentiables sa pamamagitan ng kanilang kampanya kung ano ang dapat gawin doon, iisa lang ang nagbalik ng sagot sa akin. Naghanap din ako sa kanilang mga press releases kung ano ang kanilang kasagutan. Wala rin.

Tatlong araw makatapos ang massacre, akong walang kaalam-alam sa mundo ng gobyerno sa Maguindanao ay nangahas na humiling ng resulta. Hiningi po natin ang gun ban sa Maguindanao. Hiningi po nating isuspinde ang mga Ampatuan doon. Hiningi po nating kanselahin ang autoridad ng mga CVO doon. Hiniling po natin na ilipat ang mga nakataktadang military personnel at kapulisan doon at palitan ng iba. Hindi ko po hiniling ang Martial Law, pero alam ko pong dapat ay mag-take-over doon ang national government.

Ngayon, lahat po ng hiniling ko ay natupad. Hindi ko nga po hiningi ang pagpapakulong sa mga Ampatuan pero alam kong dapat imbestigahan ang pamilyang iyon at ikulong kung makikitang sila ay may pananagutan. Isipin po natin ng mabuti, kung ang gobyerno po natin ay nagpunta sa Maguindanao “with all guns ablazing” ika nga upang hulihin ang mga Ampatuan, anong laban kaya ang ginawa ng mga Ampatuan at ilan po kayang tao pa ang mga namatay? Magkaroon kaya ng stand-off? At sa mga ganung pangyayari, sino po sa palagay niyo ang unang masisisi?

Ngayon po, tungkol naman sa Martial Law, tingnan po natin ang mga argumento.

Hindi na raw kailangan ang Martial Law dahil nasa custody na ang mga Ampatuan. Pero hindi naman mga Ampatuan lang ang nasa gitna ng massacre hindi po ba? Maaring nahuli na po ang ulo pero ang mga katawan, ilan pa pong mga armed CVO ang nasa lugar?

Sa tanong naman na wala namang rebelyon, bakit hindi pag-usapan kung ano ang definition ng rebelyon? Ayon sa ating revised Penal Code:

Art. 134. Rebellion or insurrection; How committed. — The crime of rebellion or insurrection is committed by rising publicly and taking arms against the Government for the purpose of removing from the allegiance to said Government or its laws, the territory of the Philippine Islands or any part thereof, of any body of land, naval or other armed forces, depriving the Chief Executive or the Legislature, wholly or partially, of any of their powers or prerogatives.

Hindi ko po alam kung ito ang pinakahuling version ng ating Penal Code pero makikita po natin na pwedeng i-argue ng gobyerno ang salitang “taking arms” against the government for the purpose of removing from allegiance to said government or its laws… depriving the chief Executive of any of her powers or prerogatives... Na siyang sigurado nating nangyari doon.

Ang nakapagtataka po sa media natin, obvious po na itong definition ng rebellion ang siyang magiging argumento, pero hindi po pinag-uusapan iyon, Parati pa rin pong pinapaulit-ulit ang mga opinyon ng kung sino-sinong politiko pero ayaw nilang gumawa ng sarili nilang opinyon.

Sa sinasabing baka makawala pa ang mga Ampatuan sa kasong rebelyon, sinasabi naman po ng gobyerno na hindi naman pinapasawalang bahala at tuloy pa rin ang kasong murder. Hindi naman po na-eexplain sa atin kung bakit hihina ang kasong murder kung kinasuhan din sila ng rebelyon.

Sana po sa mass media, yun po ang mga argumentong pag-usapan, hindi mga chismisan lamang na walang mararating. Ang gustong-gusto po nilang pag-usapan ay ang masamang motibo di umano ng pangulo, mga bagay na kailanman ay hindi mapapapatunayan. Mga kuwentuhang walang naaabot kundi ang pagkamuhi sa pangulo.

Bukod tangi rin na hindi tinatanong ngayon ang mga taga mass media kung sila mismo ay sang-ayon sa martial law, bigla bang hindi na sila concerned? Hindi man lang sila tinatanong kung sa tingin nila ay ginagawa ng gobyerno ang mga dapat gawin para mapanagot sa hustisya ang may pakana ng massacre.

At ang isa pa pong katanungan na hindi napapag-usapan, kailan po ba talaga kailangang mag-convene ang kongreso kapag nagdeklara ng martial law ang pangulo? May nagsasabing 24 hours daw matapos ang pagdeklara ayon sa constitution, meron din nagsasabing depende sa rules ng kongreso, kayat kailangang gawin muna ang rules.

Ano po ba naman itong mga ito. Marami po tuloy sa labas ng Pilipinas na ang ating gobyerno daw ay joke, ang ating mass media ay joke, ang buong sambayanang pilipino ay isang malaking joke. Nauuto po lamang yata tayo. Pare-pareho tayong nanggagalaiti sa mga pangyayari pero lumalabas, pare-pareho po naman nating hindi napag-uusapan at hindi natin tuloy alam kung ano ang talagang tama.

Ito ang Sentro ng Katotohanan.


www.leadphil.blogspot.com

Friday, December 4, 2009

Who is Atty. Jun Chipeco?

Yesterday, Sentro ng Katotohanan had Atty. Dominador "Jun" Chipeco, Jr., Vice Presidential candidate of the Ang Kapatiran as our studio guest. Atty. Chipeco is a neophyte politician although his father is the former governor of Laguna (in the 1950s).

Yesterday's broadcast can now be listened to or downloaded from www.leadphil.blogspot.com.

Thursday, December 3, 2009

Presidential Forums? May natutunan ba tayo?

The following is tonight's commentary at Sentro ng Katotohanan:

On Presidential Forums

Kahapon po nanood ako sa ANC o sa ABS-CBN News Channel ng isa sa tinatawag nilang series of Presidential Forums. Nandoon po at dumating sa forum na yon ng live ang pitong kandidato na sina:

Councilor JC Delos Reyes
Sen. Dick Gordon
Former Sec. Gibo Teodoro
Sen. Noynoy Aquino
Former President Erap Estrada
Environmentalist Nick Perlas
TeleEvangelist Eddie Villanueva

Kataka-takang wala po si Sen. Manny Villar doon. Sabi ni Ted Failon, na siyang host ng event, ay nag-confirm pa raw ang kampo ni Sen. Villar as late as 1pm of the same day. Pero bigla raw nagpasabi na hindi makakarating dahil may “Business Meeting”, sabi ni Ted Failon. Parang kataka-taka naman ito? Mas-importante kaya yung Business Meeting na iyon kaysa sa pag-attend sa ganitong klaseng forum? Hindi po natin talaga malalaman iyan hangga't hindi natin naririnig ang panig ng Senador, pero hanggat hindi siya nagsasalita tungkol dito e yan ang ia-asumme natin sa kanya. Palagay ko, maraming botante ang magdududa sa kanya ngayon kung bakit hindi siya nakarating..

Anyway, alam po ninyo, ako ay excited na manood sa mga ganitong forums, dahil inaasahan ko po na sa pamamagitan nito ay malalaman ko ang mga saloobin, platforms at ang karakter ng mga kandidato natin sa 2010. Panigurado ko, marami rin sa inyo ang excited na panoorin ito.

Pero matapos po ang forum, e na-unsyami po ang inyong lingkod. Kung napakinggan po ninyo ang aming usapan dito noong huling broadcast namin, panigurado ko na alam niyo na kung bakit. Sa palagay ko po, wala tayo gaanong natutunan sa forum.

Unang-una, dalawang oras lamang po ang forum e may mga advertisements pa, at may oras pa sa pagtatanong, at mga introductions.., Pito po yung kandidato, ibig sabihin walang tig-kikinse minutos mapagbibigyang oras magsalita ang bawat isa. Sa experience po natin dito sa radio sa pag-interview natin sa ilang presidentiables, kulang po ang isang oras bawat kandidato para lamang makilala natin sila. Hindi pa po natin pinag-uusapan ang platorma de gobyerno nung lagay na iyon.

Ang mas malungkot po nito, sa konting oras na iyon, sa palagay ko po ay hindi tama ang karamihan sa mga tanong na na-itinanong.. Karamihan po ng mga tanong ay nagsosolicit lamang ng mga motherhood statements. Sa ganitong pagtatanong, lumalabas po, ang makikita lang po natin doon sa forum ay kung sino sa mga kandidato ang mahusay magbigay ng extemporaneous speech.

Ang tinutukoy ko pong mga tanong ay ang mga ito:
1. Give one instance you cheated or lied when you are a public figure? - natural, wala pong magsasabi na sila ay nandaya o nagsinungaling..
2. What will be the role of your first lady, would you appoint anyone from your family? - ito po ay parang isang trick question lamang
3. Give one vice or luxury you cannot live without? – siempre mag-iisip lang ang kandidato ng safe na answer.. kahit pambobola ay ok na
4. What are you most ashamed of and what are you most proud of? - parang pang slum-book po itong mga tanong na ito..
5. What do you want the people to remember about you? - siempre po ang sagot ng kandidato ay yung kanilang mga slogan..

Gayunpaman, meron din pong ilang magandang tanong kagaya nitong mga ito:
1. Immediately after learning of the Maguindanao massacre, anong tatlong utos ang inyong ilalabas? – maganda po ito dahil malalaman natin kung sasang-ayon o kokontra ang kandidato sa ginawa ni Pangulong Arroyo
2. What will you do in the first 100 days? - maganda po ito dahil makikita ang priorities at kung nakatayo sa katotohanan ang mga pinagsasabi ng mga kandidato..
3. Should the government spearhead population control? Dito po malalaman natin sana ang specific stand ng mga kandidato.

Ang kaso po, sa tatlong tanong na ito, hindi po sinagot ng tuwiran ng mga kandidato. Nagbigay lamang po sila ng mga motherhood statements tungkol sa Maguindanao, imbes na sabihin kung ano ang dapat immediately na ginawa.. Sa ikalawang tanong, Ibinigay lamang po ng karamihan ang kanilang mga sinasabing plataporma almost without regard doon sa 100 day period, except marahil si Gibo Teodoro. Doon po sa population control, karamihan po sila ay naging pro-choice sa contraceptive, medyo magulo po ang sagot ng iba at pumapagitna lamang sa issue, pwera lamang po siguro kay JC Delos Reyes na tahasang nagsabi na hindi dapat..

Generally, kung ganito po ang mga Presidentail forum sa atin, e parang wala po tayong kahihinatnan. Ewan ko po, baka ako lang ang nakakapansin pero parang uninformed pa rin po tayong mga Pinoy. Samantala, tumatabo po sa advertisements and mga TV channels sa ganitong forum.

Dito po sa Sentro ng Katotohanan, layunin din po nating makilala ang ating mga national candidates. Hindi po natin pinagkakakitaan ito, bagkus ay pinagkakagastusan pa nga natin. Iniimbita po natin ang lahat nang Presidentiables na mag-painterview sa atin ng live. Iinterviewhin natin sila at magbibigay tayo ng mga tunay na tanong, hindi po pang-slumbook o pang beauty contest lamang. Tatanungin po natin sila, kung magtataas sila ng tax pag nanalo. Kung ano talaga ang tunay at malinaw nilang stand sa mga issues. At kung paano nila tutustusan ang mga gastusing magmumula sa kanilang mga pangako..

Tingan po ninyo, kung tinatanggap po ng mga kandidato ang imbitasyon halimbawa ng ABS-CBN at ng GMA7, na kumikita sa mga forums na ito, sa palagay ko obligado sila na tanggapin din ang ating imbitasyon. Unfair po iyon kung hindi sila papayag, discrimination po iyon na matatawag, hindi po ba?

Na-interview na po natin si Mr. Delos Reyes at si Mr. Nick Perlas. Nainterview din po natin si Bayani Fernando (yun nga lang ay nagslide down na siya for VP). Alam naman siguro natin kasi na sina Delos Reyes at Perlas ay walang itinatago at hindi subservient sa mga malalaking channels, kayat madali silang kuhanan ng interview. Pero dahil po dyan, kung sakaling hindi tayo pakinggan ng mga sikat na kandidato, e wala po tayong magandang masasabi tungkol sa kanila. Alam na po natin agad, na hindi sila patas, namimili lamang sila ng kakausapin, at ang pakikipag-usap nila sa mga maliliit na mamayan, ay siguradong pakitang tao lamang.

Ito ang Sentro ng Katotohanan.


www.leadphil.blogspot.com

Wednesday, December 2, 2009

MomBlogger goes to Sentro

Yesterday, we have MomBlogger Ms. Noemi Lardizabal-Dado as special guest at Sentro ng Katotohanan. MomBlogger is the owner of the blog Touched by an Angel. She is also one of the contributors to filipinaimages.com. She is now part of a new internet project, BlogWatch, which hopes to inform people about their choices in the upcoming elections.

BenK of GetReal was also with us yesterday. We all discussed three main topics, the Arroyo Congress run, questions that must be asked the Presidentiables and the role of the internet and internet bloggers for elections 2010.

Yesterday's broadcast is now available for listening or download at www.leadphil.blogspot.com

Tuesday, December 1, 2009

Congresswoman Arroyo

The following is tonight's Talking Points on Sentro ng Katotohanan posted here in advance..
Congresswoman Arroyo

Simula noong isang linggo hanggang ngayong martes ay nag-file na ng kani-kanilang COCs ang mga kilalang Presidentiables at Vice Presidentiables. Sinasabing nakapagfile na sina
1. Senador Manny Villar at Senador Loren Legarda,
2. Sen. Noynoy Aquino at Senador Mar Roxas,
3. Dating Pangulong Erap Estrada at Mayor Jejomar Binay
4. Former Defense Sec Gibo Teodoro at TV Host/Actor Edu Manzano
5. Councilor JC delos Reyes at Atty. Jun Chipeco ng Ang Kapatiran
6. Tele-Evangelist Eddie Villanueva at former SEC Chairman Jun Yasay
7. Environmentalist Nick Perlas
8. Sen. Jamby Madrigal
9. At ang pinaka bagong team-up na ngayon lang lumabas, si Sen. Dick Gordon at MMDA Chairman Bayani Fernando

Palagay ko, exciting po talaga ang halalang 2010..

Pero, ang pinakamalaking headline sa lahat ng filing na ito, bagamat hindi po sa pagka-Pangulo, ay ang pag-file ni Pangulong Gloria Macapagal Arroyo ng kanyang COC sa pagka Congressman ng 2nd district of Pampanga. Simula pa po noong July, nagpahiwatig na po ang Pangulo na maari siyang tumakbo bilang congressman. Simula rin po noon, binilang na po ng mass media kung ilang beses nagpunta ang Pangulo sa kanyang distrito, at binilang na rin po ang kanyang mga projects na pinapasinayaan doon.. At simula rin po noon, ay katakot-takot na batikos na ang lumalabas sa mass media tungkol sa pagtakbong ito..

Ang tanong, OK lang po ba na tumakbo ang Pangulo sa mas mababang pwesto ng congressman? Masama po ba ito?

Kung papakinggan po natin ang mga pumupuna kay Ginang Arroyo, e parang napakasama po talaga nito. Sa mga balitang nakuha ko sa Inquirer.net, sabi raw po ni Bishop Oscar Cruz ng Dagupan na addict daw po sa kapangyarihan si Mrs. Arroyo.

Eto raw po ang sabi ni Bishop Cruz: “There appears to be no reasonable cause for such a constitutional prohibition as really there is no person in his or her sound mind who will do such a funny and demeaning political circus,” Cruz said. Cruz denounced Ms Arroyo’s “addiction to power.”

Sabi naman daw po ni Sen. Mar Roxas: “Her ultimate goal is to become House Speaker and ram through her burning desire to change the Constitution,” Roxas said. “Since she cannot hope to beat Noynoy, her next best option is to render his victory useless and lead the change in the form of government,” he added.

Sabi po ni Bayan Muna Rep. Teddy Casino:“She is drunk with power and can’t get enough. I think she needs professional help,”

Sabi po ni Mayor Jejomar Binay: “The real agenda is to ... shift to a parliamentary form of government and snatch power from whoever is elected president in 2010 by becoming prime minister and head of government,”

Hindi po napapansin ng marami pero nakakapagtaka po kung paano nasasabi ng mga ibang politiko ang masamang motibo ng iba pang politiko. Sila po ba ay manghuhula o Psychiatrist? Kung tingin po nila ay masama ang motibo ng iba, hindi po kaya masama din ang motibo nila? Kung ako po ay salesman, kunwari ng Coke, hindi po ba masama namang siraan ko ang Pepsi hindi sa pamamagitan ng mga data kundi sa gut feel lang?

Kung titingnan po natin ang comment ni Sen. Roxas, parang sinasabi po niya na kailangang matakot tayo kay Arroyo dahil po sa baka maging Speaker siya ng Kongreso. Ano po kaya ang ibig sabihin nila, hindi makakaya ng sususod na Pangulo na kontrolin ang Kongreso? Hindi po ba ang bawat congressman ay may tig-isa-isang boto? Bakit po parang takot na takot sila kay Arroyo o sadyang tinatakot lang tayo.

Doon po sa tanong na gusto lang daw kublihan ng Pangulo ang kanyang likod mula sa mga demanda, kagaya ng sinasabi ng marami gaya ni Sen. Jinggoy Estrada, bakit po hindi nila sinasabi kung ano ang ibig sabihin noon? Sa Pilipinas po, walang pong immunity sa demanda ang mga naging Pangulo at maging ang mga congressmen. Saan po kaya nila nakuha ang ideyang iyon? Hindi po ba ang pagpapalakas ng sistema ng hustisya beyond 2010 ay tungkulin ng susunod na Presidente? Ano kaya ang ibig nilang sabihin, hindi po kaya kaya ng susunod na Presidente na isaayos ang justice system sa Pilipinas at mai-prosecute si Congressman Arroyo kung kinakailangan?

Si Bishop Cruz naman ay parang kinondena na niya ang pangulo bilang pagtukoy dito bilang addict o gahaman sa kapangyarihan. Siguro po hindi na kailangang mangumpisal ni Ginang Arroyo kay Bishop, kasi alam na nito ang kasalanan niya. Ganun po ba iyon?

Kung ako po ang tatanungin, kung talagang gustong makatulong ni Pangulong Arroyo sa kanyang kababayan, hindi na po niya kailangang tumakbo sa kahit anong posisyon. Dati na po siyang Presidente. Pangalan pa lang po niya at isang salita lang ay may malaki nang maitutulong. Ganyan din po ang sinasabi ko kay dating Pangulong Estrada at maging kay Manny Pacquiao. Para sa akin, wag na po sana silang tumakbo.

Pero sakaling tuloy-tuloy na nga ang pagtakbo ni Pangulong Arroyo, at kung ito man ay mananalo, at least, medyo lumiit na po ang problema natin. Nagtatalo pa nga tayo dati kung bababa ba talaga ang Pagnulong Arroyo sa pwesto o hindi. Well, kung dati po ang problema natin ay isang President Arroyo , at least sa 2010, ang problema lang po natin ay isang Congressman Arroyo.

Ito ang Sentro ng Katotohanan.

Listen to Sentro ng Katotohanan, 8.30-9.30PM, TTh, DWBL 1242KHz.

www.leadphil.blogspot.com

Friday, November 27, 2009

Sentro with more Ang Kapatiran Senatoriables

Yesterday, Sentro ng Katotohanan talked to two more Ang Kapatiran senatoriables namely, Atty. Adrian Sison and Atty. Jo Imbong. We also had their Sec. Gen. Norman Cabrera who is also working as their campaign manager.. Know more about them by listening or downloading yesterday's archive from www.leadphil.blogspot.com..

Thursday, November 26, 2009

What will you do if you were President?

Today, I sent the following e-mail to all the Presidentiables in my list (Sen. Aquino, Sen. Villar, Sec. Teodoro, MMDA Chair Fernando, Nick Perlas, JC Delos Reyes and Bro. Villanueva)
Dear Sir,

I am Arnel B. Endrinal, anchor of the radio program, Sentro ng Katotohanan, DWBL 1242KHz TTH 8.30-9.30PM

We would like to get your official response to the following question:

GIVEN THE SITUATION IN MINDANAO, THE PRESIDENT OF THE PHILIPPINES IS EXPECTED OF SWIFT AND DECISIVE ACTION. IF YOU WERE PRESIDENT OF THE PHILIPPINES TODAY, WHAT WOULD YOU IMMEDIATELY DO (OR, WHAT WOULD YOU HAVE DONE IN THE PAST THREE DAYS)?

Hoping to receive your response as soon as possible. Please note that we will read in our program any of your response (or lack of it).

Best regards,

Arnel B. Endrinal
www.leadphil.blogspot.com

The reason I asked this is because I think all of Presidentiables have to promise us to stop this kind of violence if they win the elections. I think now as member of the mass media, it is my responsibility to ask these question. I hope every journalists, especially now that journalists are major victims of violence should demand answers from our Presidentiables. I say demand answers, and not let them get away with mere motherhood statements.

If we do not ask the right questions, then perhaps we deserve the kind of government we have now and we will have and deserve the same in the future.

Tatlong Araw, Tatlong Panawagan

The following is today's Sentro Komento posted here in advance..
Tatlong Araw, Tatlong Panawagan

Matapos ang 3 araw nang naganap ang massacre sa Maguindanao, nakakalungkot na masyadong mababa pa rin ang level ng usapan sa ating bayan. Kapag nakikinig ako ng news, o ng mga komentaryo sa radyo, paulit ulit na balita doon ay kung gaano tayo nakakahiya sa buong mundo. Paulit-ulit sinasabi doon kung paano kinokondena ng mga ibang bansa, ng mga international groups ng journalists at ng pinuno ng United Nations ang karumal-dumal na pangyayari sa bayan natin. Nakalugmok na nga ang bansa natin, pero tayo mismo ay tila mo ba natutuwa pa sa pagiging gitna natin ng atensyon sa buong mundo. Tila mo ba walang bigat ang sarili nating opinyon sa sarili nating kalamidad, kailangan pa nating paulit-ulitin ang opinyon ng mga banyaga upang makasirado tayo sa ating opinyon.

Paulit-ulit ko rin naririnig kung paano sinusubukan ng mga mass media na idugtong sa gobyerno ni Pangulong Arroyo ang mga pangyayari. Sinasabing ang pamilya ng Ampatuan ay ally ng Pangulo. Ang mga ito raw ay myembro ng LAKAS. Pero nakakalimutan nilang sabihin na pati ang pamilya ng biktima ay ally din ng Pangulo at myembro din ng LAKAS bagamat lilipat na yata ng LP. Sa radio, meron pa ngang tumitira kay former Sec. Gibo Teodoro sa pagpapatalsik nila sa mga Ampatuan sa partido, na tila mo ba lumalabas na walang saysay ito o katawa-tawa lamang.

Kanina raw ay sumuko na sa gobyerno si Mayor Andal Ampatuan Jr., ang hinihinalang pinuno ng grupong nagmasaker sa Maguindanao. Meron na rin daw mga CAFGU or CVO na hinuli at nasa custody na ng pulis. Nung unang araw ay sinsupinde raw ang isang hepe ng pulis sa lugar doon.. nakapagdeklara rin ng state of emergency.. Pero kulang yata ang mga ginawang ito.. Hindi pa yata ito masasabing swift and decisive..

Matapos ang tatlong araw, inaasahan sana natin na nagkaroon na ng total gun ban sa lugar na iyon, kinansela na rin sana ang authority at pinasurrender ng mga kapulisan at ng lahat ng mga CAFGU doon, inilipat na sana ang mga military officers sa area, sinuspinde na sana ang mga nakaupong Ampatuan. Alam ko, comfortable po akong nakaupo dito sa booth ng radio station at hindi ko alam kung paano ipapatupad ang aking sinabi pero iyan po ang inaasahan sana ng mga tao. Sige po, pagbigyan po muna natin ang gobyerno at hintayin natin ang mga resulta sa loob ng ilan pang mga araw. Pero kung mukhang walang mangyayari dito sa lalong madaling panahon, isa na po ako sa hihingi sa resignation ng Pangulong Arroyo. Napakaseryoso po ng pangyayaring ito upang mauwi lamang sa wala.

Samantala, nakakabingi ang katahimikan mula sa mga Presidentiables. Pinahihintulutan naman po ng nakararami sa mass media. Bagamat lahat ng Presidentiables ay nagsasabing karumal-dumal ang mga pangyayari, wala namang nagsasabi kung ano ang dapat gawin. Parang nakikiramdam pa sila. Pinapakiramadaman pa nila kung may lakas pa ang mga Ampatuan para sa darating na eleksyon bago sila makapagsabi ng masama sa mga ito.

Palagay ko sa pagkakataong ito, kailangang itanong natin sa kanila, kung kayo ang Presidente, ano ang gagawin ninyo? Kung kayo na ang Presidente ngayon, ano na sana ang ginawa ninyo sa loob ng tatlong araw na ito. Tama na po ang mga motherhood statements laban sa karahasan. Tama na po ang generalities laban sa warlordism. Wala naman po talagang kakampi sa mga warlord at sa karahasan. Walang pong saysay yang mga statements na iyan. Wala rin pong saysay ang pagkakabilang ninyo sa oposisyon kung pareho rin lang ng administrasyon ang gagawin ninyo at wala ring pinagkaiba..

Kailangan po ay magbigay kayo ng mga specifics, ano po ang gagawin ninyo sa mga Ampatuan? Ano po ang gagawin ninyo sa mga Mangudadatu? Ano po ang gagawin ninyo sa mga CAFGUS? Ano po ang mga gagawin ninyo sa mga angkang may mga private armies sa Mindanao, sa ARMM, at maging dito man sa Luzon. At sa kasagutan ninyo, kaya po ba ninyo talagang gawin iyan? Ano po ang pruweba ninyo na kaya niyo iyang gawin?

Ulitin ko lang po, tatlo po ang pinananawagan ko:

Sa gobyerno: Sana po ay talagang ipatupad ang batas,
Sa mga kandidato: Sana po ay sabihin nila ang dapat gawin, hindi mga motherhood statements lamang
At sa Mass Media: Sana po ay itaas naman ang level ng usapan sa paghanap ng solusyon, hindi sa paghanap lamang ng masisisi.

Alam ko, tatlong araw na po ang nagdaan makatapos ang massacre sa Maguindanao pero taon ang bibilangin para masolusyonan iyon. Pero hindi po matatapos ang problema kung hindi natin uumpisahang tapusin ngayon.

www.leadphil.blogspot.com

Wednesday, November 25, 2009

Sentro on Maguindanao and the Economic Platform

Yesterday, Sentro ng Katotohanan, had Mr. Ben Kritz, a Business Process and Management Consultant, and member of Get Real Philippines, talking about the situation in Maguindanao and how it would impact the country as a whole. We also talked about poverty and corruption and why/how the Economy matters to combat these problems.

The broadcast is now available for download or listening to at www.leadphil.blogspot.com.

Tuesday, November 24, 2009

War Zone in Maguindanao

The following is the transcript of tonight's commentary at Sentro ng Katotohanan...

War Zone

May isa pong nakakalungkot na pangyayari sa Maguindanao…, Ang Maguindanao ay isang probinsya po sa ARMM sa Mindanao. Sinabi po sa news sa Inquirer.net kanina na ang asawa ni Vice Mayor Ishmael Mangudadatu ng Buluan sa Maguindanao na si Genalyn Mangudadatu, ang kasama pa nitong kapatid, lawyers at mga supporters na mga kababaihan, at mga media people - mga reporters na sumama lamang para i-cover ang pag-file nila ng COC sa COMELEC para sa kandidatura ni Vice Mayor Mangudadatu sa pagka-gobernador ay pinagpapatay lahat. Mahigit 40 katao daw po ang pinatay doon, kahapon.

Sabi sa Inquirer, sinabi ni Vice Mayor Mangudadatu na mga tauhan daw ng mga Ampatuan ang humarang sa kanyang asawa. Nakatawag pa raw ang kanyang asawa at nasabi sa kanya iyon. Ang mga Ampatuan po, kagaya rin ng mga Mangudadatu ay ilan sa mga malalaking pamilya sa ARMM. Ayon sa Inquirer at iba pang sources na nakita natin sa internet, Ang gobernador po ng ARMM ay si Zaldy Ampatuan. Ang gobernador po ng Maguindanao ay si Datu Andal Ampatuan Sr. Iba-ibang lugar po sa ARMM, mga Ampatuan at mga Mangudadatu ang mga Mayor, Vice Mayor at kung ano-ano pa.. Kung may definition po ng political dynasty ay doon po natin makikita. Pero iba po ang kultura doon, kaya hindi po natin alam kung masama sa kanila iyon.

Pero, hindi ko po akalain na ang mga ganitong patayan ay nangyayari pa sa Pilipinas. Sa ganitong pagkakataon, parang walang pinagkaiba ang Maguindanao sa Iraq o sa Afghanistan. Kung iisipin pa nga, parang lumalabas na mas malala pa! Nakakahiya po sa buong mundo at nakakalungkot po sa pamilya ng naulila ang kalagayan nating ito.

Sabi po ng REPORTERS WITHOUT BORDERS, ang pangyayari daw na ito sa atin ay isang “dark day for Press Freedom”. Ito raw ang “worst loss of life in one day in the history of journalism”. Sabi pa nila sa press release nila sa website na www.rsf.org: “Never in the history of journalism have the news media suffered such a heavy loss of life in one day”. Hindi ko alam kung totoo ito, pero lumalabas po yata na mayroon tayong nagawang napakasamang world record dito sa mahal nating bayan ng Pilipinas.

Sa ganitong sitwasyon, ano po kaya ang dapat gawin ng gobyerno? Ano po ang gagawin ng ARMM kung involved din ang Pamilya ng gobernador doon sa sitwasyon. Hindi ko po pinararatangan ang mga Ampatuan na sila na nga ang may kagagawan sa patayan, pero kung sila ang itinuturo ng asawa ng biktima hindi po ba dapat ay mag-inhibit sila sa anumang involvement para wag magulo ang kaso? Dapat po siguro ay mag-take-over muna pansamantala ang national government sa Peace and Order situation doon.. pero hindi ko po alam kung pwede iyon sa batas ng ARMM. Pero kinakailangan po talaga ang mabilis, at mabagsik na pagkilos dito ng pamahalaang Arroyo.

Talagang magulo ang politika sa Maguindanao at sa ARMM. Ang mga pamilya po doon ay may kani-kaniyang dynasty na pinangangalagaan. Dati na pong panahon, hanggang ngayon ay may mga karahasang nangyayari sa lugar na iyan, lalo na sa panahon ng eleksyon, bago pa man ang ARMM. Alam po natin na halos lahat ng opisyal sa ARMM ay nasa ilalim ng partido ng LAKAS na itinatag ng dating Pangulong Ramos at ngayon ay itinuloy at na-merge sa partidong KAMPI ng Pangulong Arroyo. Sa kabila noon, hindi po nawala ang karahasan sa lugar. Sa iba pa pong lugar ng ARMM, sa Basilan, doon sa Sulu at Tawi-tawi, nandoon pa rin ang mga teroristang Abu Sayaff, Patuloy pa rin po ang pagkikidnap doon ng mga bandidong grupo. Hanggang ngayon po ay hindi pa rin natatapos ang laban ng gobyerno at MILF.

Hanggat magulo sa lugar na iyon, paano po kaya ang mga mamamayan? Paano po kaya ang mga pamilihan, ang mga ospital, ang mga public services doon? Uunlad po kaya ang lugar na iyon, giginhawa kaya ang mga taong nakatira doon?

Kung pinag-uusapan po natin ang kahinaan ng ating gobyerno, parati po nating sinasabi na ang corruption ang pinaka masamang ginagawa ng ating Pangulo. Sa totoo lang po, bagamat ako rin po ay naniniwala sa talamak na corruption na nangyayari, hindi po natin napapatunayan ang lahat ng ito. Puro ngawa at ingay lang po ang nangyayari sa atin pero wala pong makapag-palabas ng tunay na ebidensya.

Pero panigurado ko po, ang kaguluhang nangyayari sa ARMM ay may pinagmulan din sa corruption. Kung iisipin po natin, ang mga kaguluhan po ay pwede nating mabilang, ang kidnapping po ay pwede natin ma-isa-isa. Itong kaguluhang ito, sa aking, palagay ang siyang pinakamalaking pagkukulang ng ating gobyerno noong dati pa at pagkukulang din ng gobyerno ni Pangulong Arroyo.

Kaya, kung sino man ang nais maging pangulo ay dapat magbigay ng komprehensibong solusyon dito. Komprehensibo po, hindi mga generalizations lamang. At kung hindi sila makapagsalita sa harap ng taong bayan kung ano ang dapat gawin sa ARMM at sa mga lugar na may kaguluhan, alam po natin na walang pagbabagong magaganap sa ilalim ng kanilang administrasyon.

Ito ang Sentro ng Katotohanan.


www.leadphil.blogspot.com

Monday, November 23, 2009

Efren Penaflorida is CNN Hero of the Year!

The following is the newsclip from CNN:

(CNN) -- Efren Peñaflorida, who started a "pushcart classroom" in the Philippines to bring education to poor children as an alternative to gang membership, has been named the 2009 CNN Hero of the Year.

CNN's Anderson Cooper revealed Peñaflorida's selection at the conclusion of the third-annual "CNN Heroes: An All-Star Tribute" at the Kodak Theatre in Hollywood on Saturday night.

The gala event, taped before an audience of 3,000 at the Kodak Theatre, premieres on Thanksgiving, November 26, at 9 p.m. ET/PT on the global networks of CNN. more

Friday, November 20, 2009

Sentro ng Katotohanan with Ang Kapatiran Senatoriables

Yesterday, Sentro ng Katotohanan talked to three of the Senatoriables of the Ang Kapatiran Party. They are Maria Andrea "Baby" S. Mendigo, Ret. Air Force Colonel Hector "Tarzan" Tarrazona, and Rizalito "Lito" David. The broadcast may now be listened to or downloaded from the Lead Philippines website (www.leadphil.blogspot.com).

Thursday, November 19, 2009

Rigodon

The following is Sentro's Talking Point to be read on tonight's Sentro ng Katotohanan broadcast, posted here in advance.

Rigodon

Marami po tayong naririnig ngayon na mga politiko na tila nyo ba nagririgodon. May mga commentators pa nga po na nangangantiyaw sa LAKAS party na hindi na raw LAKAS ang tawag dito kundi KALAS.

Sabi nga po, ang LAKAS daw po kasi ay ang partidong kinakalasan ng marami dahil ito raw ang partido ng Presidente na hindi na gusto ng mga tao, kaya’t hindi raw mananalo ang mga kandidatong tatakbo sa ilalim nito.

Lumalabas, gusto raw lumipat ng mga kandidato sa Liberal Party, dahil nandun ang winnable tandem nina Senador Noynoy Aquino at Mar Roxas. Siguro po, ang gusto ng mga politiko ay i-endorso sila ni Noynoy, itaas ang kanilang kamay nito at siguradong mananalo na rin sila!

Parang ganito rin nung panahon ni dating Pangulong Estrada, noong siya ang pinakamainit na kandidato, marami ang sumasama o nag-aalign sa kanyang partido. Tapos, ginagawa siyang parang mascot.. taga taas ng kamay ng mga local candidates. Sigurado, yung hindi ma-eendorse ni Noynoy, pupunta sila sa dating pangulong Estrada, para lang may makasama sa picture na kilala na.

Ang tanong ko, may bayad kaya yung pagtaas ng mga kamay na iyon? Sino kaya ang nagbabayad, yung nagtataas o itinataas ang kamay? Kung hindi man pera, ano kaya ang bayad?

Marami rin daw lumilipat sa Nationalista. Sabi nila, marami raw kasing pondo si Senador Villar, at may pag-asa ding manalo. So, sa kaso kaya ni Senador Villar, siya kaya ang nagbabayad, kung may bayad man, sa mga taong itataas nya ang kamay?

Kaninang umaga, nagpakita ng lakas ang LAKAS KAMPI. Malakas pa rin daw sila. Nagproklama sila ng mga kandidato, sina Defense Secretary Gibo Teodoro sa pagkapangulo at si Edu Manzano sa pagka-Vice ang napili nilang mga kandidato. Matatag daw ang LAKAS at malakas ang pwersa sa buong bansa.

Pero natatandaan ko po, noong House Speaker pa si Manny Villar, kakampi po siya ni dating Pangulong Joseph Estrada. Pero bigla siyang bumaliktad sa kanyang Pangulo at siya ang nagsulong ng impeachment ni President Erap. Ganun din po ang grupo ng mga Liberal na dating kakampi ni Pangulong Arroyo. Isang araw po, bumaliktad na lang sila kahit kakampi sila kahapon.

Kung titingnan natin ang mga lipatan na nangyayari, ay tila nyo normal na lamang ito sa bayan natin. Wala na pong hiya-hiya ang lipatan. Kahit kalaban mo dati, kampihan mo na ngayon, kung kakampi mo, labanan mo, ok lang. Hindi na po nakakahiyang tawaging balimbing, o kaya ay hunyango. Bakit po kaya parang hindi na sila natatakot sa sasabihin ng mga taong bayan? Talagang pinagbabale-walang bahala na nila lahat kung ano man ang sasabihin natin?

Kung susuriin natin, kitang-kita na bale wala sa mga kandidato natin ang tunay na integrity. Hindi po importante sa kanila ang katapatan. Bale wala ang isang salita. Siguro, para sa kanila, madali lang yan… gagawa lang sila ng isang maka-bagbag damdaming advertisement na may mga artista, o kaya ay may kasamang mahihirap nating mga mamamayan.. at sasabihin lang nila na may integrity na sila. Ayos na! Sasabihin lang nila para sa masa sila, ayos na! Sasabihin lang po siguro nila matatalino sila, sasabihin nila galing sila sa hirap, ayos na! Siguro, sa isip nila, uto-uto naman ang mga Pilipino, ok na yan. Hindi na mapapansin yan..., konting papogi lang makakalimutan na iyan.

Isa pa pong halimbawa..., si Mar Roxas nga po, di po ba dati kakampi siya ni Pangulong Erap? Hayun, bumaliktad. Tapos naging masugid na kakampi ni Pangulong Arroyo, di po ba? Tapos bumaliktad din. E ngayon nasa kay Noynoy na siya. Ito po ang tanong: Kapag nanalo po sila sa halalan, naging Pangulo na si Noynoy, tapos binabatikos na ng media, babaliktad din kaya siya kay Noynoy? Isipin po ninyo ng malalim. Talaga po, isipin po ninyo... Ano po sa palagay ninyo?


www.leadphil.blogspot.com

Wednesday, November 18, 2009

Sentro on Campaign Rules and Gimmicks

Yesterday, Sentro ng Katotohanan discussed with Paul Farol of Pinoy Buzz the electoral campaign rules and limitations considering the start of filing of candidacies for national positions on November 20, 2009. Also discussed were campaign ads and activities candidates are doing early in the game. The broadcast may now be downloaded or listened to from www.leadphil.blogspot.com.

Tuesday, November 17, 2009

Which is more Important, Manny Pacquiao or the APEC summit?

The following is tonight's Sentro ng Katotohanan talking points now being posted here prior to the broadcast.

Ano ang mas Importante sa bayan, si Pacquiao o ang APEC?

Noong Linggo, halos lahat po siguro ng mga Pinoy ay nanood ng labang Pacquiao at Cotto sa kanilang TV. Yung iba po ay nakapanood ng live nito sa kanilang cable (PPV). Yung iba po ay sa mga restaurant at hotel na nagpalabas ng live. Marami din po ang mga nanood sa mga live feed na ini-sponsor ng mga politiko sa kanilang mga lugar. Meron din pong nakinig lamang ng live sa BB at sa LS sa AM at FM radio.

Ako po, kagaya siguro ng mas nakararami ay nanood lamang sa channel 7, kung saan ang 45-minute na labanan ay hinintay ng lahat sa loob ng 4 na oras at ang mismong laban ay ipinalabas sa loob ng mahigit 2 oras. Namamamaga na po yata ang mata ko matapos ang showing.

Sadya, sa buong Pilipinas ay napakahalaga ang labang ito ni Manny Pacquiao. Siya po ay ang idolo ng bayang Pilipinas, ang Pambansang Kamao, sabi nga po sa mass media.

Sa kabilang banda naman, noon pong linggo, natapos ang isa rin sa mga bagay na mahalaga sa bayang Pilipinas, ang APEC (Asia Pacific Economic Cooperation) summit na naganap sa Singapore. Nandoon po ang ating Pangulo, kasama na rin ang mga pangulo ng maraming bansa (21) na nakapaligid sa Pacific Ocean. Nandoon po si Obama ng Amerika, si Hu Jin Tao ng China, ang mga pangulo at pinuno ng South Korea, Indonesia, Peru, Chile, Canada, Australia, Taiwan, Japan, Brunei, Malaysia, Mexico, New Zealand, Papua New Guniea, Vietnam at Thailan, at maging ang presidente ng Russia na si Dimitry Medvedev.

Sabi sa CNN, may lavish dinner pa nga raw sa Singapore. Pero ang pinag-uusapan po doon ay tungkol sa ekonomiya at trade at ang climate change. Sa isang bansa po ng sadyang mahirap, at ang pagbangon ng ekonomiya ang siyang sinasabing pinakamahalagang bagay na dapat ay nasa agenda ng lahat ng mga politiko at opisyal, mahalaga siguro po ang APEC summit na ito. Sa isang bansa po na dinaanan kamakailan ng bagyong Ondoy at Pepeng, na pumatay ng mahigit 500 katao, dobleng napakahalaga siguro talaga ng summit na iyon.

Sa Inquirer (na siyang number one newspaper daw po sa Pilipinas at siyang pinagkakatiwalaan ng tao), noong linggo, nakasentro po ang headlines tungkol sa laban ni Manny Pacquiao. May malaking picture po si Pacquiao habang nagfle-flex ng muscles. Nakalagay po kung ano ang timbang nya, ano ang mga napalanunan na niya dating belts, ano ang masasabi ng iba-ibang tao tungkol sa laban, kung paano muntik mag-away ang coach ni Cotto kay Coach Roach, at kung ano-ano pang mga trivia. Sa parehong araw, nandun po sa Inquirer din, isang maliit na feature ang pagdating ni Pangulong Arroyo sa Singapore kung saan hindi siya nakapagpapicture sa logo ng APEC sa airport kasi nauna at natagalan ang mas malaking ng delegasyon ng Vietnam. Yun po ang coverage ng Inquirer tunkol sa participation natin sa APEC noong linggo.

Kagabi, sa GMA7, sa kanilang evening newscast na nag-umpisa ng 6:30 at natapos ng 8:15 ng gabi, mahigit 45 minutes po ang inilaan kay Pacquiao na mga balitang inulit lang naman, kasi, ipinakita na din ito noong umaga sa Unang Hirit. May 3 minutes po silang inilaan sa nanalo sa kanilang Survivor Philippines, may mga 3 minutes pong inilaan tungkol sa balita sa paglipat nina Ate Vi at Kuya Ralph sa LP, mga 4 minutes po sa tungkol sa barilan sa bulacan kung saan involved and isang reporter, 2 minutes sa pagsabog ng isang granada sa QC.. mga 30-40 minutes sa advertisement... Alam po ninyo kung ilang minuto inilaan nila tungkol sa APEC? Zero po, zero. Sa mata po ng GMA7, parang hindi po nangyari ang APEC.

Ang tanong ko, alin po kaya ang mas importante sa bayan, yun laban ni Pacquiao o yung mga pangyayari sa APEC summit? Siguro, may magsasabi po mas mahalaga ang APEC. Meron din magsasabi na bagamat mahalaga ang APEC, mas mahalaga ang laban ni Pacquiao. Pero, wala po naman sigurong magsasabing hindi mahalaga ang APEC summit.

Ang nakalulungkot, lumalabas po sa ilan sa malaking mass media natin, pinaka-importante po sa buhay ng Pinoy ang laban ni Pacquiao at totally walang saysay ang APEC.

Kung ganito po ang sitwasyon, dapat po siguro ay huwag na tayong sumali sa APEC. Siguro po dapat: ang Pangulo, ang kanyang mga Secretaries at mga Congressmen na nasa kanyang delegasyon ay nagpunta na lang dapat sa Las Vegas at nanood na lang ng laban ni Pacquiao kaysa magpunta ng Singapore at umattend ng APEC. Siguro, imbis na magmyembro tayo ng APEC, dapat sumali na lang tayo sa WBA, o WBO, o IBF? Hindi ko po tinatanong ang masa, ang tinatanong ko po ay ang mass media!

Kung pag-iisipan po natin, habang tayo ay nagiging lango sa kasiyahan sa pagpapakita ng mass media sa atin paulit-ulit sa pagkakapanalo ni Manny Pacquiao, ang atin pong Presidente, na tila mo ba, ayon na rin sa mass media, pinaka-corrupt na Pilipino sa buong mundo, ay lumalabas na nagtratrabahong mag-isa para sa ating kapakanan at walang nakakapansin doon sa Singapore.

Iyan po ang Sentro ng Katotohanan sa araw na ito.


www.leadphil.blogspot.com

Saturday, November 14, 2009

Ang Kapatiran Party goes to Sentro

Ang Kapatiran Party founder, Mr. Nandy Pacheco, and one of Ang Kapatiran senatoriable, the book Author Manny Valdehuesa Jr. visited our station and joined our program Sentro ng Katotohanan last Thursday.

Mr. Valdehuesa recently published a book called A NATION OF ZOMBIES: POWERLESS GRASSROOTS, CLUELESS ELITE AND THE CYCLE OF CORRUPTION IN THE PHILIPPINES.

The archived broadcast is now available for download or listening from www.leadphil.blogspot.com

Meanwhile, last thursday's talking points transcript follows:

Ang Kano para sa Amerika, Pinoy para sa Pilipinas

Dumating na nga raw po si US State Secretary Hillary Clinton sa Pilipinas. Dati po, nung siya ay first lady pa, alam ko nagpunta na rin siya sa Pilipinas. Tayong mga Pinoy ay sinasabing mga hospitable na tao, kaya welcome po kay Sec. Clinton.

Kaninang umaga, narinig ko sa radyo na hinuhulaan ng mga commentators kung ano ang dahilan kung bakit nagpunta sa Pilipinas si Sec. Clinton. Ang opisyal kasing statement ng Malacanang e kaya raw pupunta sa Pilipinas ay para ipakita ang solidarity ng American People sa Filipino People, lalo na tungkol sa naganap na pagbagyo at delubyong nakaraan. Parang gustong palabasin ng mga commentators na napakasinungaling ng mga government officials natin at ayaw pa kasing sabihin ang totoo, na marahil daw ang pag-uusapan ay ang Visiting Forces Agreement.

Alam niyo, ang VFA ay isang bagay na tila mo napakasama ang dating sa mga Pinoy dahil sa mga naririnig natin. Ito raw ang lumalabas na pakana ng Amerika para masagkangan ang ating kalayaan.

Sa totoo lang po, hindi naman po dapat itanong pa kung bakit nagpunta dito si Clinton. Sigurado naman po kasi natin na kung ano man ang gagawin niya ay para sa interes ng Amerika. Siempre... Alangan naman na kaya siya pumunta dito ay para sa kapakanan ng Pilipinas? So, nakakatawa kung gagawing issue pa yan.

Ang tanong po siguro marahil ng karamihan ay kung masama ito o mabuti para sa Pilipinas? Kung ako po ang tatanungin, wala po sa Amerikano ang ikabubuti ng bayan. Wala rin po sa Japan o sa China, maging sa Russia o sa Saudi Arabia.. Ang ikabubuti po ng Pilipinas ay nasa kamay po ng mga Pilipino, nasa sa ating Leader po kung ano ang magiging direksyon ng bayan natin, lalo na sa may kinalaman sa pakikihalubilo natin sa daigdig. Ito po ay nagdedepende kung sinong Leader ang iluluklok natin sa gobyerno. Kung ang isinusulong po ni Clinton ay ang American Interest, nasa sa atin naman po na pangalagaan ang ating sariling interest... Ang mahalaga po ay napapangalagaan natin ang ating interest nang hindi tayo nakikipag-away sa ibang bayan. Ang maganda nga po e kung meron pa tayong maproprobecho sa kanila, eh kuhanin natin pero nang hindi natin isinasakripisyo ang pangmatagalang kapakanan ng ating bayan. Ngayon, kung akala po natin, si Clinton ang may dahilan kung bakit tayo ay nagiging kawawa sa mundo, e nagkakamali po tayo.

Kung tungkol sa VFA lang ang dahilan ng pagpunta ni Sec. Clinton dito, kailangan pa ba talagang magpunta siya. Di po ba, tawag lang sa telepono pwede na? Obvious po, kaya po nagpunta rito ay para ibenta ang Amerika sa bayan natin.. ibig sabihin po para ipakita ang kanilang magandang mukha... Siguro sa pamamagitan ng pagpapakita sa atin na importante ang bayan natin sa Amerika.

Eh dahil po sa importante rin ang Amerika sa atin, dahil
- ang Amerika po ang may pinakamalaking ekonomiya sa buong mundo,
- ang Amerika rin po ang maaring makatulong sa ating external security dahil sila ang may pinaka-modernong military,
- ang Amerika rin po ang may kapasidad na magpagulo o magpatahimik sa buong mundo dahil sa kanilang involvement sa kung saan saan.. talagang importante po ang Amerika sa world affairs,

E kailangan pong ipakita natin ang ating hospitality kay Sec. Clinton. Kailangan lang pong malinaw sa atin kung ano ang kailangan natin sa Amerika, at gamitin naman natin bilang leverage ang mga bagay na kailangan naman nila sa atin.

So welcome po Sec. Clinton! we wish you good tidings. Merry Christmas na rin po in advance!

Wednesday, November 11, 2009

Sentro and the Get Real Gang

Yesterday, Sentro ng Katotohanan, again, had as guest Get Real advocate OrionD who brought along Get Realist Laurence and Pinoy Buzz blogger Paul Farol. The broadcast is now available for download or listening online.

Meanwhile, the following is the transcript of yesterday's Sentro Talking Points..

Ang Tanging Pamilya

Bukas po yata ay lalabas na ang pelikulang “Ang Tanging Pamilya”, kung saan bida ang dating Pangulong Joseph Ejercito Estrada, kapartner niya si Ai-Ai delas Alas. Kasama rin sa pelikula sina Toni Gonzaga at si Sam Milby. At introducing sa pelikula si “PacMom”, Mrs. Dionisia Pacquiao. Manonood ba kayo?

Nung last week, nabasa ko naman pinag-uusapan ang Ninoy-Cory Movie. Pinag-iisipan pa kung sino ang lalabas na mga artista. Baka si Piolo Pascual at si JudyAnn Santos daw ang lumabas na Ninoy at Cory nung bata pa sila.. yun daw ang gusto ng magkakapatid… O baka raw John Lloyd o Bea Alonzo…, parang yun naman ang gusto ni Kris Aquino.. Pwede rin daw si Vilma Santos ang gumanap na Cory Aquino noong presidente na, kaso baka daw magkaroon ng restriction kay Vilma Santos dahil sa campaign. Kaya baka si Sharon Cuneta na lang.. Ibig sabihin, inaasahan po siguro na lalabas ang pelikula during the campaign period sa 2010. Pwede rin daw si John Lloyd ang lumabas na Noynoy. Si Kris Aquino daw, si Kim Chiu daw ang gusto niyang artista na lumabas na Kris.

Ano sa palagay niyo, OK ba to?

Alam ninyo, medyo un-easy ako dito sa mga pangyayaring ito eh. Hindi kaya kabastusan na ito? Binabastos na tayo ng harap-harapan e parang naka-smile pa rin tayo? Para yatang binobobo na tayo ng husto ng mga politikong ito, ano po sa palagay ninyo?

Payag po kaya si Senador Noynoy Aquino sa mga developments na ganito? Gusto kaya po niya talaga na magkaroon ng Ninoy at Cory movie bago mag-eleksyon? Ganito po kaya ang integrity na ibig sabihin ng supporters ni Noynoy? Ano po kaya ang pinag-kaiba sa kampanya ng kampo ni Noynoy at ni Erap.

Alam ninyo sa mga advanced countries, kapag ganito ang presidentiable, sigurado talo na. Sigurado, kinabukasan, kakausapin na kayo ng mass media at babanatan maghapon sa ere. Pero bakit kaya dito sa atin, OK lang.. OK lang po ba kaya kasi talaga sa mga taong bayan? O, ok lang po kaya kasi sa Mass Media.

Ang producer po ng Ang Tanging Pamilya ay Star Cinema na pag-aari ng ABS-CBN. Sinasabi, kapag natuloy ang Ninoy and Cory Movie, Star Cinema din ang mag-pro-produce. Araw-araw po, pag nakikinig ako sa radyo at TV sa mga commentators ng ABS-CBN, tira po sila ng tira sa corruption ng gobyerno. Hindi po kaya kaparte sila sa corruptiong mga nagaganap?

Napanood ko iyong trailer nung Ang Tanging Pamilya. Comedy po. Nakatuwa naman sina Ai-ai, at Tony Gonzaga. Pero si Pangulong Erap hindi po talaga nakakatawa. Kasi, parang nahihirapan nang kumilos. Parang mamasa-masa yung mata at hindi makakilos ng mahusay, Pati magsalita parang nahihirapan. E siempre naman, mahigit 72 years old na siya eh. Si Ai-ai delas Alas, 45 years old pa lang.., pero ang labas nila mag-asawa.. Sa totoo lang, hindi ko alam kung may manonood nito. Nung pinanood ko yung trailer, medyo sumakit po ang ulo at batok ko. Pinipilit ko pong magustuhan pero ayaw po talaga.

Alam niyo, ang dating pangulong Estrada ay na-convict po sa kasong plunder. Na-convict po, ibig sabihin po noon e napatunayang kumuha siya ng milyon o bilyong piso..., pera na sana ay nagamit natin sa bayan para sa mahihirap. Sa palagay po ninyo, nakakatawa po ba iyon?


www.leadphil.blogspot.com

Tuesday, November 10, 2009

WANTED: President

A nation of more than 90 Million people, rich in natural resources, with an annual budget of more than PhP1.5Trillion, is in urgent need of a President to be installed by the end of June, 2010. The President we have in mind:
- Must be a Filipino citizen (by birth), at least 40 years of age, and must have shown and proven his/her love of country and people.
- Must have very high intelligence and the ability to communicate well with people of all ages, backgrounds, religion and nation. He/she must be believable and ignites trust and influence in the people he/she encounters
- Must exude extreme confidence, must be in good health and have the ability to work under extreme pressure
- Must have high integrity, have not been convicted of any crimes, nor have been proven to lie under oath in the past

To qualify, the candidate:
- Must present his/her resume with credentials, family background, financial worth, state of health, and affiliations
- Must present his/her solid, verifiable and measurable accomplishments in the past especially those showing his/her leadership capabilities
- Must present his/her historical and present positions and their justification in many different issues affecting the country such as but not limited to The Reproductive Health Bill, The Visiting Forces Agreement, People Power 1 and 2, Early political campaigning and electoral reforms, Value Added Tax, Oil Deregulation, Estrada Pardon and 2010 Candidacy, Agrarian Reform, Endorsement of Political candidate by religious leaders, Oakwood Mutiny and the Manila Peninsula Siege, NBN/ZTE and the Jun Lozada testimony, Charter Change, etc.
- Must present actionable platforms which include solutions to different problems hounding the country, such as extreme poverty aggravated by graft and corruption, war in Mindanao and with the NPA, poor physical and business infrastructure, ballooning public debts and budget deficits, low quality of public education and healthcare, etc.

To apply, please fill up an application and submit with the COMELEC Main office on or before November 30, 2009. Qualified candidates will be invited for various interviews, forums and debates from February to May, 2010. Failure to attend such interviews, forums or debates will mean that the candidate is not interested in the position and shall be cause for non-inclusion, if not outright disqualification.

Gawad Kalinga sa Sentro

Last Thursday, we have Gawad Kalinga's (GK) Dr. Eric Cayabyab as our guest at Sentro ng Katotohanan. Learn more about GK, their history and advocacy. Download or listen to last thursday's broadcast.

Meanwhile, the following is the transcript of the same broadcast's talking points.

Ang Mindanao Peace Problem

Sa Mindanao, nasa balita po yung tungkol sa nakidnap na pari na si Fr. Sinnott dun sa Pagadian City sa Zamboanga del Sur. Pinag-aawayan po sa balita ng gobyerno at ng MILF ang kidnapping na ito. Sabi po ng gobyerno, ang MILF daw ang nasa likod ng kidnapping. Ang sabi naman po ng MILF, hindi raw sila ang nagkidnap. Tumutulong pa nga raw sila para ma-secure ang biktima.

Natatandaan ko nung 2007, meron din pong foreigner na pari na nakidnap sa Mindanao. Kung natatandaan ninyo, si Fr. Bossi, isang Italian priest po ay nakidnap din sa Zamboanga Sibugay, pero buti na lang na release din. Matagal na panahon na po, may mga pari ang missionaries na nakikidnap doon. Kahit nga si Ces Drilon, nakidnap din daw. Meron din mga nakidnap na iba pang mga broadcast journalists...

Noong 2001 po nakidnap din ang mag-awang Martin at Gracia Burham. Binabasa ko nga po yung libro na ginawa ni Gracia Burnham tungkol sa kidnapping na iyon, makikita po natin na talagang may malaking problema tayo. Ang masama po nito, pinagdududahan din po noon maging ang mga politiko nang involvement sa mga kidnapping na ito..

Ang tanong ko po, ano po ba talaga ang problema natin sa Mindanao? Darating po ang Eleksyon sa 2010, pero bakit po ang mga politiko natin ay walang sinasabi tungkol sa problema na ito? Bakit po hindi nila sinasabi kung ano ang magandang solusyon sa problema doon? Hindi po ba nila alam ang kasagutan?

Noong na-interview po natin si MMDA Chairman Bayani Fernando, ang sinabi po niya, kailangan daw ay dagdagan ang government service sa Mindanao. Dapat daw ay hindi lang basta government service ang ibigay sa tao, kundi isang uri ng government service na talagang mapapa-wow ang mga mamamayan. Dapat daw, parating nag-iimprove ang government service ng sa gayon ay parating nagmamatyag ang mga tao at hindi magiging abala sa pagrerebelde. Sabi rin po niya, kailangan daw ang superior technology para sa ating military, para mabawasan ang casualty sa parte ng gobyerno. Kapag ganito daw ang ginawa, unti-unti raw mawawalan ng saysay ang mga rebelde doon. Nagkulang lang po ang oras namin sa interview kaya’t hindi ko na naitanong kung paano popondohan ang mga solusyon na ito. Kung maganda po ang solusyon ni Chairman, nasa mga tao na po iyon. Pero si Chairman, hayun mababa sa survey.

Ang mga nangunguna sa survey, sina Noynoy at Villar, ano po ba ang solusyon nila? Hindi ko po alam. Baka po kulang lang ang research ko pero wala po akong nakita. Kung may alam po kayo, sabihan niyo kami. Pero ang importante po, iyon dapat ang mga issues na pinag-uusapan natin. Kailangan po siguro pagdebatihin natin ang mga presidentiables tungkol dito. Dapat po siguro itanong natin kung paano popondohan ang kanilang mga plano. Dapat rin po siguro itanong natin sa kanila kung ano ang mga nagawa na nila sa mga nakaraan na magpapatunay na kaya nilang gawin ang kanilang mga pinaplano.

Sa totoo lang po, kapag hindi natin tinanong sa panahong ito ang mga kandidato, magbabago po kaya ang bayan natin matapos ang eleksyon sa 2010? Kapag hindi po natin sila tinanong ngayon, palagay ninyo magkakaroon ng katahimikan sa bayan natin lalo na sa Mindanao? Kapag basta bumoto na lang tayo, yayaman po ba ang Pilipinas, mawawala po ba ang mahirap? Sa palagay ko po, hindi e. Pero pag tinanong natin sila at pinilit natin silang sumagot, may tsansa po tayo sa mas magandang hinaharap. Kasi po iyong magiging sagot nila ay magiging commitments nila sa bayan.

So please lang po, tanungin natin ang mga kandidato. Ito po ay para sa kapakanan ng mga pinaka-mahihirap sa ating bayan. Ito po ay para sa kapakanan ng mga anak natin at sa kanilang kinabukasan.


www.leadphil.blogspot.com

Wednesday, November 4, 2009

Sentro Got Real (Part 2)

Yesterday, Sentro ng Katotohanan had Orion Dumdum again of GetReal Philippines to discuss more about forms of government, minority presidents, and platforms. The said broadcast is now available for listening or download.

Meanwhile, the following is yesterday's Sentro ng Katotohanan editorial/talking points..

Electoral Reforms

Alam po ninyo, kapag nagbabasa, nanood o nakikinig ako ng news, parang kokonti at paulit-ulit lang ang laman ng mga balita sa atin.. Nandyan po ang mga sakuna kagaya ng bagyo, lindol o sunog. Kapag may laban si Pacquiao, o kaya ay nanalo sa kanyang laban, puro iyon na lang ang balita. Kapag may graft and corruption expose sa Senado, puro iyon din ang laman ng dyaryo. Bukod doon, nandyan din ang mga patayan o kaya mga aksidente. Siempre, nandyan at malaking oras ang ginugugol sa balitang artista. And of course, kapag panahon ng eleksyon, nandyan ang balitang politika.

Wala naman pong masama rito. Minsan lang po, nagtataka ako kung bakit ang mga mas importanteng issues sa bayan ay hindi gaanong nababalita o napapag-usapan.
- Nakakalimutan natin ang ekonomiya, ano ba talaga, gumaganda ba o pumapangit ang ating ekonomiya?
- Puro graft and corruption ang issue pero walang solusyon?
- Ang presyo ng langis ay nagiging political issue
- Kailangan ba natin ang Jury Trial system, pati ang Grand Jury? Hindi napapag-usapan..
- Kailangan ba natin talagang baguhin ang ating konstitusyon?
- Bakit hindi natin napapag-usapan ang healthcare sa Pilipinas? Kahit nga yung women’s healthcare ay hindi napapagdebatehan ng husto…
- Hindi rin napapag-usapan ang relation natin sa ibang bansa
o Kapag lumalabas ng bansa ang pangulo, pinag-uusapan lang natin kung malaki nagastos sa restaurant at kung nag junket lang ang mga kasamang kongresista

Noong mga nakaraang taon, ang pinagkaka-abalahan ng mga tao sa pagbabalita na rin ng mass media ay kung paano mapapatalsik si Pangulong Arroyo. Nandaya daw ang pangulo sa eleksyon, na-involve daw siya sa ZTE deal, kumain daw sa Le Cirque, marami raw extra judicial killings at kung ano-ano pa..

Sa totoo lang, alam naman po nating lahat na ang pangulo ay hindi mag-reresign. Pero pilit pa rin po natin itong pinag-reresign. Alam din po natin na hindi natin siya mapapatalsik nang hindi magkukudeta, pero parang gusto pa nga nating magkagulo. Kahit sa kahuli-hulihan, puro term extension ang ating pinangangambahan. Kaso ang lumalabas, para tayong lahat natutulog sa pansitan.

Sabi ng marami, dinaya daw ng pangulo ang eleksyon. Pero simula noon hanggang ngayon, ang mga senador, mga congressmen, mga oposisyon, mga taong-bayan, wala po sila lahat na isinulong na electoral reforms. Gusto po ng lahat, magresign si Pangulong Arroyo, yun lang po basta. Tila nyo pag nag-resign si Pangulo, wala na tayong problema.

Kung titingnan natin, ang pinakamalaking election reform pa nga na naganap ay ang pagpapatupad ng Automated Election. Kung iisipin, ang administrasyong Arroyo pa nga na siya diumanong mandaraya pa ang siya pang nakapagsulong ng kaisa-isahang electoral reform sa Pilipinas.

Pero ano pa po ba ang mga kailangan nating baguhin sa sistema natin sa eleksyon?

Ngayon po makikita natin na sa automation, baka sana mawala na ang dayaan sa bilangan. Pero may isa pa pong dayaan na dapat nating tingnan na nangyayari ng harap-harapan: Ito po ay ang dayaan sa kampanya.

Habang sumisigaw tayo na mag-resign ang pangulo, wala pong nakaisip kung paano maipagbabawal ang paglabas ng mga politiko sa mga advertisement o endorsement ng produkto. Sa totoo lang po, ang pag-endorso ng mga politiko sa anumang produkto ay masama – ito po ay may obvious na conflict of interest. Pero hanggang ngayon, nangyayari po ito.

Habang gigil na gigil tayo sa galit kay Pangulong Arroyo, ni hindi po natin napag-usapan kung paano ipagbabawal ang pag-advertise ng mga ibat-ibang departamento ng gobyerno sa kanilang mga infomercials. Patuloy pong nakalagay ang mga mukha ng politicians sa mga projects at mga information ads nila. Sa lahat po ng okasyon, pasko, valentines, graduation, undas, ay may mga tarpaulin greetings tayong nakikita. Sa radio at TV, punong puno po ng advertisement ang ating mga politicians.

Samantalang sa isipan ng lahat ng tao ay napakasama ng ating pangulo, kaya po lahat ay nagsasabing walanghiya daw si Gloria, kahit ordinaryong tao yan ang sinasabi, Pero nauto yata tayo kasi wala ring pagbabagong nagaganap sa kapaligiran. Harap-harapan po, nagcacampaign na ang lahat bagamat may naka-specify na campaign period. Siguro po talagang maigsi ang campaign period natin, pero sana po ay tanggalin na yung provision na yun kung ang iba ay pwedeng mangampanya. Kawawa po kasi ang mga susunod sa batas, sila po ay paniguradong matatalo.

Samantalang galit tayo kay PGMA dahil ayaw niyang sagutin ang mga paratang sa kanya, ang mga politiko po ngayon ay nakakapagtago at hindi natin matanong ng mga tanong na dapat nilang sagutin. Nasaan po ang platform nila, nasaan po ang accomplishments nila, nasaan po ang posisyon nila sa mga iba-ibang issues, hindi natin ito lahat malaman. Mi hindi po natin sila mapilit na sumali sa forums at debates. Boboto lamang tayo sa huli na para tayong mga bulag, basta bahala na. Sabi ng iba, si Noynoy na lang, mukhang mabait naman at anak ng mga heroes. Sabi ng iba, si Erap na lang kasi makamahirap. Si Villar na lang kasi galing sa hirap. Si Gibo na lang kasi parang matalino. Hanggang ganito na lang po kaya tayo? Hindi po kaya tayo parang isang malaking joke nito?

Malapit na po ang eleksyon, kulang na po ang panahon para sumigaw tayo ng electoral reforms. Pero sa obvious na panlolokong harap-harapan na nagaganap sa atin masisisi po ba natin ang masa na sumusunod lamang? O ang mga elitista kagaya ng nasa mass media at mga politikong oposisyon man o administrasyon, at maging ng mga taong nagsusulong ng kung ano-anong reporma, na siyang tunay na sinusundan?

Nasa ating tagapakinig po ang kasagutan, iyan po ang sentro ng katotohanan.


www.leadphil.blogspot.com

Monday, November 2, 2009

Lead Philippines Survey: Do Internet Users Influence the 2010 Surveys?

This is an e-mail survey being conducted by Lead Philippines to determine the influence of internet users to the 2010 surveys conducted by two most popular polling agencies. The results of this survey will be posted at www.leadphil.blogspot.com. The survey question is as follows:

Were you ever interviewed by or a respondent to either Pulse Asia or Social Weather Station (SWS) in any of their 2010 Philippines Presidential Surveys?

E-mail your answer (either YES or NO) to lead.philippines@yahoo.com

Also, to help in this survey, please forward this e-mail to as many internet or e-mail users as possible. Thank you for participating.

LEAD PHILIPPINES

Friday, October 30, 2009

Do we need to implement a Jury System of Justice in the Philippines?

Many of us are aware of the Jury Trial system in the US, mainly because of the court scenes we saw from Hollywood movies and novels like The Firm and Runaway Jury. The question is why such a system is being implemented in other countries while we do not even talk about it. It was said that the Jury Trial system is like "people power" applied to the Justice system, in a sense that it involves direct participation by the people in upholding justice in the country.

To talk more about this, Sentro ng Katotohanan yesterday had a lively discussion with Atty. Vic Velasquez, known as Mr. Jury, and who has a radio program at DZRJ-AM 810KHz every tuesday 8-9AM. Yesterday's broadcast archive is now available for listening here:

Sentro on the Jury Justice System with Atty Vic Velasquez (Mr. Jury)


Meanwhile, the following is yesterday's talking points dwelling on Senator Escudero's resignation from the Nationalist People's Coalition.

ChizWiz Doctrine

Alam nyo ba kung ano ang pinakahuling Chizmis? Actually hindi tsismis. Totoo, confirmed ito at nasa lahat ng dyaryo ngayong umaga. Kahapon, si Senador Francis Escudero ay nag-resign sa partidong kanyang kinaaaniban, ang Nationalist People’s Coalition party na identified kay Eduardo Danding Cojuangco.

Doon sa kanyang speech kahapon sa Club Filipino kung saan inaasahan ng lahat na mag-aanounce si Senador Escudero ng candidacy for President, naunsiyami ang lahat ng iba ang kanyang in-announce.. yung nga ang pagbibitiw nya sa NPC. Marami ang nagulat, hindi raw ito inaasahan. Sa mga usapan sa barberya, may mga nagkokomentaryo na siguro daw ay
- hindi nakuha ni Senador Escudero ang suportang pera ni Danding Cojuangco, kaya umalis siya dito.
- O baka naman daw ayaw ng Senador makatambal si Senador Loren Legarda.
- Mayroon din nagsasabing baka daw na-pressure syang wag nang tumakbo dahil mababa na ang kanyang rating sa surveys
- O baka gusto raw talaga nitong mag Vice president, yun nga lang eh naunahan ito ni Senador Legarda makuha ang suporta ng NPC sa positiong ito kaya’t nawalan siya ng paglalagyansa partido.

Siempre, iba ang opisyal na dahilan nya. Ang sinabi ni Senador Escudero ay hindi raw dapat may partido ang sinomang tatakbo sa pagkapangulo. Sa kanya mismong salita, sabi niya :

“Sino man po ang nagpapaplanong tumakbo bilang pangulo, dapat wala pong partidong kinabibilangan –NPC, LP , NP, Lakas o ano pa man.”

Umpisa pa nga lang po ng speech ng Senador e parang mali na ang sinasabi. Ang tatakbong pangulo daw po ay dapat walang partido. Saan po kaya napulot ng Senador ang idea na ito? Bigla po kaya siyang nagising kahapon sa ganitong idea? Bakit parang ngayon lang niya naisip ito? Ito po ba ay bagong niyang idea na gusto niyang ipamahagi sa kanyang mga kababayan? O baka po nakukulangan na ng pag-iisip ang senador.

Marahil po, sinabi lang po niya ito para majustify ang kanyang action. Ewan ko lang pero baka iniisip niya eh, medyo bobo naman tayong mga Pilipino at tatanggapin na lang natin ang ganitong explanation basta-basta.

Marami pa po siyang sinabi sa speech pero puro palabok lamang. Paulit-ulit lang at puro drama… Sa bandang huli, sinabi po niya: “Hiling ko po ay panahon para ako ay magpasya”, referring sa kanyang desisyon kung tatakbo sa pagkapangulo o kung ano man ang tatakbuhan. Ibig sabihin po, hindi pa siya desidido kung tatakbo nga sa 2010. So kung sang-ayon sa kanya: ang tatakbo sa pagkapangulo ay dapat daw walang partido kaya siya nagresign, pero hindi pa siya desidido kung tatakbo siya, makikita po natin na hindi konektado ang first part ng kanyang speech sa last part ng parehong speech. Nakakagulat po ang ganitong klaseng speech sa isang taong graduate ng mataas na paaralan ng UP at ng Georgetown University. It is either talagang mababa ang pagtingin niya sa mga Pinoy, o kaya ay gumawa lang siya ng milagro sa eskwelahan kaya siya pumasa. Nasa mga tagapakinig na po natin ang pagpapasya.

Pero ano po kaya talaga ang dahilan kung bakit umalis sa NPC si Senador Escudero.

- Kung talagang dahilan ay dahil sa dapat walang partido, halatang pambobola lang iyan – para lang may madahilan.
- Kung talaga naman po na kaya siya umalis e dahil kasi sa hindi siya susuportahan ng NPC at ni Danding Cojuangco sa kanyang kandidatura, mukhang hindi rin. Kasi dati nga ang NPC nagpapanalo sa kanya.. bigla ba niya itong iiwanan? I am sure hindi naman siya walang utang na loob sa mga tumulong sa kaniya noong nakaraang panahon. Kung siya ay walang utang na loob e alam kong alam din niya na wala na siyang kinabukasan sa politika.
- So ano kaya ang tunay na dahilan?

Kanina, nung kumakain ako sa karinderya ni Mang Tasyo dun sa amin.. narinig ko ang kwentuhan nila doon. Sabi ni Mang Tasyo e hindi raw siya naniniwala ni isa man sa salitang sinabi ni Senador Francis Escudero. Malamang daw e ito mismo ang inutos sa kanya ng mga amo nito sa NPC. Malamang daw, palabas lamang ang kanyang pagbibitiw sa NPC. Sa panahon daw ngayon, lumalabas daw na mukhang walang panalo si Senador Escudero sa pampangulong eleksyon. Sa ngayon din daw, dalawang presidentiable ang naghahanap ng Vice Presidentiable nila. Mukha raw mag-aalign either sa Nationalista o sa Administrasyon ang NPC, na dati na naman daw na naka-align na ang mga partidong ito. Subalit hindi pwedeng basta ibagsak nila si Senador Escudero at para kasing na force-to-good na siya bilang Presidentiable as far as NPC is concerned. Para palabasin na hindi ito ang totoong dahilan, kunwari’y itinutulak pa siya ng anak ni Danding bilang Presidentiable bago ito mag-resign. So lumalabas, naging willing sacrifice si Senador Escudero para makapag-save face siya, and at the same time, para rin maka-move forward na ang NPC. Kung bakit siya naging willing sacrifice, ayon kay Mang Tasyo, ay kanya-kanya na raw na hula iyan…

Pero ang importante daw sa tuwing tatakbo si Senador Francis Escudero sa anumang position, e parati daw nating ipapaalala sa kanya ang speech niyang ito. Pangalanan daw natin itong Chiz Escudero Doctrine, na nagsasabing: Kung ikaw ay tatakbo, dapat walang partido.

Oo nga ano? Ang galing talaga ni Mang Tasyo. Sa totoo lang hindi natin alam ang katotohanan. Pero ang totoo, malamang sa hindi na lahat sila ay hindi nagsasabi ng totoo.

Pero iisa lang ang alam ko, kapag ako ay nagugutom, babalik uli ako sa karinderya ni Mang Tasyo. Masarap na siyang magluto, may libre pang political analysis.


www.leadphil.blogspot.com

Wednesday, October 28, 2009

Sentro Got Real Treatment

Yesterday, Sentro ng Katotohanan featured Mr. Orion Dumdum of GetReal Philippines, another advocacy group hoping to educate everyone on what we need to think especially for the coming elections. Theirs is a "get real" advocacy, hoping to deliver the truth as it is and perhaps only then can we start thinking about real solutions. They have fresh insights, not really fresh because they're new, but fresh because they are never really discussed openly in the mass media. This by the way is what Sentro ng Katotohanan also stands for, hence the "Sentro ng Alternatibong Usapan" slogan.

Get Real Philippines may be read from the internet through their website. Yesterday's broadcast is now also available for listening or download.

Meanwhile, yesterday's Sentro talking points transcript is as follows:

Ang Bagong Politika?

Linnette, napansin ko, bago yata ang hairdo mo.. Alam mo may kinalaman iyan sa ating talking points ngayon…

Twing nakikinig tayo ng mga speeches ng mga kumakandidato sa pagkapangulo, parati po nating naririnig ang salitang pagbabago (o change o reporma). Parang ang salitang ito ang pinaka-gasgas sa ganitong pagkakataon. Parati po nilang sinasabi na kailangan na natin ang pagbabago tungo sa pag-unlad, o sa mas magandang bukas. Kahit po sa Amerika, yan po ang sinasabi ng kampanya ni President Barack Obama noong siyang kandidato pa lang. “Change we can believe” at “Yes we can” ang kanyang battlecry.

Sa atin po, ang naringgan na po natin ng ganitong mga salita ay sina Senador Escudero, Senador Legarda, Senador Roxas at Senador Aquino. Pagbabago ang kanilang mga itinutulak. Hindi lang po malinaw kung pagbabago saan?

Hindi naman po siguro pagbabago sa liderato ang kanilang sinasabi, kasi sigurado naman po naman natin na aalis na ang administrasyong Arroyo at papalitan ng mga mananalo sa 2010. Sa palagay ko po, medyo nagdurugo na po ang mga tenga ng tao sa mga sabi-sabing may term extension pang pinaplano ang Pangulong Arroyo, wala na po sigurong bumibili nang pananakot na iyon na wala namang basehan.

So ano po kayang pagbabago ang ibig nilang sabihin?

Noon pong na-interview si Senador Francis Escudero sa isang forum, tinanong po sa kanya kung ano ang meron siya at wala ang iba kung kaya dapat siyang iboto? Ang sabi po niya ng walang kurap ay kabataan. Ibig sabihin, siya raw po kasi ay bata kaya dapat iboto sya. Sa ibang bansa po, pag nagsalita ka ng ganito e talo ka na. Kasi parang sinabi mo, talo ng mga bata ang matanda sa pagpapatakbo ng bansa. Insulto po iyon sa mga matatatanda na sa atin. Sa buong kampanya ni Barack Obama, narinig po ba ninyong sinabi niya na siya ay bata? Mi hindi siya nag-refer sa kanyang age dahil alam naman ng lahat na hanggat malakas ang ating katawan at matalas ang pag-iisip wala pong saysay ang edad. Pero ang may edad, pwede po niyang ipaglandakan ang kanyang experience dahil ito ay pwedeng bigyan ng pruweba. Umpisang-umpisa pa lang po, ganito na ang kampanya ni Senador Escudero, ano po kayang pagbabago ang sinasabi niya? Ano po kayang pagbabago ang maaasahan natin sa kanya?

Eh kung iisipin pa po natin ang ang pamilyang Escudero ay matagal na po sa politika at ang kanyang ama ay isa sa mga ministro sa panahon ng dating pangulong Marcos. May magbabago kaya kay SEnador Escudero? Incidentally, kung titingnan niyo po ang website ng senador e parang ni wala man lang kahit isang reference tungkol sa kanyang ama.

At kung idagdag pa natin na ang kanyang partidong NPC (Nationalist People’s Coalition) ay ang partidong itinatag ng isang kilalang kaalyado ng dati ring Pangulo, na si Danding Cojuangco, may pagbabago nga po ba tayong maaaasahan sa kanya?

Pagbabago rin ang naririnig natin kay Senador Loren Legarda. Si Senador Legarda ay miyembro din po ng NPC. Noong tumakbo siya sa politika, may mga advertisements po siya sa hapee toothpaste, sa lucida, at maging sa clusivol kung saan nakabalandra ang kanyang mukha sa posters. Noong pong nakaraang eleksyon, sumama po siya sa kandidatura ni Fernando Poe Jr (the King of Phil. Movies) bilang kandidato nito sa Vice President, kahit na popularidad lamang ang kanilang ipinaglalandakan at wala naman pong platapormang matatawag ang kanilang kampanya. Ano po kayang pagbabago ang kanyang sinasabi.

Pagbabago rin po ang sinasabi ni Senador Mar Roxas. Kilala po naman natin ang Roxas na sadyang ilang henerasyon na na nasa politika. Kangina po ay ikinasal siya, at nasasabi nga po ng iba na parang ginagamit niya ang kanyang pagpapakasal para matulungan ang kanyang politika. Noong panahon po ng dating Pangulong Erap, kasama po siya sa gabinete nito. Noong mapatalsik na po ang dating Pangulo, kasama naman po siya sa mga kaalyado ni Pangulong Arroyo. Ngayon po na mukhang malakas si Senador Aquino e kasama naman po siya dito. Ang pinakamalaki lang pong argumento para sa kanyang pagbabago ay ang pagslide-down nya para kay Senador Aquino, pero marami rin ang nagsasabi na nagawa lang niya ito dahil mahina ang kanyang showing sa mga surveys. Ano po kayang pagbabago ang kanyang isinusulong ?

At of course, si Senador Noynoy Aquino ay puro pagbabago rin ang sinasabi. Ayon po sa kanyang website, Corruption daw ang biggest threat sa ating demokrasya… wala raw pong reform agenda na magtatagumpay kung hindi natin lalabanan ang corruption. Pero ano po ba ang ginawa ng Senador laban sa corruption? Meron po ba siyang mga batas na naipapasa laban dito? Sa mga speeches po niya nung mga nakaraan, naoobserbahan po ng mga tao na parati niyang nababanggit ang kanyang ama at ina. Nitong huli ay mukhang nababawasan na. Pero sa kanyang profile sa website, sabi po doon: It is in his bloodline, it is his Heritage. Ano po ba ang pagkakaiba kay Senador Noynoy noong bago at matapos mamatay si Pangulong Cory Aquino? Kung pag-iisipan po natin, parang wala pong pinagkaiba. Mataas lang po siya sa survey ngayon, noon po ay parang ni hindi alam ng marami na mayroon palang Aquino sa Senado. Yun po ba ang talagang dapat na tema ng kanyang kampanya, na siya ay anak ng mga bayani ?

Ngayon po sa kampanya niya, kasama po siempre si Kris Aquino, siempre si Boy Abunda at marami pang mga artista. Puro glitter po ang makikita natin, hindi po seryosong usapan. Pero seryoso po ang problema ng bayan hindi po ba? Hindi po natin siya naririnig sa mga totoong interview, kung saan itinatanong ang kanyang plataporma at ang kanyang mga accomplishments. Parang ganito rin po ang style ni dating Pangulong Erap Estrada, at maging ni Pangulong Arroyo nung sila ay kumakandidato pa. Umiiwas po sila sa mga debate at forums. Ganito rin po ba ang Senador? Sa totoo lang po, ano po kayang pagbabago ang isinusulong ni Senador Noynoy?

Sa lahat po ng mga pagbabagong naririnig natin mula sa apat na senador e parang wala po talagang magbabago. Pareho rin po ang style ng kampanya nila, pareho lang sa nakaraan, pare-pareho rin pong umiiwas sila sa mga mahihirap na interviews, at pare-pareho pa rin nga po sa karamihan maging ang kanilang apelyido sa mga nakaraan nang mga opisyal ng bayan, ano nga po kaya ang magbabago kapag sila ang ating ibinoto? Sabi nga po ni Mr. Tony Abaya, kolumnista ng Manila Standar Today noong nakahuntahan natin siya sa kabilang station: kailangan daw po natin ang tunay na pagbabago, kailangan natin ang isang rebolusyonaryo (hindi sa violent na revolution kundi sa matinding uri ng pagbabago). Wala raw po ang pagbabagong ito sa mga sikat na mga kandidato natin dahil puro luma na sila, wala naman daw po silang ginagawang pagbabago nung nakaraan, kayat paano po natin makikita sa kanila ang tunay na pagbabago?

Isa lang po ang masasabi ko. Siyanga naman!


www.leadphil.blogspot.com