Tuesday, November 17, 2009

Which is more Important, Manny Pacquiao or the APEC summit?

The following is tonight's Sentro ng Katotohanan talking points now being posted here prior to the broadcast.

Ano ang mas Importante sa bayan, si Pacquiao o ang APEC?

Noong Linggo, halos lahat po siguro ng mga Pinoy ay nanood ng labang Pacquiao at Cotto sa kanilang TV. Yung iba po ay nakapanood ng live nito sa kanilang cable (PPV). Yung iba po ay sa mga restaurant at hotel na nagpalabas ng live. Marami din po ang mga nanood sa mga live feed na ini-sponsor ng mga politiko sa kanilang mga lugar. Meron din pong nakinig lamang ng live sa BB at sa LS sa AM at FM radio.

Ako po, kagaya siguro ng mas nakararami ay nanood lamang sa channel 7, kung saan ang 45-minute na labanan ay hinintay ng lahat sa loob ng 4 na oras at ang mismong laban ay ipinalabas sa loob ng mahigit 2 oras. Namamamaga na po yata ang mata ko matapos ang showing.

Sadya, sa buong Pilipinas ay napakahalaga ang labang ito ni Manny Pacquiao. Siya po ay ang idolo ng bayang Pilipinas, ang Pambansang Kamao, sabi nga po sa mass media.

Sa kabilang banda naman, noon pong linggo, natapos ang isa rin sa mga bagay na mahalaga sa bayang Pilipinas, ang APEC (Asia Pacific Economic Cooperation) summit na naganap sa Singapore. Nandoon po ang ating Pangulo, kasama na rin ang mga pangulo ng maraming bansa (21) na nakapaligid sa Pacific Ocean. Nandoon po si Obama ng Amerika, si Hu Jin Tao ng China, ang mga pangulo at pinuno ng South Korea, Indonesia, Peru, Chile, Canada, Australia, Taiwan, Japan, Brunei, Malaysia, Mexico, New Zealand, Papua New Guniea, Vietnam at Thailan, at maging ang presidente ng Russia na si Dimitry Medvedev.

Sabi sa CNN, may lavish dinner pa nga raw sa Singapore. Pero ang pinag-uusapan po doon ay tungkol sa ekonomiya at trade at ang climate change. Sa isang bansa po ng sadyang mahirap, at ang pagbangon ng ekonomiya ang siyang sinasabing pinakamahalagang bagay na dapat ay nasa agenda ng lahat ng mga politiko at opisyal, mahalaga siguro po ang APEC summit na ito. Sa isang bansa po na dinaanan kamakailan ng bagyong Ondoy at Pepeng, na pumatay ng mahigit 500 katao, dobleng napakahalaga siguro talaga ng summit na iyon.

Sa Inquirer (na siyang number one newspaper daw po sa Pilipinas at siyang pinagkakatiwalaan ng tao), noong linggo, nakasentro po ang headlines tungkol sa laban ni Manny Pacquiao. May malaking picture po si Pacquiao habang nagfle-flex ng muscles. Nakalagay po kung ano ang timbang nya, ano ang mga napalanunan na niya dating belts, ano ang masasabi ng iba-ibang tao tungkol sa laban, kung paano muntik mag-away ang coach ni Cotto kay Coach Roach, at kung ano-ano pang mga trivia. Sa parehong araw, nandun po sa Inquirer din, isang maliit na feature ang pagdating ni Pangulong Arroyo sa Singapore kung saan hindi siya nakapagpapicture sa logo ng APEC sa airport kasi nauna at natagalan ang mas malaking ng delegasyon ng Vietnam. Yun po ang coverage ng Inquirer tunkol sa participation natin sa APEC noong linggo.

Kagabi, sa GMA7, sa kanilang evening newscast na nag-umpisa ng 6:30 at natapos ng 8:15 ng gabi, mahigit 45 minutes po ang inilaan kay Pacquiao na mga balitang inulit lang naman, kasi, ipinakita na din ito noong umaga sa Unang Hirit. May 3 minutes po silang inilaan sa nanalo sa kanilang Survivor Philippines, may mga 3 minutes pong inilaan tungkol sa balita sa paglipat nina Ate Vi at Kuya Ralph sa LP, mga 4 minutes po sa tungkol sa barilan sa bulacan kung saan involved and isang reporter, 2 minutes sa pagsabog ng isang granada sa QC.. mga 30-40 minutes sa advertisement... Alam po ninyo kung ilang minuto inilaan nila tungkol sa APEC? Zero po, zero. Sa mata po ng GMA7, parang hindi po nangyari ang APEC.

Ang tanong ko, alin po kaya ang mas importante sa bayan, yun laban ni Pacquiao o yung mga pangyayari sa APEC summit? Siguro, may magsasabi po mas mahalaga ang APEC. Meron din magsasabi na bagamat mahalaga ang APEC, mas mahalaga ang laban ni Pacquiao. Pero, wala po naman sigurong magsasabing hindi mahalaga ang APEC summit.

Ang nakalulungkot, lumalabas po sa ilan sa malaking mass media natin, pinaka-importante po sa buhay ng Pinoy ang laban ni Pacquiao at totally walang saysay ang APEC.

Kung ganito po ang sitwasyon, dapat po siguro ay huwag na tayong sumali sa APEC. Siguro po dapat: ang Pangulo, ang kanyang mga Secretaries at mga Congressmen na nasa kanyang delegasyon ay nagpunta na lang dapat sa Las Vegas at nanood na lang ng laban ni Pacquiao kaysa magpunta ng Singapore at umattend ng APEC. Siguro, imbis na magmyembro tayo ng APEC, dapat sumali na lang tayo sa WBA, o WBO, o IBF? Hindi ko po tinatanong ang masa, ang tinatanong ko po ay ang mass media!

Kung pag-iisipan po natin, habang tayo ay nagiging lango sa kasiyahan sa pagpapakita ng mass media sa atin paulit-ulit sa pagkakapanalo ni Manny Pacquiao, ang atin pong Presidente, na tila mo ba, ayon na rin sa mass media, pinaka-corrupt na Pilipino sa buong mundo, ay lumalabas na nagtratrabahong mag-isa para sa ating kapakanan at walang nakakapansin doon sa Singapore.

Iyan po ang Sentro ng Katotohanan sa araw na ito.


www.leadphil.blogspot.com

2 comments:

better said...

nice point.

it really is not surprising though that pacquiao totally overshadowed the apec forum. pacquiao's fight was entertainment while the apec forum was not. most people just want to be entertained or maybe mass media companies think that's the case.

from what i heard the us and other asean member countries agreed to let the philippines take the lead in drafting the next five-year plan of engagement between the us and asean. i'm not sure though what impact that will have on our country but i'm pretty sure it's not a bad thing.

anyway, that really is the problem when news media is run like a business instead of as a real public service. much of the decision that goes on in the newsrooms are somewhat affected by considerations for ratings.

i'm not saying pacquiao's feat shouldn't have been given that much importance. i just think the apec forum should have also been given even just half of the attention given to pacquiao.

the way i see it filipinos should start weaning themselves away from news that are more entertainment and far less informative and instead develop a real desire to be informed about things that truly matter.

Arnel B. Endrinal said...

Hi Better, thanks for visiting here..

Indeed, there are many things happening outside the country that has potential to have a major impact to our people. However, the mass media generally doesn't care about them.

Perhaps they even avoid it altogether so as not to give PGMA free media mileage. When the president goes outside the country, all we hear are the "lavish" expenses.

Yes, I heard also that the Philippines is to be the coordinator for the ASEAN-US economic cooperation. During the APEC, it seems that there is another meeting between ASEAN and US Leaders where our country is tasked to set the agenda. There will be another ASEAN-US leaders meeting in 2010. As you know, the ASEAN is in talks of having an economic bloc similar to the EU. This is huge opportunity for us Pinoys.