Do we need to implement a Jury System of Justice in the Philippines?

Many of us are aware of the Jury Trial system in the US, mainly because of the court scenes we saw from Hollywood movies and novels like The Firm and Runaway Jury. The question is why such a system is being implemented in other countries while we do not even talk about it. It was said that the Jury Trial system is like "people power" applied to the Justice system, in a sense that it involves direct participation by the people in upholding justice in the country.

To talk more about this, Sentro ng Katotohanan yesterday had a lively discussion with Atty. Vic Velasquez, known as Mr. Jury, and who has a radio program at DZRJ-AM 810KHz every tuesday 8-9AM. Yesterday's broadcast archive is now available for listening here:

Sentro on the Jury Justice System with Atty Vic Velasquez (Mr. Jury)

Meanwhile, the following is yesterday's talking points dwelling on Senator Escudero's resignation from the Nationalist People's Coalition.

ChizWiz Doctrine

Alam nyo ba kung ano ang pinakahuling Chizmis? Actually hindi tsismis. Totoo, confirmed ito at nasa lahat ng dyaryo ngayong umaga. Kahapon, si Senador Francis Escudero ay nag-resign sa partidong kanyang kinaaaniban, ang Nationalist People’s Coalition party na identified kay Eduardo Danding Cojuangco.

Doon sa kanyang speech kahapon sa Club Filipino kung saan inaasahan ng lahat na mag-aanounce si Senador Escudero ng candidacy for President, naunsiyami ang lahat ng iba ang kanyang in-announce.. yung nga ang pagbibitiw nya sa NPC. Marami ang nagulat, hindi raw ito inaasahan. Sa mga usapan sa barberya, may mga nagkokomentaryo na siguro daw ay
- hindi nakuha ni Senador Escudero ang suportang pera ni Danding Cojuangco, kaya umalis siya dito.
- O baka naman daw ayaw ng Senador makatambal si Senador Loren Legarda.
- Mayroon din nagsasabing baka daw na-pressure syang wag nang tumakbo dahil mababa na ang kanyang rating sa surveys
- O baka gusto raw talaga nitong mag Vice president, yun nga lang eh naunahan ito ni Senador Legarda makuha ang suporta ng NPC sa positiong ito kaya’t nawalan siya ng paglalagyansa partido.

Siempre, iba ang opisyal na dahilan nya. Ang sinabi ni Senador Escudero ay hindi raw dapat may partido ang sinomang tatakbo sa pagkapangulo. Sa kanya mismong salita, sabi niya :

“Sino man po ang nagpapaplanong tumakbo bilang pangulo, dapat wala pong partidong kinabibilangan –NPC, LP , NP, Lakas o ano pa man.”

Umpisa pa nga lang po ng speech ng Senador e parang mali na ang sinasabi. Ang tatakbong pangulo daw po ay dapat walang partido. Saan po kaya napulot ng Senador ang idea na ito? Bigla po kaya siyang nagising kahapon sa ganitong idea? Bakit parang ngayon lang niya naisip ito? Ito po ba ay bagong niyang idea na gusto niyang ipamahagi sa kanyang mga kababayan? O baka po nakukulangan na ng pag-iisip ang senador.

Marahil po, sinabi lang po niya ito para majustify ang kanyang action. Ewan ko lang pero baka iniisip niya eh, medyo bobo naman tayong mga Pilipino at tatanggapin na lang natin ang ganitong explanation basta-basta.

Marami pa po siyang sinabi sa speech pero puro palabok lamang. Paulit-ulit lang at puro drama… Sa bandang huli, sinabi po niya: “Hiling ko po ay panahon para ako ay magpasya”, referring sa kanyang desisyon kung tatakbo sa pagkapangulo o kung ano man ang tatakbuhan. Ibig sabihin po, hindi pa siya desidido kung tatakbo nga sa 2010. So kung sang-ayon sa kanya: ang tatakbo sa pagkapangulo ay dapat daw walang partido kaya siya nagresign, pero hindi pa siya desidido kung tatakbo siya, makikita po natin na hindi konektado ang first part ng kanyang speech sa last part ng parehong speech. Nakakagulat po ang ganitong klaseng speech sa isang taong graduate ng mataas na paaralan ng UP at ng Georgetown University. It is either talagang mababa ang pagtingin niya sa mga Pinoy, o kaya ay gumawa lang siya ng milagro sa eskwelahan kaya siya pumasa. Nasa mga tagapakinig na po natin ang pagpapasya.

Pero ano po kaya talaga ang dahilan kung bakit umalis sa NPC si Senador Escudero.

- Kung talagang dahilan ay dahil sa dapat walang partido, halatang pambobola lang iyan – para lang may madahilan.
- Kung talaga naman po na kaya siya umalis e dahil kasi sa hindi siya susuportahan ng NPC at ni Danding Cojuangco sa kanyang kandidatura, mukhang hindi rin. Kasi dati nga ang NPC nagpapanalo sa kanya.. bigla ba niya itong iiwanan? I am sure hindi naman siya walang utang na loob sa mga tumulong sa kaniya noong nakaraang panahon. Kung siya ay walang utang na loob e alam kong alam din niya na wala na siyang kinabukasan sa politika.
- So ano kaya ang tunay na dahilan?

Kanina, nung kumakain ako sa karinderya ni Mang Tasyo dun sa amin.. narinig ko ang kwentuhan nila doon. Sabi ni Mang Tasyo e hindi raw siya naniniwala ni isa man sa salitang sinabi ni Senador Francis Escudero. Malamang daw e ito mismo ang inutos sa kanya ng mga amo nito sa NPC. Malamang daw, palabas lamang ang kanyang pagbibitiw sa NPC. Sa panahon daw ngayon, lumalabas daw na mukhang walang panalo si Senador Escudero sa pampangulong eleksyon. Sa ngayon din daw, dalawang presidentiable ang naghahanap ng Vice Presidentiable nila. Mukha raw mag-aalign either sa Nationalista o sa Administrasyon ang NPC, na dati na naman daw na naka-align na ang mga partidong ito. Subalit hindi pwedeng basta ibagsak nila si Senador Escudero at para kasing na force-to-good na siya bilang Presidentiable as far as NPC is concerned. Para palabasin na hindi ito ang totoong dahilan, kunwari’y itinutulak pa siya ng anak ni Danding bilang Presidentiable bago ito mag-resign. So lumalabas, naging willing sacrifice si Senador Escudero para makapag-save face siya, and at the same time, para rin maka-move forward na ang NPC. Kung bakit siya naging willing sacrifice, ayon kay Mang Tasyo, ay kanya-kanya na raw na hula iyan…

Pero ang importante daw sa tuwing tatakbo si Senador Francis Escudero sa anumang position, e parati daw nating ipapaalala sa kanya ang speech niyang ito. Pangalanan daw natin itong Chiz Escudero Doctrine, na nagsasabing: Kung ikaw ay tatakbo, dapat walang partido.

Oo nga ano? Ang galing talaga ni Mang Tasyo. Sa totoo lang hindi natin alam ang katotohanan. Pero ang totoo, malamang sa hindi na lahat sila ay hindi nagsasabi ng totoo.

Pero iisa lang ang alam ko, kapag ako ay nagugutom, babalik uli ako sa karinderya ni Mang Tasyo. Masarap na siyang magluto, may libre pang political analysis.

www.leadphil.blogspot.com

Sentro Got Real Treatment

Yesterday, Sentro ng Katotohanan featured Mr. Orion Dumdum of GetReal Philippines, another advocacy group hoping to educate everyone on what we need to think especially for the coming elections. Theirs is a "get real" advocacy, hoping to deliver the truth as it is and perhaps only then can we start thinking about real solutions. They have fresh insights, not really fresh because they're new, but fresh because they are never really discussed openly in the mass media. This by the way is what Sentro ng Katotohanan also stands for, hence the "Sentro ng Alternatibong Usapan" slogan.

Get Real Philippines may be read from the internet through their website. Yesterday's broadcast is now also available for listening or download.

Meanwhile, yesterday's Sentro talking points transcript is as follows:

Ang Bagong Politika?

Linnette, napansin ko, bago yata ang hairdo mo.. Alam mo may kinalaman iyan sa ating talking points ngayon…

Twing nakikinig tayo ng mga speeches ng mga kumakandidato sa pagkapangulo, parati po nating naririnig ang salitang pagbabago (o change o reporma). Parang ang salitang ito ang pinaka-gasgas sa ganitong pagkakataon. Parati po nilang sinasabi na kailangan na natin ang pagbabago tungo sa pag-unlad, o sa mas magandang bukas. Kahit po sa Amerika, yan po ang sinasabi ng kampanya ni President Barack Obama noong siyang kandidato pa lang. “Change we can believe” at “Yes we can” ang kanyang battlecry.

Sa atin po, ang naringgan na po natin ng ganitong mga salita ay sina Senador Escudero, Senador Legarda, Senador Roxas at Senador Aquino. Pagbabago ang kanilang mga itinutulak. Hindi lang po malinaw kung pagbabago saan?

Hindi naman po siguro pagbabago sa liderato ang kanilang sinasabi, kasi sigurado naman po naman natin na aalis na ang administrasyong Arroyo at papalitan ng mga mananalo sa 2010. Sa palagay ko po, medyo nagdurugo na po ang mga tenga ng tao sa mga sabi-sabing may term extension pang pinaplano ang Pangulong Arroyo, wala na po sigurong bumibili nang pananakot na iyon na wala namang basehan.

So ano po kayang pagbabago ang ibig nilang sabihin?

Noon pong na-interview si Senador Francis Escudero sa isang forum, tinanong po sa kanya kung ano ang meron siya at wala ang iba kung kaya dapat siyang iboto? Ang sabi po niya ng walang kurap ay kabataan. Ibig sabihin, siya raw po kasi ay bata kaya dapat iboto sya. Sa ibang bansa po, pag nagsalita ka ng ganito e talo ka na. Kasi parang sinabi mo, talo ng mga bata ang matanda sa pagpapatakbo ng bansa. Insulto po iyon sa mga matatatanda na sa atin. Sa buong kampanya ni Barack Obama, narinig po ba ninyong sinabi niya na siya ay bata? Mi hindi siya nag-refer sa kanyang age dahil alam naman ng lahat na hanggat malakas ang ating katawan at matalas ang pag-iisip wala pong saysay ang edad. Pero ang may edad, pwede po niyang ipaglandakan ang kanyang experience dahil ito ay pwedeng bigyan ng pruweba. Umpisang-umpisa pa lang po, ganito na ang kampanya ni Senador Escudero, ano po kayang pagbabago ang sinasabi niya? Ano po kayang pagbabago ang maaasahan natin sa kanya?

Eh kung iisipin pa po natin ang ang pamilyang Escudero ay matagal na po sa politika at ang kanyang ama ay isa sa mga ministro sa panahon ng dating pangulong Marcos. May magbabago kaya kay SEnador Escudero? Incidentally, kung titingnan niyo po ang website ng senador e parang ni wala man lang kahit isang reference tungkol sa kanyang ama.

At kung idagdag pa natin na ang kanyang partidong NPC (Nationalist People’s Coalition) ay ang partidong itinatag ng isang kilalang kaalyado ng dati ring Pangulo, na si Danding Cojuangco, may pagbabago nga po ba tayong maaaasahan sa kanya?

Pagbabago rin ang naririnig natin kay Senador Loren Legarda. Si Senador Legarda ay miyembro din po ng NPC. Noong tumakbo siya sa politika, may mga advertisements po siya sa hapee toothpaste, sa lucida, at maging sa clusivol kung saan nakabalandra ang kanyang mukha sa posters. Noong pong nakaraang eleksyon, sumama po siya sa kandidatura ni Fernando Poe Jr (the King of Phil. Movies) bilang kandidato nito sa Vice President, kahit na popularidad lamang ang kanilang ipinaglalandakan at wala naman pong platapormang matatawag ang kanilang kampanya. Ano po kayang pagbabago ang kanyang sinasabi.

Pagbabago rin po ang sinasabi ni Senador Mar Roxas. Kilala po naman natin ang Roxas na sadyang ilang henerasyon na na nasa politika. Kangina po ay ikinasal siya, at nasasabi nga po ng iba na parang ginagamit niya ang kanyang pagpapakasal para matulungan ang kanyang politika. Noong panahon po ng dating Pangulong Erap, kasama po siya sa gabinete nito. Noong mapatalsik na po ang dating Pangulo, kasama naman po siya sa mga kaalyado ni Pangulong Arroyo. Ngayon po na mukhang malakas si Senador Aquino e kasama naman po siya dito. Ang pinakamalaki lang pong argumento para sa kanyang pagbabago ay ang pagslide-down nya para kay Senador Aquino, pero marami rin ang nagsasabi na nagawa lang niya ito dahil mahina ang kanyang showing sa mga surveys. Ano po kayang pagbabago ang kanyang isinusulong ?

At of course, si Senador Noynoy Aquino ay puro pagbabago rin ang sinasabi. Ayon po sa kanyang website, Corruption daw ang biggest threat sa ating demokrasya… wala raw pong reform agenda na magtatagumpay kung hindi natin lalabanan ang corruption. Pero ano po ba ang ginawa ng Senador laban sa corruption? Meron po ba siyang mga batas na naipapasa laban dito? Sa mga speeches po niya nung mga nakaraan, naoobserbahan po ng mga tao na parati niyang nababanggit ang kanyang ama at ina. Nitong huli ay mukhang nababawasan na. Pero sa kanyang profile sa website, sabi po doon: It is in his bloodline, it is his Heritage. Ano po ba ang pagkakaiba kay Senador Noynoy noong bago at matapos mamatay si Pangulong Cory Aquino? Kung pag-iisipan po natin, parang wala pong pinagkaiba. Mataas lang po siya sa survey ngayon, noon po ay parang ni hindi alam ng marami na mayroon palang Aquino sa Senado. Yun po ba ang talagang dapat na tema ng kanyang kampanya, na siya ay anak ng mga bayani ?

Ngayon po sa kampanya niya, kasama po siempre si Kris Aquino, siempre si Boy Abunda at marami pang mga artista. Puro glitter po ang makikita natin, hindi po seryosong usapan. Pero seryoso po ang problema ng bayan hindi po ba? Hindi po natin siya naririnig sa mga totoong interview, kung saan itinatanong ang kanyang plataporma at ang kanyang mga accomplishments. Parang ganito rin po ang style ni dating Pangulong Erap Estrada, at maging ni Pangulong Arroyo nung sila ay kumakandidato pa. Umiiwas po sila sa mga debate at forums. Ganito rin po ba ang Senador? Sa totoo lang po, ano po kayang pagbabago ang isinusulong ni Senador Noynoy?

Sa lahat po ng mga pagbabagong naririnig natin mula sa apat na senador e parang wala po talagang magbabago. Pareho rin po ang style ng kampanya nila, pareho lang sa nakaraan, pare-pareho rin pong umiiwas sila sa mga mahihirap na interviews, at pare-pareho pa rin nga po sa karamihan maging ang kanilang apelyido sa mga nakaraan nang mga opisyal ng bayan, ano nga po kaya ang magbabago kapag sila ang ating ibinoto? Sabi nga po ni Mr. Tony Abaya, kolumnista ng Manila Standar Today noong nakahuntahan natin siya sa kabilang station: kailangan daw po natin ang tunay na pagbabago, kailangan natin ang isang rebolusyonaryo (hindi sa violent na revolution kundi sa matinding uri ng pagbabago). Wala raw po ang pagbabagong ito sa mga sikat na mga kandidato natin dahil puro luma na sila, wala naman daw po silang ginagawang pagbabago nung nakaraan, kayat paano po natin makikita sa kanila ang tunay na pagbabago?

Isa lang po ang masasabi ko. Siyanga naman!

www.leadphil.blogspot.com

Mayor Jesse Robredo on solving Informal Settler situation in Naga City

Sentro ng Katotohanan yesterday interviewed Mayor Jesse Robredo on his experience in handling informal settlers or squatters in Naga City. The solutions to the squatter problem is a recurring theme at the Sentro ng Katotohanan broadcast having recently interviewed other local executives Mayor Marides Fernando of Marikina and Gov. Joey Salceda of Albay.

There are notable differences in the approach to the problem between the three local executives which may be of interest to those looking for long term solutions to the country's problems. Sentro ng Katotohanan hopes to forward these idea to the consciousness of everybody in light of the coming 2010 elections.

The broadcast which include the interview with Mayor Jesse Robredo may now be listened to or downloaded from www.leadphil.blogspot.com

Meanwhile, the following is the transcript of yesterday's talking points:

Handa na ba tayo sa Paparating na (mga) Bagyo?

Dalawang klaseng bagyo po ang dumarating sa ating bayan. Una na nga po ang mga bagyong hangin at ulan. Nagdaan na po sa atin si Ondoy at Pepeng nitong huli, at papasok na at nararamdaman na ng ilan nating mga kababayan si Ramil.

Ang ikalawang uri po ng bagyo na parating sa atin ay ang bagyo sa politika. Nagparamdam na po ng dagundong ang bagyong Erap. Marami ang nagsasabi, mas malala daw ang bagyong ito. Tama po kaya iyon?

Unahin na po natin ang Bagyong Ramil. Handa na po ba talaga tayo upang salubungin ito? May mga natutunan po ba tayo sa mga pangyayari kay Ondoy at Pepeng? Mayroon po siguro. Halimbawa, imbis na hintayin pa ang bagyo, mayroon na po tayong nakikita sa balita na sinasabing mga paglikas sa dadaanan ng bagyo. Nagpadala na rin po ng relief goods doon sa mga lugar na palagay ng marami ay matatamaan ni Ramil. Naka-alerto na po ang mga local government officials, ang mga relief organizations, at matamang nagbabantay ang National at Provincial at maging ang Local Disaster Coordinating Councils. Pati po ang MASS MEDIA ay nakabantay sa bagyo at nag-rereport ng kahit isang maliit na pagbabago sa pagkilos nito. Natutuwa nga po ako at ngayon ay tinitingnan na ng Mass Media ang website ng PAGASA, pati ang report doon tungkol sa sitwasyon sa DAM na siyang pinananawagan natin sa mga kasamahan natin.

Pero nakahanda na nga po ba tayo?

Noong mga nakaraan linggo, ang dami pong usapin tungkol sa mga DAM na sa palagay natin dito sa Sentro ng Katotohanan ay mga usaping walang batayan. Marami ang naninisi sa DAM, ito raw ang dahilan kung bakit nagbaha sa Pangasinan. Sa mass media, sa mga senador at sa kongreso at sa ilang mga local governments ay pare-pareho po nating naririnig ang paninisi sa dam. Ang nakalulungkot, hanggang sa ngayon e wala pa pong matibay na pruweba o kapani-paniwalang dahilan na ang dam nga po ang masisisi. Meron pa nga pong lumabas na balita na ang San Roque Dam daw po ay nasa fault line at maaaring masira sa isang earthquake, kaya ito ay dapat isara. Sa akin pong palagay, tayo po ay nagsayang lang ng oras sa usaping iyon.

Nakahanda nga po ba tayo? Linawin ko lang po ang aking tanong… Kung mangyari po muli ang pag-ulan ng kagaya kay Ondoy… nakahanda po ba tayo? Halimbawa, kung sa gitna ng siudad ng Tuguegarao, o ng Santiago sa Isabela, o anumang bayan doon na mababa at parang basin, ay umulan hanggang sa malubog ang lahat ng mga first floor ng bahay, marami po ba ang mamamatay? Kung hindi po natin naisip ito ay napakalaki po ng ating katangahan. Kung hindi po tayo naniniwala na mauulit pa ang Ondoy, mangyayari po muli ang Pepeng. Ang sabi po ni Pepeng sa atin… maniwala kayo!

Sa halip na nag-aaway-away tayo sa DAM na wala namang napuntahan, dapat ay pinag-usapan na kung san ba pupunta ang mga tao sa bayang dadaanan ni Ramil kung sakaling tumaas ang tubig kagaya ng kay Ondoy? Sa halip na ipilit ipasara ang San Roque na alam naman natin na walang sapat na dahilan, bakit po hindi natin itinanong kung anong mga bayan ang may peligrong malubog sa buong bansa natin kung umulan ng mahigit 500mm sa loob ng anim na oras?

Sigurado ko pong makakakita tayo muli ng mga nakalubog na bahay, hindi ko lang po alam kung si Ramil ang magpapakita nito muli. Hindi na po magiging balita iyon. Ang magiging balita na po sa buong mundo ay kung gaano tayo katanga at kawalang pakialam.

Hindi po natin maiiwasan ang pag-ulan at pagbagyo. Wala po tayong magagawa doon. Ang magagawa lang po natin ay alamin kung paano maiwasan ang mas malaking sakuna. Baka po naghahanda tayo sa Iyan po sana ang maging focus ng ating mga government officials, local man o national. Yan din po sana ang maging focus ng ating mass media.
Sa bagyo naman po ng politika, marami ang nagsasabi na mas malaking trahedya para sa bayan natin ang pagtakbo ni dating Pangulong Joseph Estrada sa 2010. Hindi raw po kakayanin ng bayan natin ang isang Bagyong Erap.

Sabi po sa ating konstitusyon, sa section 7, article 4:

The President shall not be eligible for any re-election. No person who has succeeded as President and has served as such for more than four years shall be qualified for election to the same office at any time.

Ang sabi po ng mga defender ni Erap, kagaya po halimbawa ni UE College of Law Dean Amado Valdez, ibig sabihin daw po noong katagang “The President” ay yung nakaupong presidente. Sang-ayon po kaya ang lahat ng mga lawyers na galing ng UE College of Law sa sinabing iyon ng kanilang Dean?

Kahit po bata na nakakaintindi ng ingles, kapag binasa po ang konstitusyon ay paniguradong sasabihin nila na hindi pwede tumakbo ang dating pangulo. Basahin po natin muli ang section 7, article 4, this time isama natin ang naunang sentence:

The President and the Vice-President shall be elected by direct vote of the people for a term of six years which shall begin at noon on the thirtieth day of June next following the day of the election and shall end at noon of the same date, six years thereafter. The President shall not be eligible for any re-election. No person who has succeeded as President and has served as such for more than four years shall be qualified for election to the same office at any time.

Kung ang simpleng salita po ay binabaluktot natin, magkakaintindihan po ba tayo? Kapag sinabi kong Yes tapos sinabing mong ang ibig kong sabihin ay No, meron po kaya tayong mararating na magandang kinabukasan?

Ang sabi po ni Pangulong Erap Estrada, wala raw po siyang napatunayang pagkakasala. Nakalimutan po yata niya na siya ay na-convict sa kasong Plunder, ang ibig sabihin po ng na-convict ay napatunayan sa korte. Dahil po siya ay na-convict, ang Pangulong Erap Estrada po ay humingi ng pardon sa pangulo para makalaya. Ang ibig sabihin po ng paghingi ng pardon ay paghingi ng dispensa para wag maparusahan. Ngayon, kung sasabihin po ng dating Pangulong Erap Estrada na ang ibig sabihin ng Na-convict ay hindi napatunayan, at ang ibig sabihin naman po ng Pardon ay walang kasalanan, e hindi na po natin kailangan ng dictionary. Itapon nyo na po lahat iyan kasi wala po palang ibig sabihin lahat ng salitang nakasulat sa dictionary ninyo.

Panigurado ko po, ang usaping ito ay dadalhin sa lahat ng korte. Pagkakagastusan po natin ito ng pera at oras, magkakagalit-galit ang mga taong bayan, magkakaroon po ng usaping legal, quequestionin po ang decision ng korte at magkakagulo. Dahil lang po sa iniiba natin ang ibig sabihin ng mga salita sa dictionary. Eto po ba ang gustong gawin ng dating pangulo ? Ito po ba ang gustong gawin ng isang lider ng bayan?

Sa announcement ni Erap, sabi po nya, ito raw po ang “last performance of his life.” Sa pelikulang ito na kanya daw gagawin, nasabi niyang “hindi kayo ang bida kundi ang masa.” May error po siya sa script dahil ang kinakausap po niya ay ang masa. Ang ibig po niyang sabihin, “hindi ako ang bida kundi ang masa”. Ni sa blunder na iyon, walang nakapansin sa mass media. Mga bingi po yata lahat ng nag-cover doon sa event.

Sa lahat po ng news report gusto pong palabasin na malakas pa rin ang hatak ng dating pangulo sa Masa. Parang ibig din pong sabihin na kung sakaling muling mananalo si Erap, walang ibang masisisi kundi ang masang pilipino. Pero tingnan po natin, noong mag-announce si Nick Perlas, isang international multi-awarded environmentalist, ng kanyang pagtakbo, ang mass media po na pag-aari ng mga mayayamang tao ay parang nadighay lamang. Parang 99% percent po ng Pilipino ay hindi man lang nakaalam. Noong tumakbo po si Erap sa advertisement ng Arthro, parang 99% percent na po ng Pilipino ang nakaalam. Ngayong pong nag-announce ng pagtakbo si Erap, nagkumahog po lahat ang mass media sa pag-cover sa kanya, prime time ang ibinigay at binigyan po ng panahon sa mga interview yung mga depensa ng dating pangulo na tila mo ba matibay din ang depensa. Tanungin po natin sa ating sarili, ang Masa po kaya ang may kasalanan o ang Media ng Masa?

Sabi pa rin po ng dating Pangulo, siya raw po ay pinagtulungan at pinatalsik ng mga “Power-Hungry Elite”. Ito po ay may tono pa ng class warfare.. pinaglalaban ang mayaman sa mahirap. Pero tama siya, nasa Elite po ang pagiging Power-Hungry. Ang tanong, hindi po ba kasama rin siya at ang kanyang mga kaalyado sa mga matuturing na Elite?

Kagaya rin po ng sinabi ko tungkol kay Manny Pacquiao noong nasa kabilang station pa tayo.. kung nais makatulong ng isang sikat na tao, hindi po niya kailangang tumakbo sa politika. Kung si Kuya Ef ng Cavite ay may nagagawang tulong sa bayan, kung si Harvey Key na hindi naman sikat ay may nagagawang tulong sa bayan, kung si Rey Quijada na isang mag-bubukid sa Mindanao ay may nagagawang tulong sa bayan.. Ang paggamit pa lang ng pangalan po nina Erap Estrada, Manny Pacquiao, kahit ni Noynoy Aquino at Kris Aquino, o maging sina Vilma Santos, Jinggoy Estrada, Bong Revilla, Edu Manzano, Richard Gomez, at iba pa.. ang paggamit pa lang pangalan nila ay may malaki nang maitutulong. Hindi po nila kailangang tumakbo sa eleksyon. Kung sinasabi po nilang kaya sila tatakbo ay dahil gusto nilang makatulong… para sa atin, iyon po ay isang pambobola lamang. Pwede po silang makatulong sa bayan kahit hindi tumakbo sa halalan. Sa totoo po, mas malaki po ang kanilang maitutulong kung hindi sila tatakbo.

Sabi nga po ni Dolphy, ang pinakasikat na komedyante sa Pilipinas, noong tinatanong siya kung bakit ayaw niya tumakbo bilang pangulo, sabi po niya : Hindi raw po siya natatakot tumakbo, alam niyang siya ay mananalo. Yun nga raw po ang kinatatakot niya, ang siya ay manalo. Marami naman daw pong IBANG paraan para makatulong sa bayan.

Sa totoo lang, hindi ko po alam kung malakas ang Bagyong Erap. Baka po sa mga nangyayari ngayon ay Bagyong Noynoy ang dumating. At least po, alam natin, walang darating na Bagyong Dolphy.

www.leadphil.blogspot.com

Gov. Joey Salceda talks to Sentro on Reconstruction

Albay Governor and Presidential Economic Adviser Joey Salceda talked yesterday with Sentro ng Katotohanan on the Philippine Private-Public Reconstruction Commission. The commission, tasked, among others, to source among International Donors at least P47Billion of funds, is to be headed by high-profile businessman Manny Pangilinan, and co-chaired by Cebu Archbishop Ricardo Cardinal Vidal and Finance Sec. Margarito Teves.

Gov. Joey Salceda in the interview talked in length about the issue of relocating illegal settlers especially those directly affected by the recent disasters. The interview is now uploaded and may be downloaded or listened to from www.leadphil.blogspot.com.

Meanwhile, the following is yesterday's talking points at Sentro ng Katotohanan.

IBA'T-IBANG TANONG

Noon minsan, napag-usapan natin dito na wala pang gaanong accomplishment si Senador Noynoy Aquino. Kung meron man po, ay hindi natin alam. Sana po ay ipaalam niya sa mga taong bayan ang kanyang accomplishments. Kung tunay na pagbabago ang gusto niya, huwag naman po sanang pareho din sa iba ang kanyang kampanya. Kasi po, kapag ganoon, alam na po nating hindi totoong pagbabago ang kanyang isinusulong.

Noong nakaraang buwan, nabasa ko po sa internet ang komentaryo ng koluminstang si Tony Abaya, kung saan inilahad niya ang kanyang Questions for Noynoy, o ang mga katanungang dapat itanong ng bayan kay noynoy. Minsan din, may tinext sa kin ang ilang mga kaibigan ko na mga tanong din sa kanya, mga katanungang dapat niyang sagutin. Of course, nandyan na ang tungkol sa Luisita na tila mo hindi na-handle ng kanyang pamilya nang mahusay. Sinasabi nga ng iba, kung ang sarili niyang hasyenda ay hindi niya mapatakbo ng mahusay, bayan pa kaya? Meron naman na nagsasabi na minana lang niya ang problema dun, hindi yun kanya. Ganun nga kaya? Ibig bang sabihin, ni sa sarili niyang pamilya ay walang siyang say? Kung sa pamilya niya ay wala siyang patol, bakit kaya nagkaganoon? Paano niya masasabing pwede siyang mamuno ng bayan kung ang mga ganung problema ay hindi niya magampanan o ginagampanan?

Ang ilan pang maraming tanong sa kanya ay yung kakulangan niya ng accomplishments. Ang iniiisip ng marami ay bakit sa tagal ng panahon na siya ay nasa kongreso at tatlong taon sa senado ay ngayon lang natin siya narinig? Anong issue ba siya pumagitna? Para daw siyang missing in action? Kung senador o congressman ay wala nang magawa, maging presidente pa kaya, hindi raw kaya gamitin lang sya ng mga ibang politiko?

Meron pa rin nagtatanong sa kanya tungkol sa stand niya sa reproductive health bill. Paano raw siya susuportahan ng simbahang katoliko (na siyang sumoporta sa kanyang ina) kung itong reproductive health bill ay sinuportahan niya? Paano rin daw niya sasagutin sa kanyang konsiyensa ito kung siya ay isang katoliko? O baka raw katoliko lang siya for convenience?

Still, marami pa rin ang nagtataka kung bakit hanggang ngayon ay wala pa rin siyang ipinapakitang plataporma, puro raw generalities and platitudes lang ang kanyang sinasabi, walang specific. Pero in fairness to him, napanood ko minsan yung isang ANC forum kung saan pare-pareho sila nina Villar, Escudero ng style. Pare-pareho ang stand, pero iba-iba lang ang itsura. Meron pa nga akong nakitang website na ang tanong sa lahat ng mga kandidato ay “PLATFORM PLEZ: If you do not have one, don’t waste our time.”

Pero sa totoo lang, sa ngayon, mukhang si Senador Aquino na ang nangunguna sa isipan ng mga tao. Kasama na ang marketing at projection sa mass media, parang kampante na sa pagkapanalo ang Senador. Pero wag siyang paka sigurado. Kagaya rin ng pagkamatay ng kanyang ina, walang makapagsasabi ng iba pang mga mangyayari. Halimbawa, ang Ondoy, paniguradong nakadag-dag sa popularidad ito ni Sec. Teodoro, kung positibo ang naging dating ng mga gawain nya sa tao. Pero siempre, nasa mass media ang kapangyarihan kung sino ang pababanguhin nila sa mga ganitong pangyayari. Sa palagay ko, huling-huli ni Senador Aquino ang mass media.

Pero hindi lang si Senador Aquino ang ating kailangang tanungin. Kahit isa-isahin natin ang iba pang mga kandidato, wala rin tayong nakikitang mga plataporma. Meron din tayong mga tanong sa kanila.

Halimbawa nga ay si Sec. Teodoro, ano ba talaga ang nagawa na niya sa bayan ? Bagamat kagulat-gulat ang kanyang accomplishment sa pag-aaral, dahil nagtapos siya sa Harvard, isa sa mga pinakasikat na eskwelahan sa buong mundo, paano niya maiaalis sa mga tao na magduda sa kanya gayung siya ay kapanalig ni Pangulong Arroyo. Alam natin na malapit na pamangkin din siya ng dating sinasabing isa sa mga arkitekto ng martial law na si Eduardo Cojuangco. Siya ba ay kakampi ng dating kaibigan ng diktadurya? Ano ba ang side niya kung tungkol sa Marcos wealth ang pag-uusapan? Sa totoo lang, mas marami yata tayong tanong na dapat itanong kay Sec. Teodoro.

Kung titingnan natin si Senador Villar, parang mas malaki ang accomplishment ng Senador na ito. Unang-una ay isa siyang successful businessman. Isa siya sa pinakamayamang tao sa Pilipinas. Nanggaling siya sa hirap at unti-unti’y yumaman, sa sipag at tiyaga daw. Naging Speaker of the House siya at naging Senate President. Ibig sabihin, kung meron mang positibong nangyayari sa bayan natin ay mayroon siyang malaking kinalaman. Sa kabilang banda, kung may negatibong pangyayari, malaki rin ang kanyang papel. Ano ba ang ginawa niya laban sa corruption? Bagamat dapat ay bigyan natin siya ng benefit of the doubt doon sa mga charges sa kanya regarding sa C5 road, ano ba talaga ang naitulong niyang kongkreto sa bayan?

Tingnan din natin si Senador Francis Escudero, siya po ay kilala bilang mukha ng oposisyon. Paborito po yata siya ng mass media, dahil kahit ano ang issue ay parang parati siyang iniinterview. Pero ang nakapagtataka, kahit po siya oposisyon, sumusuporta naman siya sa administrasyon pag dating ng botohan sa senado. Naka-align po ang kanilang partido (NPC) sa administrasyon. Matatandaan din na ang kanyang pamilya ay kaalyado (o sinasabing Crony) ng mga Marcoses. Sumoporta din siya kay Erap, at kay FPJ noong mga nakaraan. Tinira din po niya ang supreme court noong panahon ni Chief Justice Davide, noong panahong mataas ang pagtingin ng tao sa korte. Paano po niya sasagutin lahat ito?

Of course, sa kay dating Pangulong Joseph Estrada naman, alam din natin na siya ay na-convict na sa plunder. Marami po siyang anak sa iba-ibang babae at kilala rin pong dati siyang Marcos Loyalist. Paano po niya sasagutin lahat ng ito?

Para kina Nicanor Perlas, JC Delos Reyes at maging kay Bayani Fernando, paano naman po nila sasagutin na hindi sila makabuo ng team o makagawa ng matibay na plano kung paano mananalo?

Samakatwid po, marami po tayong katanungan na dapat masagot. Marami pong katanungan na dapat masagot ng ating mga liders. Katungkulan po ng mass media na habulin sila at pasagutin sa mga tanong na ito. Hindi po magbabago ang bayan kung ang mga pangyayari ng nakaraan ay hindi man lang natin nareremedyohan.

Sentro Interview with Pinoy CNN Hero

Sentro ng Katotohanan yesterday interviewed Mr. Efren Penaflorida, Kuya Ef to his friends and to the kids they have helped through his Kariton Klasrum project.

Learn how Kuya Ef started the project when he was still a 16-year old highschool senior, and how he conceived this project together with his friends who are all bullied in school. Listen to the archived broadcast of Sentro ng Katotohanan from links that can be found at www.leadphil.blogspot.com. (listen or download)

To help Kuya Ef, everyone may also vote for him as CNN hero of the year... http://edition.cnn.com/SPECIALS/cnn.heroes/index.html

Remember, a vote for Kuya Ef is a vote for the project and the kids they are helping...



Meanwhile, the following is yesterday's transcripts of our talking points..

Iba't-ibang Balita, Solusyon at Dakdak

Marami po talaga ang nagaganap sa ating bayan ngayon. Nandyan pa rin ang epekto ng Ondoy at Pepeng. Marami ang namatay at nasisisi nga po ang Dam. Binasa ko po ang disaster preparation ng City of Dagupan City at parang effective ang kanilang operasyon doon. Bagamat nalubog ang malaking bahagi ng siyudad e iilan po yata ang namatay. Malungkot pa rin po ang mga kamatayang iyon kahit iilan lamang, pero panigurado kong dahil sa tamang paghahanda ay nabawasan ang bilang nito.

Hindi ko po nakita ang mga ginawang paghahanda ng ibang lugar. Sana po ay ginawa talaga ng mga local government units doon ang lahat ng dapat gawin sa abot ng kanilang makakaya. Sana po ay mga unavoidable deaths lamang ang nangyari na pwede nating ipasa Diyos, hindi yung pwede namang iwasan.

Pero sa totoo po ay hindi natin alam. Wala po naman kasing nagtatanong sa mass media kung saan-saan nakatira ang mga namatay. Sila ba ay nasa delikadong lugar? Sa tabing ilog? O talagang nasa tamang lugar naman pero tinamaan pa rin ng pagbaha. Hindi na po siguro natin malalaman iyan. Unless na may mga magvolunteer sa atin at makapagdispatch tayo doon ng mga news gatherers at investigators, which is malabong mangyari sa panahong ito.

Iyan po sana ang nais nating gawin, makapagtayo ng isang all volunteer news organization, nang sa gayon ay makuha natin ng buong-buo ang katotohanan.

Kagaya rin nitong tungkol sa paninisi ng ilan sa DAM. Ang nakalulungkot, wala pang imbestigasyon ay ang bilis nang maninisi ng ilan sa atin. Alam natin na ang DAM ay isang controversial na bagay. Habang itinatayo ito, kasama na ang San Roque Dam, marami ang mga tumututol dito sa ibat-ibang dahilan. Tama man o mali ang pagtutol ay hindi na natin din maiintindihan. Hindi natin ito napag-aralan noong panahong itinatayo pa lang ang Dam na iyon. Ni hindi nga natin alam na nagkaroon pala ng issue ang dam na ito, hanggang sa dumating ang pagbaha!

Sa totoo lang po, kailangan ng masusing isipan kung ang DAM ang pag-iisipan. Kung tayo po ang may malaking resources, mag-iinterview po tayo ng mga espesyalista sa DAM. Pag-aaralan po natin ang design ng San Roque at irereview natin ang kanilang mga procedures sa mga ganitong pagkakataon. Baka nga pong isinakripisyo nila ang kapakanan ng bayan dahil nagtitipid sila ng tubig, kasi akala nila ay hindi tataas ito. Que-questionin din natin ang mga naninisisi, paano nila nalaman ang kanilang mga sinasabi. Bakit po ang sinasabi ng Napocor ay kayang magwithstand ng dikes ng hanggang 7,000cu-m/sec samantalang si Prof. Melecio ay nagsasabing hanggang 1,400 lang. Bakit po sinasabi ng Napocor na matagal na silang nagpapawala ng tubig e bakit muntik umabot pa sa critical level ang tubig. Talaga po bang sobra ang lakas na ulan ? O sila po ba ang natutulog sa pansitan. O baka naman po nagmamagaling lang ang ilang local governments o umiiwas sa sisi ? Napakalaki po ang role ng mass media. Halos pumapangalawa po sa gobyerno. Inuulit ko po, pumapangalawa sa gobyerno, pero ang impluensya ay mas mahigit pa sa gobyerno.

Ikinatutuwa ko na mabasa sa dyaryo ang pagkakatayo ng isang public-private sector reconstruction commission na mag-aaral ng tungkol sa sakunang nangyari, ang causes, cost at rehabilitation ng bayan. Pangungunahan daw ito as co-chair nina:
- Businessman Manny Pangilinan
- Cebu ArchBishop Ricardo Cardinal Vidal
- Finance Sec. Margarito Teves

Ito po ay iminungkahi daw ni Gov. Joey Salceda ng Albay (isa ring Economic Adviser ng pangulong Arroyo). Sana po ay magtagumpay ang commission na ito, na paniguradong lalagpas ang buhay sa termino ni pangulong Arroyo.

Alam ko na kasama sa pag-aaralan ng commission ay
Kung paano maiiwasan ang nangyaring sakuna at anong infrastructure ang dapat gawin
Paano aayusin ang mga informal settlers na siyang naging main victim ng trahedya
At paano gigisingin muli a ekonomiya ng Pilipinas na naapektuhan din ng malaki.
Kasama rin ang pagkuha ng dagdag pang grants para sa lahat ng mga proyektong gagawin na ito.

Dito makikita na ang kapakanan ng mga tao ay nasa kamay ng mga namumuno sa ating gobyerno. Kung ilan mang milyon ang makukuha ng charities, dang-daang milyon, ang gobyerno ay may kakayanang magpawala ng ilang bilyong dolyar kasama na ang donation at grants para sa mga ganitong pangyayari. Ika nga ni Gov. Joey Salceda, para lamang naniningil tayo sa mga nasa first world, kasi sila rin naman ang pinaggalingan ng climate change.

Ibig sabihin din nito, wala tayong magagawa kung ang ating mga inihalal ay hindi alam ang kanilang dapat gawin. O pansarili lamang ang iisipin. Kung pagbabasehan nga natin ang budget ng Pilipinas at ang bilang ng mga bumoboto sa halalan, parang mahigit P30,000 bawat botante ang halaga ng isa nating boto. Parang paluwagan iyan eh, P30,000 ang ambag ng bawat isa.. Kanino natin ibibigay ang pera?

Kaya nga naniniwala tayo na dapat ay maglagay tayo ng mga tao sa gobyerno ng mga sadyang karapatdapat, hindi popular lamang, mayaman o malakas. Hindi rin enough ang integrity lamang. Kasi, kung popular pero wala namang alam o kakayanan (na makikita natin sa uri ng kanilang accomplishments), alam natin na baka manakaw lang ng iba ang pera (hindi man siya ang magnakaw). At ang perang iyon, buhay ang katapat. Buhay ng maraming mahihirap. Minsan, buhay din ng mga may kaya sa buhay, kagaya ng ipinalaala ni Ondoy.

Nakita rin natin ang huling lumabas na SWS survey, kung saan nanguna na naman daw si Senador Noynoy Aquino. Kung titingnan natin ang survey, parang mananalo na nga ang senador sa halalan. Ang nakapagtataka sa survey ay kung bakit tatlong kandidato ang itinatanong sa mga respondents e hindi naman tatlo ang ibinoboto natin sa eleksyon. Siguro may specific na purpose itong survey na ito na hindi naman sinabi ng SWS. Ang sabi nila ay wala raw nag commission sa kanila ng survey, kusang palo lang daw nila ito. Nakapagtataka din na ang tanong ay kung sino ang karapat-dapat, hindi kung sino ang iboboto. Obviously, nag-bebenefit dito sina Sen. Aquino, at Senador Villar na mas malaki ang benefit dahil siya ang pumapangalawa sa Survey. Talaga nga kayang walang nag-commission ng survey na ito? Parang nakapagtataka.

Muli, ipinapaalala natin sa ating mga kababayan na ang eleksyon ay hindi parang karera ng kabayo. Hindi yung tataya tayo sa isang kabayo kasi iyon ang mananalo. Kailangang piliin natin sa ating sarili, kasama na ang ating konsiyensya, kung sino ang karapat-dapat. Sabi nga ni Mr. Alex Lacson, is raw itong Solemn Duty na dapat nating gawin.

Itanong natin sa ating sarili, natutuwa ba tayo dahil nangunguna ang manok o kabayo natin? Ipinagmamalaki ba natin na tayo ay tama dahil marami ang sang-ayon sa ating boto? Mali po ang ganitong pananaw. Kapag ganito po, isa rin po tayong biktima ng kung ano ang nakikita natin sa mass media. Kapag ganito po, baka po may lumabas na tunay na magaling na tao, mga tunay na lider, may kakayanan, katalinuhan at katapatan sa bayan pero sila ay hindi natin mapansin. Iyan nga po ang isang hadlang kung bakit tayo nahihirapang kumuha ng mga leaders. Na-didiscourage po ang iba na sumali sa politika, dahil isasakripisyo na nila ang kanilang buhay ay parang sila pa ang nagpupumilit – itinituring pa silang nasisiraan ng bait dahil hindi naman sila mananalo.

Kung ganyan tayo ng ganyan, hindi mananalo ang isang unknown personality kagaya ni Obama isang taon bago siya kumandidato.

Ang nakapagtataka, hindi po masa talaga ang nagpapabagsak sa ating bayan. Kahit po mayayaman at mga nakapag-aral ay siyang nagsasabi ng mga maling paraan ng pagboto. Naaalala ko po noong nakaraang mga eleksyon, may mga bumoto po at nangampanya kay PGMA para wag lang manalo si FPJ. Marami po sa mga kakilala ko na si Roco sana ang iboboto ay lumipat kay PGMA, para maiwasan ang pagkapanalo ni FPJ. Bakit po si PGMA ang ibinoto? Ito raw po ang lesser evil. Bakit po nila inakalang si PGMA ay may kakayananang tumalo kay FPJ, dahil iniisip po nila na si PGMA ay mandadaya.., Parang lumalabas na tulungan na natin ang mandadaya kaysa manalo ang walang alam.

Pero ngayon, galit tayong lahat sa mandaraya. Ngayon, gusto pa nating palabasin na na tayo ay may o nasa mataas na moral ground pero si PGMA nasa ilalim natin. Nasa ilalim din po natin ang masa at mahihirap na hindi nakapag-aral. Para tayo ngayong mga pariseo at escribo sa biblia na tayo lamang ang matatalino at mababait… Sa totoo lang po kailangan po nating tingnan na marami ang ating sarili. Saan nga po ba magmumula ang pagbabago?

Noong nakaraang broadcast natin, nakausap natin si Mayor Marides ng Marikina kung saan pinag-usapan natin at length ang kanyang mga ginagawa ngayon para ma rehabilitate ang kanilang siyudad. Ang hinahanap po natin ay ang mga solusyong pang matagalan. Kaya nga po ang dami nating tanong tungkol sa kung ano ang gagawin nila sa mga informal settlers, ang bagong pangalan po ng squatters. Kailangan na po natin ang pangmatagalang solusyon dito, kagaya rin ng itinulak ni Gov. Salceda ng Albay sa pamamagitan nga po ng Reconstruction Commission na magtatalakay at hahanap din ng solusyon at pondo para dito.

Mga solusyon po ang importante, hindi puro dakdak.

Sentro Featuring Mayor Marides Fernando

Yesterday, Sentro ng Katotohanan interviewed Marikina Mayor Maria Lourdes "Marides" C. Fernando about the recovery efforts in their City. We also talked in length about the plight of the City's informal settlers and the solutions that they are implementing to help relocate them. The solutions discussed may even solve the problem once and for all.

The Sentro ng Katotohanan October 13, 2009 broadcast is now uploaded for listening or download.

Meanwhile, the transcript of yesterday's talking points follows:

Kailangan na ang Solusyon

Kanginang umaga, nakapanood ako ng TV, yung Unang Hirit, pinag-uusapan nila ang bagyong si Pepeng. Kahit sa Channel 2 ganun din.. sa Umagang Kay Ganda. Hanggang ngayong gabi, sa Saksi at sa TV Patrol, pare-pareho ang usapan..

- Marami raw ang nasalanta,
- Marami nga raw ang namatay (almost 300 persons)
- May balitang idedemanda ang consortium na nagooperate ng San Roque Dam ng Local Government units ng mga bayang nasalanta
- Sinasabing 5,000 cu.m per sec, daw ang pinawalan ng dam noong kasagsanan ng ulan.. At para maka-appeal sa mga OFWs, sinabi pang parang 5,000 OFW boxes daw ito kada isang segundo
- Magkakaroon pa daw ng senate hearing tungkol sa mga dams..

Sa palagay ko, parang mayroon nang gustong masisi ang mga tao. Parang gusto nilang isisi ang lahat ng pangyayari sa dam ng San Roque. Parang magiging punching bag dito ang NAPOCOR na siyang may control nito.

Sa palagay ko nagkakamali ang direksyon ng usapan.

Isa isang tabi muna natin ang dams, may tanong po ako sa mga local government units doon na tinamaan ng pagbaha at sa pagguho ng lupa..

Meron pa bang mga taong nakatira sa kanila sa mga delikadong lugar? Bakit meron pang nakatira sa tabi ng ilog, bakit meron pang nakatira sa gilid ng bangin ? Meron pa bang mga lugar na pinagpuputulan ng mga puno na hindi dapat pag-putulan ?

Meron ba silang ginawa para mamonitor ang sitwasyon ng baha ? Meron ba silang lugar na lilikasan ng mga tao sa ganitong pagkakataon at nagpatupad ba sila ng evacuation ?

O patuloy silang natutulog sa pansitan?

Hindi kaya gusto lang nilang ibunton ang galit ng tao sa mga dams ?

Kahapon, narinig ko si Senator Francis Escudero, ang sabi niya, “kung walang dam, hindi nagbaha ang Pangasinan”. Yan mismo ang kanyang sinabi noong nasa palatuntunan siya sa Radio kahapon ng Umaga sa ABS-CBN. Hello? Ganun lang iyon?

Nakapagtataka hindi man lang sinabi ng Senador kung bakit niya nasabi iyon. Hindi man lang niya sinabi kung ano ang basehan nya…, parang statement of fact lang. Hindi man lang din siya tinanong ng anchor ng radio show na iyon.

Napakagrabe ng ganitong paratang. Buhay ng tao ang nasira resulta ng baha at bilyong pisong pananim ang nawasak (kaya’t maraming buhay pa ang maaapektuhan). Tila mo sumasakay sa issue at nangunguna sa paninisi si Senador Escudero na sa palagay natin ay talagang iresponsable. Ang ganitong paratang kung ipupukol ay dapat puno ng detalye, hindi ng mga opinyon lamang. Kung ito ay opinyon lang, dapat ay linawin nya. Kung hindi, parang isa lamang siyang ordinaryong tsismosong tao na naninira ng iba. Ito kaya ang leadership na balak niyang ipakita?

At speaking of Senador Escudero, kataka-taka na biglang sumulpot siya sa lahat ng news. Pati na ang panukala niyang ipasa na lang daw lahat ang estudyante sa school year na ito ay talagang pinag-uusapan pa, tila mo napaka news worthy – pero pag inisip mo talaga ay parang kwentong kutsero lamang. Kung maaala natin, sinabi niya noong mga nakaraang buwan na magdedesisyon siya kung tatakbo sa 2010 sa kanyang birthday na October 10. Parang lumalabas na pinaghandaan niya ito, mukhang naka-setup na ang mass media para sa kanya. Pero nagkataon, nakakahiyang magdeklara sa gitna ng trahedya at matatabunan lamang ng ibang balita ang kanyang announcement, kaya’t mukhang nag-iba ang plano. Dahil kaya sa naglaan na siya sa mass media at hindi na niya mabawi iyon, kaya’t kahit anong balita na lang tungkol sa kanya ay inilalabas na na tila mo hot news?

Balikan po natin ang dam…

Sa Mass Media, marami po ang bumabatikos sa Napocor kung bakit daw biglang nagpawala ito ng tubig sa San Roque Dam sa kasag-sagan ng pag-ulan nang walang warning. Immediately, masasabi ko po agad na ito ay mali. Kung ang mga nasa mass media po ay nagmomonitor ng website ng PAGASA simula noong dumating si bagyong Pepeng, makikita po doon na maraming dam ay naglalabas na nang tubig kahit wala pang baha. Simple lang po itong malaman, maglog-on lang po sa www.pagasa.dost.gov.ph at hanapin ang Dam Status. Wala po kayang access sa internet ang mga nasa mass media o sadyang wala silang paki-alam.

May narinig po akong nagsabi sa Mass Media na grabe daw ang pagpapalabas ng tubig, 5,000 cu-m/sec daw ang ipinalabas, kasing dami ng 5,000 balikbayan boxes! Nakapagtataka, bakit po parang hindi naman nila tinanong ang PAGASA o ang operator ng dam ng San Roque kung gaano naman kadami ang dumadating sa kanila tubig, hindi kaya mataas pa sa 5,000 cu-m/sec at napigil pa ng dam ang iba? Sana po ay itanong muna ito ng mass media para hindi po tayo magmukhang tanga. Sa ibang bansa po kasi, alam po nang marami na ang dam ay nakakatulong pumigil ng pagbaha. Dito lang po yata sa atin mali ang pananaw natin sa dam.

Hindi ko po sinasabing walang kasalanan ang San Roque dam. Kailangan pong imbestigahan ito kung meron ngang pagkakamali. Pero wag naman po nating sirain ang reputasyon ng mga may-control dito nang hindi pa natin alam ang katotohanan. Ganun din po, hindi ko po sinasabi na ang mga local goverments ang may kasalanan, kailangan din pong bigyan sila ng pagkakataon bago natin mahusgahan.

Ang kahilingan ko po sa mga kababayan natin, tingnan po nating ang mga pangyayari sa ating kapaligiran. Pag-isipan po natin ng mas natural ang mga bagay-bagay (hindi po hinihiling ang mas malalim), mas natural lamang po dahil simpleng logic lang naman po ang kailangan nating gamitin. Huwag po tayong magpapadala sa mga grupong kung ano-anong propaganda ang ginagawa sa gitna ng sakuna. At tandaan po natin mas importante po ay hanapin natin ang solusyon, tama na, wag na pong paulit-ulitin ang problema, Solusyon po ang kailangan natin.

www.leadphil.blogspot.com

About Sentro ng Katotohanan.

Sentro ng Katotohanan (SnK) is a bi-weekly news commentary program on radio anchored by Mr. Arnel B. Endrinal of Lead Philippines. It's present co-anchor, Ms. Iya Justimbaste is part of a group called Get Real Philippines. SnK is aired live over at DWBL 1242KHz every Tuesday and Thursday, 8.30-9.30PM.

Sentro ng Katotohanan is a pure advocacy program that seeks to promote critical thinking especially in light of the coming May 2010 elections. The program started airing from DWBL in September 15, 2009. However, it started as weekly program aired Sundays, 6.00-7.00PM over at RMN's Metro Manila station DZXL from May 17 to July 26, 2009.

Sentro ng Katotohanan offers a fresh new format on Philippine AM radio wherein its anchor/s provide unbiased yet scathing insights on different issues, news and public personalities. The program challenges conventional thinking while espousing level-headed discussions. The program also features comprehensive interviews with different public personalities as well as bloggers that offer unique perspectives. All in all, SnK thinks that ideas and opinions are important, but more important is how these opinions and ideas are arrived at.

Among the personalities interviewed in the past include:
- JC Delos Reyes, Presidential Candidate of Ang Kapatiran Party
- Atty. Jun Chipeco, Vice Presidential Candidate of Ang Kapatiran Party
- Ang Kapatiran Party officers and Senatoriables
- Nick Perlas, Independent Presidential Candidate
- Former MMDA Chairman Bayani Fernando
- Mrs. Sonia Roco
- Former DSWD Secretary Cora Alma De Leon
- Author and Senatoriable Atty. Alex Lacson
- Youth Leader Harvey Keh
- CNN Hero Efren Penaflorida Jr.
- PNRC Sec. Gen. Gwen Pang
- Marikina Mayor Marides Fernando
- Phil. Star Columnist Carmen Navarro Pedrosa
- Manila Standard Today Columnist Antonio Abaya
- Get Realists BenK, OrionD, Lester Ople, Paul Farrol, FiloE and Laurence

SnK is started based on the belief that the Philippines is a country on its knees partly because mass media as a whole is not able to provide correct treatment to news and other public information. SnK, acting as catalyst, believes that our democracy would work only if we have working, viable and responsible mass media institutions.