Gov. Joey Salceda talks to Sentro on Reconstruction

Albay Governor and Presidential Economic Adviser Joey Salceda talked yesterday with Sentro ng Katotohanan on the Philippine Private-Public Reconstruction Commission. The commission, tasked, among others, to source among International Donors at least P47Billion of funds, is to be headed by high-profile businessman Manny Pangilinan, and co-chaired by Cebu Archbishop Ricardo Cardinal Vidal and Finance Sec. Margarito Teves.

Gov. Joey Salceda in the interview talked in length about the issue of relocating illegal settlers especially those directly affected by the recent disasters. The interview is now uploaded and may be downloaded or listened to from www.leadphil.blogspot.com.

Meanwhile, the following is yesterday's talking points at Sentro ng Katotohanan.

IBA'T-IBANG TANONG

Noon minsan, napag-usapan natin dito na wala pang gaanong accomplishment si Senador Noynoy Aquino. Kung meron man po, ay hindi natin alam. Sana po ay ipaalam niya sa mga taong bayan ang kanyang accomplishments. Kung tunay na pagbabago ang gusto niya, huwag naman po sanang pareho din sa iba ang kanyang kampanya. Kasi po, kapag ganoon, alam na po nating hindi totoong pagbabago ang kanyang isinusulong.

Noong nakaraang buwan, nabasa ko po sa internet ang komentaryo ng koluminstang si Tony Abaya, kung saan inilahad niya ang kanyang Questions for Noynoy, o ang mga katanungang dapat itanong ng bayan kay noynoy. Minsan din, may tinext sa kin ang ilang mga kaibigan ko na mga tanong din sa kanya, mga katanungang dapat niyang sagutin. Of course, nandyan na ang tungkol sa Luisita na tila mo hindi na-handle ng kanyang pamilya nang mahusay. Sinasabi nga ng iba, kung ang sarili niyang hasyenda ay hindi niya mapatakbo ng mahusay, bayan pa kaya? Meron naman na nagsasabi na minana lang niya ang problema dun, hindi yun kanya. Ganun nga kaya? Ibig bang sabihin, ni sa sarili niyang pamilya ay walang siyang say? Kung sa pamilya niya ay wala siyang patol, bakit kaya nagkaganoon? Paano niya masasabing pwede siyang mamuno ng bayan kung ang mga ganung problema ay hindi niya magampanan o ginagampanan?

Ang ilan pang maraming tanong sa kanya ay yung kakulangan niya ng accomplishments. Ang iniiisip ng marami ay bakit sa tagal ng panahon na siya ay nasa kongreso at tatlong taon sa senado ay ngayon lang natin siya narinig? Anong issue ba siya pumagitna? Para daw siyang missing in action? Kung senador o congressman ay wala nang magawa, maging presidente pa kaya, hindi raw kaya gamitin lang sya ng mga ibang politiko?

Meron pa rin nagtatanong sa kanya tungkol sa stand niya sa reproductive health bill. Paano raw siya susuportahan ng simbahang katoliko (na siyang sumoporta sa kanyang ina) kung itong reproductive health bill ay sinuportahan niya? Paano rin daw niya sasagutin sa kanyang konsiyensa ito kung siya ay isang katoliko? O baka raw katoliko lang siya for convenience?

Still, marami pa rin ang nagtataka kung bakit hanggang ngayon ay wala pa rin siyang ipinapakitang plataporma, puro raw generalities and platitudes lang ang kanyang sinasabi, walang specific. Pero in fairness to him, napanood ko minsan yung isang ANC forum kung saan pare-pareho sila nina Villar, Escudero ng style. Pare-pareho ang stand, pero iba-iba lang ang itsura. Meron pa nga akong nakitang website na ang tanong sa lahat ng mga kandidato ay “PLATFORM PLEZ: If you do not have one, don’t waste our time.”

Pero sa totoo lang, sa ngayon, mukhang si Senador Aquino na ang nangunguna sa isipan ng mga tao. Kasama na ang marketing at projection sa mass media, parang kampante na sa pagkapanalo ang Senador. Pero wag siyang paka sigurado. Kagaya rin ng pagkamatay ng kanyang ina, walang makapagsasabi ng iba pang mga mangyayari. Halimbawa, ang Ondoy, paniguradong nakadag-dag sa popularidad ito ni Sec. Teodoro, kung positibo ang naging dating ng mga gawain nya sa tao. Pero siempre, nasa mass media ang kapangyarihan kung sino ang pababanguhin nila sa mga ganitong pangyayari. Sa palagay ko, huling-huli ni Senador Aquino ang mass media.

Pero hindi lang si Senador Aquino ang ating kailangang tanungin. Kahit isa-isahin natin ang iba pang mga kandidato, wala rin tayong nakikitang mga plataporma. Meron din tayong mga tanong sa kanila.

Halimbawa nga ay si Sec. Teodoro, ano ba talaga ang nagawa na niya sa bayan ? Bagamat kagulat-gulat ang kanyang accomplishment sa pag-aaral, dahil nagtapos siya sa Harvard, isa sa mga pinakasikat na eskwelahan sa buong mundo, paano niya maiaalis sa mga tao na magduda sa kanya gayung siya ay kapanalig ni Pangulong Arroyo. Alam natin na malapit na pamangkin din siya ng dating sinasabing isa sa mga arkitekto ng martial law na si Eduardo Cojuangco. Siya ba ay kakampi ng dating kaibigan ng diktadurya? Ano ba ang side niya kung tungkol sa Marcos wealth ang pag-uusapan? Sa totoo lang, mas marami yata tayong tanong na dapat itanong kay Sec. Teodoro.

Kung titingnan natin si Senador Villar, parang mas malaki ang accomplishment ng Senador na ito. Unang-una ay isa siyang successful businessman. Isa siya sa pinakamayamang tao sa Pilipinas. Nanggaling siya sa hirap at unti-unti’y yumaman, sa sipag at tiyaga daw. Naging Speaker of the House siya at naging Senate President. Ibig sabihin, kung meron mang positibong nangyayari sa bayan natin ay mayroon siyang malaking kinalaman. Sa kabilang banda, kung may negatibong pangyayari, malaki rin ang kanyang papel. Ano ba ang ginawa niya laban sa corruption? Bagamat dapat ay bigyan natin siya ng benefit of the doubt doon sa mga charges sa kanya regarding sa C5 road, ano ba talaga ang naitulong niyang kongkreto sa bayan?

Tingnan din natin si Senador Francis Escudero, siya po ay kilala bilang mukha ng oposisyon. Paborito po yata siya ng mass media, dahil kahit ano ang issue ay parang parati siyang iniinterview. Pero ang nakapagtataka, kahit po siya oposisyon, sumusuporta naman siya sa administrasyon pag dating ng botohan sa senado. Naka-align po ang kanilang partido (NPC) sa administrasyon. Matatandaan din na ang kanyang pamilya ay kaalyado (o sinasabing Crony) ng mga Marcoses. Sumoporta din siya kay Erap, at kay FPJ noong mga nakaraan. Tinira din po niya ang supreme court noong panahon ni Chief Justice Davide, noong panahong mataas ang pagtingin ng tao sa korte. Paano po niya sasagutin lahat ito?

Of course, sa kay dating Pangulong Joseph Estrada naman, alam din natin na siya ay na-convict na sa plunder. Marami po siyang anak sa iba-ibang babae at kilala rin pong dati siyang Marcos Loyalist. Paano po niya sasagutin lahat ng ito?

Para kina Nicanor Perlas, JC Delos Reyes at maging kay Bayani Fernando, paano naman po nila sasagutin na hindi sila makabuo ng team o makagawa ng matibay na plano kung paano mananalo?

Samakatwid po, marami po tayong katanungan na dapat masagot. Marami pong katanungan na dapat masagot ng ating mga liders. Katungkulan po ng mass media na habulin sila at pasagutin sa mga tanong na ito. Hindi po magbabago ang bayan kung ang mga pangyayari ng nakaraan ay hindi man lang natin nareremedyohan.

Sentro Interview with Pinoy CNN Hero

Sentro ng Katotohanan yesterday interviewed Mr. Efren Penaflorida, Kuya Ef to his friends and to the kids they have helped through his Kariton Klasrum project.

Learn how Kuya Ef started the project when he was still a 16-year old highschool senior, and how he conceived this project together with his friends who are all bullied in school. Listen to the archived broadcast of Sentro ng Katotohanan from links that can be found at www.leadphil.blogspot.com. (listen or download)

To help Kuya Ef, everyone may also vote for him as CNN hero of the year... http://edition.cnn.com/SPECIALS/cnn.heroes/index.html

Remember, a vote for Kuya Ef is a vote for the project and the kids they are helping...



Meanwhile, the following is yesterday's transcripts of our talking points..

Iba't-ibang Balita, Solusyon at Dakdak

Marami po talaga ang nagaganap sa ating bayan ngayon. Nandyan pa rin ang epekto ng Ondoy at Pepeng. Marami ang namatay at nasisisi nga po ang Dam. Binasa ko po ang disaster preparation ng City of Dagupan City at parang effective ang kanilang operasyon doon. Bagamat nalubog ang malaking bahagi ng siyudad e iilan po yata ang namatay. Malungkot pa rin po ang mga kamatayang iyon kahit iilan lamang, pero panigurado kong dahil sa tamang paghahanda ay nabawasan ang bilang nito.

Hindi ko po nakita ang mga ginawang paghahanda ng ibang lugar. Sana po ay ginawa talaga ng mga local government units doon ang lahat ng dapat gawin sa abot ng kanilang makakaya. Sana po ay mga unavoidable deaths lamang ang nangyari na pwede nating ipasa Diyos, hindi yung pwede namang iwasan.

Pero sa totoo po ay hindi natin alam. Wala po naman kasing nagtatanong sa mass media kung saan-saan nakatira ang mga namatay. Sila ba ay nasa delikadong lugar? Sa tabing ilog? O talagang nasa tamang lugar naman pero tinamaan pa rin ng pagbaha. Hindi na po siguro natin malalaman iyan. Unless na may mga magvolunteer sa atin at makapagdispatch tayo doon ng mga news gatherers at investigators, which is malabong mangyari sa panahong ito.

Iyan po sana ang nais nating gawin, makapagtayo ng isang all volunteer news organization, nang sa gayon ay makuha natin ng buong-buo ang katotohanan.

Kagaya rin nitong tungkol sa paninisi ng ilan sa DAM. Ang nakalulungkot, wala pang imbestigasyon ay ang bilis nang maninisi ng ilan sa atin. Alam natin na ang DAM ay isang controversial na bagay. Habang itinatayo ito, kasama na ang San Roque Dam, marami ang mga tumututol dito sa ibat-ibang dahilan. Tama man o mali ang pagtutol ay hindi na natin din maiintindihan. Hindi natin ito napag-aralan noong panahong itinatayo pa lang ang Dam na iyon. Ni hindi nga natin alam na nagkaroon pala ng issue ang dam na ito, hanggang sa dumating ang pagbaha!

Sa totoo lang po, kailangan ng masusing isipan kung ang DAM ang pag-iisipan. Kung tayo po ang may malaking resources, mag-iinterview po tayo ng mga espesyalista sa DAM. Pag-aaralan po natin ang design ng San Roque at irereview natin ang kanilang mga procedures sa mga ganitong pagkakataon. Baka nga pong isinakripisyo nila ang kapakanan ng bayan dahil nagtitipid sila ng tubig, kasi akala nila ay hindi tataas ito. Que-questionin din natin ang mga naninisisi, paano nila nalaman ang kanilang mga sinasabi. Bakit po ang sinasabi ng Napocor ay kayang magwithstand ng dikes ng hanggang 7,000cu-m/sec samantalang si Prof. Melecio ay nagsasabing hanggang 1,400 lang. Bakit po sinasabi ng Napocor na matagal na silang nagpapawala ng tubig e bakit muntik umabot pa sa critical level ang tubig. Talaga po bang sobra ang lakas na ulan ? O sila po ba ang natutulog sa pansitan. O baka naman po nagmamagaling lang ang ilang local governments o umiiwas sa sisi ? Napakalaki po ang role ng mass media. Halos pumapangalawa po sa gobyerno. Inuulit ko po, pumapangalawa sa gobyerno, pero ang impluensya ay mas mahigit pa sa gobyerno.

Ikinatutuwa ko na mabasa sa dyaryo ang pagkakatayo ng isang public-private sector reconstruction commission na mag-aaral ng tungkol sa sakunang nangyari, ang causes, cost at rehabilitation ng bayan. Pangungunahan daw ito as co-chair nina:
- Businessman Manny Pangilinan
- Cebu ArchBishop Ricardo Cardinal Vidal
- Finance Sec. Margarito Teves

Ito po ay iminungkahi daw ni Gov. Joey Salceda ng Albay (isa ring Economic Adviser ng pangulong Arroyo). Sana po ay magtagumpay ang commission na ito, na paniguradong lalagpas ang buhay sa termino ni pangulong Arroyo.

Alam ko na kasama sa pag-aaralan ng commission ay
Kung paano maiiwasan ang nangyaring sakuna at anong infrastructure ang dapat gawin
Paano aayusin ang mga informal settlers na siyang naging main victim ng trahedya
At paano gigisingin muli a ekonomiya ng Pilipinas na naapektuhan din ng malaki.
Kasama rin ang pagkuha ng dagdag pang grants para sa lahat ng mga proyektong gagawin na ito.

Dito makikita na ang kapakanan ng mga tao ay nasa kamay ng mga namumuno sa ating gobyerno. Kung ilan mang milyon ang makukuha ng charities, dang-daang milyon, ang gobyerno ay may kakayanang magpawala ng ilang bilyong dolyar kasama na ang donation at grants para sa mga ganitong pangyayari. Ika nga ni Gov. Joey Salceda, para lamang naniningil tayo sa mga nasa first world, kasi sila rin naman ang pinaggalingan ng climate change.

Ibig sabihin din nito, wala tayong magagawa kung ang ating mga inihalal ay hindi alam ang kanilang dapat gawin. O pansarili lamang ang iisipin. Kung pagbabasehan nga natin ang budget ng Pilipinas at ang bilang ng mga bumoboto sa halalan, parang mahigit P30,000 bawat botante ang halaga ng isa nating boto. Parang paluwagan iyan eh, P30,000 ang ambag ng bawat isa.. Kanino natin ibibigay ang pera?

Kaya nga naniniwala tayo na dapat ay maglagay tayo ng mga tao sa gobyerno ng mga sadyang karapatdapat, hindi popular lamang, mayaman o malakas. Hindi rin enough ang integrity lamang. Kasi, kung popular pero wala namang alam o kakayanan (na makikita natin sa uri ng kanilang accomplishments), alam natin na baka manakaw lang ng iba ang pera (hindi man siya ang magnakaw). At ang perang iyon, buhay ang katapat. Buhay ng maraming mahihirap. Minsan, buhay din ng mga may kaya sa buhay, kagaya ng ipinalaala ni Ondoy.

Nakita rin natin ang huling lumabas na SWS survey, kung saan nanguna na naman daw si Senador Noynoy Aquino. Kung titingnan natin ang survey, parang mananalo na nga ang senador sa halalan. Ang nakapagtataka sa survey ay kung bakit tatlong kandidato ang itinatanong sa mga respondents e hindi naman tatlo ang ibinoboto natin sa eleksyon. Siguro may specific na purpose itong survey na ito na hindi naman sinabi ng SWS. Ang sabi nila ay wala raw nag commission sa kanila ng survey, kusang palo lang daw nila ito. Nakapagtataka din na ang tanong ay kung sino ang karapat-dapat, hindi kung sino ang iboboto. Obviously, nag-bebenefit dito sina Sen. Aquino, at Senador Villar na mas malaki ang benefit dahil siya ang pumapangalawa sa Survey. Talaga nga kayang walang nag-commission ng survey na ito? Parang nakapagtataka.

Muli, ipinapaalala natin sa ating mga kababayan na ang eleksyon ay hindi parang karera ng kabayo. Hindi yung tataya tayo sa isang kabayo kasi iyon ang mananalo. Kailangang piliin natin sa ating sarili, kasama na ang ating konsiyensya, kung sino ang karapat-dapat. Sabi nga ni Mr. Alex Lacson, is raw itong Solemn Duty na dapat nating gawin.

Itanong natin sa ating sarili, natutuwa ba tayo dahil nangunguna ang manok o kabayo natin? Ipinagmamalaki ba natin na tayo ay tama dahil marami ang sang-ayon sa ating boto? Mali po ang ganitong pananaw. Kapag ganito po, isa rin po tayong biktima ng kung ano ang nakikita natin sa mass media. Kapag ganito po, baka po may lumabas na tunay na magaling na tao, mga tunay na lider, may kakayanan, katalinuhan at katapatan sa bayan pero sila ay hindi natin mapansin. Iyan nga po ang isang hadlang kung bakit tayo nahihirapang kumuha ng mga leaders. Na-didiscourage po ang iba na sumali sa politika, dahil isasakripisyo na nila ang kanilang buhay ay parang sila pa ang nagpupumilit – itinituring pa silang nasisiraan ng bait dahil hindi naman sila mananalo.

Kung ganyan tayo ng ganyan, hindi mananalo ang isang unknown personality kagaya ni Obama isang taon bago siya kumandidato.

Ang nakapagtataka, hindi po masa talaga ang nagpapabagsak sa ating bayan. Kahit po mayayaman at mga nakapag-aral ay siyang nagsasabi ng mga maling paraan ng pagboto. Naaalala ko po noong nakaraang mga eleksyon, may mga bumoto po at nangampanya kay PGMA para wag lang manalo si FPJ. Marami po sa mga kakilala ko na si Roco sana ang iboboto ay lumipat kay PGMA, para maiwasan ang pagkapanalo ni FPJ. Bakit po si PGMA ang ibinoto? Ito raw po ang lesser evil. Bakit po nila inakalang si PGMA ay may kakayananang tumalo kay FPJ, dahil iniisip po nila na si PGMA ay mandadaya.., Parang lumalabas na tulungan na natin ang mandadaya kaysa manalo ang walang alam.

Pero ngayon, galit tayong lahat sa mandaraya. Ngayon, gusto pa nating palabasin na na tayo ay may o nasa mataas na moral ground pero si PGMA nasa ilalim natin. Nasa ilalim din po natin ang masa at mahihirap na hindi nakapag-aral. Para tayo ngayong mga pariseo at escribo sa biblia na tayo lamang ang matatalino at mababait… Sa totoo lang po kailangan po nating tingnan na marami ang ating sarili. Saan nga po ba magmumula ang pagbabago?

Noong nakaraang broadcast natin, nakausap natin si Mayor Marides ng Marikina kung saan pinag-usapan natin at length ang kanyang mga ginagawa ngayon para ma rehabilitate ang kanilang siyudad. Ang hinahanap po natin ay ang mga solusyong pang matagalan. Kaya nga po ang dami nating tanong tungkol sa kung ano ang gagawin nila sa mga informal settlers, ang bagong pangalan po ng squatters. Kailangan na po natin ang pangmatagalang solusyon dito, kagaya rin ng itinulak ni Gov. Salceda ng Albay sa pamamagitan nga po ng Reconstruction Commission na magtatalakay at hahanap din ng solusyon at pondo para dito.

Mga solusyon po ang importante, hindi puro dakdak.

Sentro Featuring Mayor Marides Fernando

Yesterday, Sentro ng Katotohanan interviewed Marikina Mayor Maria Lourdes "Marides" C. Fernando about the recovery efforts in their City. We also talked in length about the plight of the City's informal settlers and the solutions that they are implementing to help relocate them. The solutions discussed may even solve the problem once and for all.

The Sentro ng Katotohanan October 13, 2009 broadcast is now uploaded for listening or download.

Meanwhile, the transcript of yesterday's talking points follows:

Kailangan na ang Solusyon

Kanginang umaga, nakapanood ako ng TV, yung Unang Hirit, pinag-uusapan nila ang bagyong si Pepeng. Kahit sa Channel 2 ganun din.. sa Umagang Kay Ganda. Hanggang ngayong gabi, sa Saksi at sa TV Patrol, pare-pareho ang usapan..

- Marami raw ang nasalanta,
- Marami nga raw ang namatay (almost 300 persons)
- May balitang idedemanda ang consortium na nagooperate ng San Roque Dam ng Local Government units ng mga bayang nasalanta
- Sinasabing 5,000 cu.m per sec, daw ang pinawalan ng dam noong kasagsanan ng ulan.. At para maka-appeal sa mga OFWs, sinabi pang parang 5,000 OFW boxes daw ito kada isang segundo
- Magkakaroon pa daw ng senate hearing tungkol sa mga dams..

Sa palagay ko, parang mayroon nang gustong masisi ang mga tao. Parang gusto nilang isisi ang lahat ng pangyayari sa dam ng San Roque. Parang magiging punching bag dito ang NAPOCOR na siyang may control nito.

Sa palagay ko nagkakamali ang direksyon ng usapan.

Isa isang tabi muna natin ang dams, may tanong po ako sa mga local government units doon na tinamaan ng pagbaha at sa pagguho ng lupa..

Meron pa bang mga taong nakatira sa kanila sa mga delikadong lugar? Bakit meron pang nakatira sa tabi ng ilog, bakit meron pang nakatira sa gilid ng bangin ? Meron pa bang mga lugar na pinagpuputulan ng mga puno na hindi dapat pag-putulan ?

Meron ba silang ginawa para mamonitor ang sitwasyon ng baha ? Meron ba silang lugar na lilikasan ng mga tao sa ganitong pagkakataon at nagpatupad ba sila ng evacuation ?

O patuloy silang natutulog sa pansitan?

Hindi kaya gusto lang nilang ibunton ang galit ng tao sa mga dams ?

Kahapon, narinig ko si Senator Francis Escudero, ang sabi niya, “kung walang dam, hindi nagbaha ang Pangasinan”. Yan mismo ang kanyang sinabi noong nasa palatuntunan siya sa Radio kahapon ng Umaga sa ABS-CBN. Hello? Ganun lang iyon?

Nakapagtataka hindi man lang sinabi ng Senador kung bakit niya nasabi iyon. Hindi man lang niya sinabi kung ano ang basehan nya…, parang statement of fact lang. Hindi man lang din siya tinanong ng anchor ng radio show na iyon.

Napakagrabe ng ganitong paratang. Buhay ng tao ang nasira resulta ng baha at bilyong pisong pananim ang nawasak (kaya’t maraming buhay pa ang maaapektuhan). Tila mo sumasakay sa issue at nangunguna sa paninisi si Senador Escudero na sa palagay natin ay talagang iresponsable. Ang ganitong paratang kung ipupukol ay dapat puno ng detalye, hindi ng mga opinyon lamang. Kung ito ay opinyon lang, dapat ay linawin nya. Kung hindi, parang isa lamang siyang ordinaryong tsismosong tao na naninira ng iba. Ito kaya ang leadership na balak niyang ipakita?

At speaking of Senador Escudero, kataka-taka na biglang sumulpot siya sa lahat ng news. Pati na ang panukala niyang ipasa na lang daw lahat ang estudyante sa school year na ito ay talagang pinag-uusapan pa, tila mo napaka news worthy – pero pag inisip mo talaga ay parang kwentong kutsero lamang. Kung maaala natin, sinabi niya noong mga nakaraang buwan na magdedesisyon siya kung tatakbo sa 2010 sa kanyang birthday na October 10. Parang lumalabas na pinaghandaan niya ito, mukhang naka-setup na ang mass media para sa kanya. Pero nagkataon, nakakahiyang magdeklara sa gitna ng trahedya at matatabunan lamang ng ibang balita ang kanyang announcement, kaya’t mukhang nag-iba ang plano. Dahil kaya sa naglaan na siya sa mass media at hindi na niya mabawi iyon, kaya’t kahit anong balita na lang tungkol sa kanya ay inilalabas na na tila mo hot news?

Balikan po natin ang dam…

Sa Mass Media, marami po ang bumabatikos sa Napocor kung bakit daw biglang nagpawala ito ng tubig sa San Roque Dam sa kasag-sagan ng pag-ulan nang walang warning. Immediately, masasabi ko po agad na ito ay mali. Kung ang mga nasa mass media po ay nagmomonitor ng website ng PAGASA simula noong dumating si bagyong Pepeng, makikita po doon na maraming dam ay naglalabas na nang tubig kahit wala pang baha. Simple lang po itong malaman, maglog-on lang po sa www.pagasa.dost.gov.ph at hanapin ang Dam Status. Wala po kayang access sa internet ang mga nasa mass media o sadyang wala silang paki-alam.

May narinig po akong nagsabi sa Mass Media na grabe daw ang pagpapalabas ng tubig, 5,000 cu-m/sec daw ang ipinalabas, kasing dami ng 5,000 balikbayan boxes! Nakapagtataka, bakit po parang hindi naman nila tinanong ang PAGASA o ang operator ng dam ng San Roque kung gaano naman kadami ang dumadating sa kanila tubig, hindi kaya mataas pa sa 5,000 cu-m/sec at napigil pa ng dam ang iba? Sana po ay itanong muna ito ng mass media para hindi po tayo magmukhang tanga. Sa ibang bansa po kasi, alam po nang marami na ang dam ay nakakatulong pumigil ng pagbaha. Dito lang po yata sa atin mali ang pananaw natin sa dam.

Hindi ko po sinasabing walang kasalanan ang San Roque dam. Kailangan pong imbestigahan ito kung meron ngang pagkakamali. Pero wag naman po nating sirain ang reputasyon ng mga may-control dito nang hindi pa natin alam ang katotohanan. Ganun din po, hindi ko po sinasabi na ang mga local goverments ang may kasalanan, kailangan din pong bigyan sila ng pagkakataon bago natin mahusgahan.

Ang kahilingan ko po sa mga kababayan natin, tingnan po nating ang mga pangyayari sa ating kapaligiran. Pag-isipan po natin ng mas natural ang mga bagay-bagay (hindi po hinihiling ang mas malalim), mas natural lamang po dahil simpleng logic lang naman po ang kailangan nating gamitin. Huwag po tayong magpapadala sa mga grupong kung ano-anong propaganda ang ginagawa sa gitna ng sakuna. At tandaan po natin mas importante po ay hanapin natin ang solusyon, tama na, wag na pong paulit-ulitin ang problema, Solusyon po ang kailangan natin.

www.leadphil.blogspot.com

About Sentro ng Katotohanan.

Sentro ng Katotohanan (SnK) is a bi-weekly news commentary program on radio anchored by Mr. Arnel B. Endrinal of Lead Philippines. It's present co-anchor, Ms. Iya Justimbaste is part of a group called Get Real Philippines. SnK is aired live over at DWBL 1242KHz every Tuesday and Thursday, 8.30-9.30PM.

Sentro ng Katotohanan is a pure advocacy program that seeks to promote critical thinking especially in light of the coming May 2010 elections. The program started airing from DWBL in September 15, 2009. However, it started as weekly program aired Sundays, 6.00-7.00PM over at RMN's Metro Manila station DZXL from May 17 to July 26, 2009.

Sentro ng Katotohanan offers a fresh new format on Philippine AM radio wherein its anchor/s provide unbiased yet scathing insights on different issues, news and public personalities. The program challenges conventional thinking while espousing level-headed discussions. The program also features comprehensive interviews with different public personalities as well as bloggers that offer unique perspectives. All in all, SnK thinks that ideas and opinions are important, but more important is how these opinions and ideas are arrived at.

Among the personalities interviewed in the past include:
- JC Delos Reyes, Presidential Candidate of Ang Kapatiran Party
- Atty. Jun Chipeco, Vice Presidential Candidate of Ang Kapatiran Party
- Ang Kapatiran Party officers and Senatoriables
- Nick Perlas, Independent Presidential Candidate
- Former MMDA Chairman Bayani Fernando
- Mrs. Sonia Roco
- Former DSWD Secretary Cora Alma De Leon
- Author and Senatoriable Atty. Alex Lacson
- Youth Leader Harvey Keh
- CNN Hero Efren Penaflorida Jr.
- PNRC Sec. Gen. Gwen Pang
- Marikina Mayor Marides Fernando
- Phil. Star Columnist Carmen Navarro Pedrosa
- Manila Standard Today Columnist Antonio Abaya
- Get Realists BenK, OrionD, Lester Ople, Paul Farrol, FiloE and Laurence

SnK is started based on the belief that the Philippines is a country on its knees partly because mass media as a whole is not able to provide correct treatment to news and other public information. SnK, acting as catalyst, believes that our democracy would work only if we have working, viable and responsible mass media institutions.

Sentro ng Katotohanan October 8, 2009 features Youth Leader Harvey Keh

Harvey Keh, lead convenor of Kaya Natin Movement, founder of Pathways to Higher Education which won a $450,000 grant from the Ford Foundation, founder of AHON foundation which provides books to public elementary school libraries, Director of Youth Leadership at the Ateneo School of Goverment, is yesterday's featured leader at Sentro ng Katotohanan. At just 30 years of age, we can see more accomplishments and learn more from him than many of our elected leaders even twice his age.

Yesterday's broadcast is now archived for listening or download.

Meanwhile, the following is yesterday's talking points about advocacies and uniting them, and the need to connect the candidates' integrity with accomplishments.

Mga movements, integrity at accomplishments

Last year, nakita ko sa youtube ang isang short clip tungkol sa Lead India movement. Ang Lead India po ay isang TV show na parang American Idol. Kung nakapanood kayo ng American Idol, makikita nyo ang mga talents kung saan-saan.. tapos ilang weeks din silang maglalaban-laban at pinagbobotohan ng mga nanonood. Sa huli, iisa lang ang tatanghalin American Idol.

Ganun din sa Lead India, pero imbes na mga singers ang pinagbobotohan, mga leaders ang pinagbobotohan ng mga manonood sa pamamagitan ng texting. Natapos po ang Lead India last year, hindi ko po alam kung ano ang nangyari sa mga nagwagi doon, pero meron na naman pong Lead India 2009. Makikita po ang website nila sa lead.timesofindia.com.

Iyon po basically ang pinanggalingan ng Lead Philippines. Bagamat hindi po tayo naging isang nationwide TV show na may mga contestants, pareho rin po ang ating layunin – ang makakita ng mga leaders sa kung saan-saang bahagi ng ating bayan. Kaya po ang ginagawa natin dito sa Sentro ng Katotohanan ay nag-iinterview tayo ng mga ibat-ibang leaders. Hinahanap po natin ang mga leaders na meron mga talent, may nagagawa at may sinasabi. Iniinterview po natin yung mga hindi gaanong nakakausap sa mass media, dahil hindi naman po lahat ang lahat ng mga leaders sa bansa natin ay kinakausap sa mga major networks. Sa tingin nga po natin, ang kinakausap lang po nila yung may mga pangalan na, gusto lamang po nila ay yung popular.

Sa loob ng 18 broadcast natin, nakausap po natin sina
- Alex Lacson,
- ang ilang mga tao sa Ang Kapatiran Party pinangungunahan ng kanilang Presidente Mr. Manalang, Senatorial candidate Adrian Sison at Sec Gen. Norman Cabrera
- si Mrs. Sonia Roco – na bagamat kilala na ang pangalan ay hindi pinahahalagahan ng mass media,
- gayun din po si Ms Cora Alma de Leon.
- Nakausap natin sina Ms. Gwendolyn Pang ng PNRC na hindi na-cocover gaano ng mass media kahit na sila ay nasa gitna at punong abalang dahil sa bagyong Ondoy.
- Nung last Tuesday, si Bert Guevara na isang leading figure sa Waste Management, pero hindi man lang naipapakilala sa mass media
- Noong nandoon pa tayo sa kabila nakausap natin sina
o Bro Roly Dizon ng Dela Salle System at Philip Tangco ng TETP
o Si Mr. Ricky Xavier ng People’s Primaries
o Maging sina Nic Perlas at JC Delos Reyes
o Kinausap din po natin si MMDA chairman Bayani Fernando dahil ang tingin natin ay hindi lang siya hindi kinakausap ng media, negative publicity pa parati ang lumalabas sa kanya..
o Siempre, nakasama din natin si Rey Quijada ng diduwagangpilipino movement..

Sa totoo lang po, napakarami pa pong ibang mga leaders na hindi natin nakikita. Marami pa po tayong gustong kausapin. Gusto po natin makausap si Fr. Melo Diola ng Dilaab na taga Cebu, si Fr. Javier Alpasa na ngayon ay gumagawa ng isang Social Enterprise sa Palawan, Si Bam Aquino na active din sa mga advocacies, si Mr. Tony Meloto ng GK o Gawad Kalinga, si Harvey Keh ng Kaya Natin at ang mga kasamahan nya sa Kaya Natin. Gusto po rin natin kausapin sina Joey Concepcion ng Go Negosyo. Pag nagre-research ako sa internet, ang dami pa dyan na mga patriots na hindi natin nakikilala.. nababasa ko ang blogs ng Get Real Philippines, ng Pagod ka na Bang maging Pinoy, ang Anti-Pinoy.. napakarami po..

Ang pinagtataka ko lamang, sa dinami-dami po ng mga taong ito at mga advocacies at movements na itinatatag nila, hindi po talaga sila napapansin ng mass media. Sa iba po yata tayo talaga lahat nakatingin, doon po yata tayo nakatingin sa mga artista.

Sa kabilang banda naman, nagtataka rin ako kung bakit ang mga taong ito ay hindi nagsasama-sama upang pagtulungtulungang iahon ang ating bayan. Napakadami po ng movements na may miyembro na tig-kakaunti. Lahat po sila ay makabayan, pero Iba-iba po ang kanilang balaking gawin. Ang iba man po ay nagtatagumpay pero ang karamihan po ay nabibigo o hindi nag-ca-catch fire kumbaga.

Napagmasdan ko po sa America, nung kandidato pa lamang si Barack Obama, marami po ang mga movements na maliliit na tumulong sa kanya. Iba-iba po ang mga movements na iyon at may iba-ibang intensyon, pero lahat sila ay tumulong kay Barack Obama. Hindi ko po alam kung naging tama ang kanilang mga pinag-samang desisyon o mali. Malalaman pa po natin ito sa 2012 pagkatapos ng kanyang termino at malamang na muling pagtakbo for reelection. Ang mahalaga lamang na tingnan natin ay nag-unite ang mga movements dahil may isa silang nakitang near-term solution sa kung anumang problema na bumabagabag sa kanilang bansa.

Noon pong 1986, ganun din po ang pangyayari sa Pilipinas. Marami pong iba-ibang movements na nagsama-sama para isulong ang kandidatura ni Pangulong Cory Aquino. Sa huli ay sila po ang nanguna sa People Power kung saan nga po napatalsik ang Pangulong Ferndinand Marcos.

Sa makatwid, marahil ay hindi po masama na may hiwa-hiwalay na advocacies. Alam po natin na mag-sasama-sama rin po ang mga advocacies na ito pagdating ng isang common denominator – isang pangyayari o tao na papanigan ng lahat.

Kamakailan, lumalabas sa mga sinasabi ng ilan na ang common denominator daw na ito ay si walang iba kundi si Senador Benigno Noynoy Aquino III. Siya raw ang taong mabubuklod-buklod sa lahat ng mga advocacies, sa ibat-ibang mga leaders na siya rin namang susundan ng mga taumbayan. Siya na nga kaya ang taong ating hinihintay?

Kung ako po ang tatanungin, hindi po ako gaanong impressed kay Senador Aquino. Sa totoo lamang po, wala pa tayong nakikitang solid na kanyang masasabing accomplishment. Maaaring hindi lamang po natin alam pero dapat po ay ating pag-aralan. Tinitingnan ko po ang ilang mga batas na kanyang isinulong sa kongreso at senado pero ni ang mga wordings at thoughts ng mga batas pong iyon ay hindi kahanga-hanga.

Sinasabi po ng iba na ang senador daw ay may integrity, wala raw pong masasabing masama ukol dito. Pero sa atin pong pananaw, hindi po tama na kung ang isang tao ay may integrity, ay dapat na siyang maging pangulo. Kasi kung totoo po iyon, siya lamang po ba ang may integrity? Hindi po bat marami ibang tao na mayroon din integrity? Siguro po ay sinasabi nila na wala ng ibang tao na may integrity at may popularidad at kakayanang manalo. Kung ganito po ang iniisip natin, para po tayong sumusuko na sa mga pangyayari. Ang natitirang logic lang po natin ay basta may integrity po at popular, iboto na natin.. Wala na tayong makikita pang iba? Ganun po ba kaya dapat?

Kung ang isang senador po ay walang accomplishment, iyon po ba ay masasabing may integrity? Sapat na po bang sabihin mo na ikaw ay may integrity at may integrity ka na nga? Lahat naman po siguro ng tao, kahit iyong mga magnanakaw at graft and corruptors ay magsasabing sila man ay may integrity, hindi po ba?

Kung ako po ay mabait, pero hindi po ako nakatulong sa kapwa, tunay nga po kayang ako ay mabait? Kung ako po ay may malaking kapangyarihan, pero ako po ay nanood lamang ng TV o nakikitsismis lamang o nakipaghuntahan lang at hindi ko ginamit ang aking kapangyarihan upang iahon ang aking mga kababayan sa hirap, ako po ba ay may integrity? Hindi ko po sinasabing definitively o sa may pagtitiyak na wala ngang accomplishment si Noynoy. Ang sinasabi lang ko po ay dapat natin itong pag-aralan at hindi padagos-dagos na pag-desisyonan.

Sa pagboto po natin sa 2010, kailangan po ay kilatisin natin ang mga bagay-bagay na nagawa na at ginagawa pa ng mga kandidato. May magagandang resulta po ba ang mga pinag-gagagawa nila noong mga nakaraan? Yan po ang dapat nating itanong. Paano po ba nila ginawa ang kanilang accomplishments? Ang paraan po ba nila ay paraan ng taong may takot sa diyos at may integrity? Pinagbale-wala po ba nila noong nakaraan ang kanilang sarili para sa ikabubuti ng nakararami, o ang mga ginagawa po ba nila ay para lamang maging popular at para lamang mapansin ng mga taong bayan?

Inuulit ko po, ang integrity nang walang accomplishment ay hindi tunay na integrity. Eto ang hamon natin kay Senador Aquino: Patunayan niya ang kanyang integrity sa pamamagitan ng pagpapakita ng kanyang mga matitibay na accomplishments.

Sa kabilang banda naman, gusto ko rin pong sabihin na ang accomplishment na walang integrity ay hindi accomplishment. Kung ako po ay yumaman dahil po sa kasamaan, kunwari e nagbebenta ako ng shabu, o hindi ako nagbabayad ng tax, o dinadaya o niloloko ko ang aking customer, masasabi ba nating accomplishment iyon? Kung ikaw ay naging first honor dahil nagkodigo ka sa mga exams, dahil nagbayad ka sa teacher, accomplishment ba iyon?

Sana po ay matandaan natin sa pagtingin natin sa mga kandidato.. tingnan po natin ang kanilang accomplishements, at tingnan po natin ang kanilang integrity sa kung paano nila ginawa ang kanilang mga accomplishments. Kung iyan po ang makita natin sa isang tao, naniniwala pa rin po ako na magsasama-sama ang lahat upang ito ay isulong at ipapanalo sa 2010.

Listen to Sentro ng Katotohanan, Tuesdays and Thursdays, 8.30-9.30PM, DWBL 1242KHz.

Sentro ng Katotohanan (October 6, 2009)

Sentro ng Katotohanan yesterday interviewed Mr. Bert Guevara on Solid Waste Management (SWM). Mr. Guevara is a former Barangay Captain of Barangay Sunvalley in Paranaque City. when during his tenure there, he started and implemented a successful Barangay-level SWM activity. Proper SWM is posed as one of the solutions to stop/prevent flooding in Metro Manila.

The archived broadcast can now be accessed for listening or download.

Meanwhile, the following is the transcript of our yesterday's broadcast talking points:

Moving On

Mahirap po talaga ang mamatayan, gaya ng nangyari sa marami nating mga kababayan. Ang sinasabi sa balita, mahigit 250 ang namamatay sa pagbahang dulot ng bagyong si Ondoy. Ang 9 na bilyong piso na raw pong sinasabing halaga ng nasira sa bayan dahil sa bagyo ay hindi po tatapat sa kamatayang idinulot ng bagyo. Kung alam lang po sana natin, sana ay ginastos na lang natin yung 9 na bilyon na iyon sa mga infrastructure para maiwasan ang nasabing sakuna at nailigtas natin ang mga nasabing biktima.

Ano po ba talaga ang dapat natin gawin ngayon? Ito po ba ang panahon ng mga press release? Ito po ba ang panahon para tayo ay maging showbiz as usual? Hindi po kaya sobra na ang pagpapanood natin sa mga youtube ng mga baha? Hindi po kaya dapat ay tumulong na lang ang tutulong ng matahimik? Hindi po kaya sobra na ang drama natin sa mga pagbahang ito, samantalang nakakalimutan natin ang mga dapat natin gawin? Ika nga po ng iba, hindi po kaya dapat na tayong mag-move-on?

Hindi ko po sinasabing kalimutan na natin ang mga pangyayari. Alang-alang po sa mga biktima, at doon sa mga bayaning nagbuwis ng kanilang buhay, dapat po ay tandaan natin ito as vividly as possible kung maari. Pero hindi po ibig sabihin niyan ay habambuhay tayong iiyak. Mas maganda po siguro, bilang pag-move-on ay magkaroon tayo ng matino, malumanay at seryosong usapan upang matalakay ang mga tunay na problema ng bayan?

Sa pagbahang ito, ano po ba ang natutunan natin?
1. Kailangan ay handa tayo sa mga sakuna.
a. Ang office of civil defense po ay dapat parating nagbibigay kaalaman sa mga tao kung ano ang gagawin sa panahon na may sakuna.
b. Dapat ay handa na ang mga evacuation centers at papuntahin na ang mga namemeligrong tao doon, kahit parating pa lang ang bagyo.
c. Dapat po ay naka-ready na ang rescue teams kung may bagyo man o lindol, bawat barangay, bawat bayan ay may kahandaan
d. Dapat po ay magbigay ang mass media ng sapat na kaalaman tungkol sa mga nangyayari sa bayan, lalo na tungkol sa pag-baha at bagyo

2. Kailangang pagtuunan ng pansin ang urban planning
a. Pag-usapan ng deretsahan ang mga urban planning requirements ng bayan natin, gaya ng sinasabi ni Arch. Felino Falafox Jr., i-review ang findings ng mga previous studies at ipatupad ang mga recommendations nito
b. Sa mga senador, sana po ay magpasa ng batas na may sistema tungkol sa urban planning na ito, hindi lamang sa metro manila kundi pati sa mga ibang lugar. Tungkulin din po ng mga mayors na itulak ito alang-alang sa kanilang mga kababayan
c. Alisin na agad ang mga bahay sa tabing ilog, bigyan ng lunas ang problema sa illegal settlers, ibigay ito sa mga taong may successful experience sa ganitong pagsasaayos, hindi sa mga gustong mag-showbiz lamang
i. hindi po dapat basta basta magpapamigay ng lupa, kailangan po ng kaakibat na infrastructure (trabaho, karsada, tubig, pamilihan, etc.)
ii. baka pagkakitaan lang ng mga politiko at mga developers

3. Kailangan po nating pangalagaan ang kapaligiran
a. Kailangang mag-set ng national goals sa reforestation ng ating mga kagubatan
b. Mayroon tayong log ban sa primary natural forests, kailangang ilagay sa usapan ang total logging ban, ano na ba ang kalagayan natin, mapapatupad ba ito? Ano ba ang mga paraan para masustain natin ang kapaligiran samantalang nakakakuha tayo ng kahoy na gagamitin natin sa ating bahay?
c. Kailangang ayusin natin ang pagtatapon ng basura, Kailangan ay mapunta sa sentro ng usapan ang mga kaparaanan ng solid waste management sa bawat barangay at bawat bayan.. kailangang ipatupad ang segragation at recycling
i. kailangang maipakita ang ginagawa sa mga model na lugar, kagaya doon sa Marikina kung saan ang compost sa basura ay nagagamit sa pagpapaganda ng kanila mga parks
ii. at sa SunValley sa Paranaque, kung saan nagpapatupad ng isang magandang solid waste management process na hindi lang nakakaayos ng kapaligiran kundi nakakadulot pa ng dagdag na kita para sa barangay.

4. Sa darating na eleksyon, dapat natin ihalal ang tunay na may malasakit sa bayan, at yung may kakayanan iahon tayo sa ibat-ibang paraan.
a. Hindi na po ito ang popularity contest, may namamatay po sa bayan, hindi popularity ang kailangan
b. Mainam nga pong pumili ng may integrity, pero ang integrity na walang kakayanan ay hindi integrity. Ito po ay panloloko lamang. Ang tunay na may integrity ay magpapakita ng kanyang kakayanan, ni bago man lang sabihing siya ay sasali sa pamunuan.
c. Kailangan po natin ang kaalaman na makikita natin sa past performance. Hindi sa magagandang pananalita lamang ng mga script at speech writers o kaya ay ng mga think tank na wala naman balak magpatupad ng mga magagandang programa. Panloloko lamang kung ang isang tao ay nagsasabi ng platitudes, generalities.. tapos na pong pag-usapan ang problema, kailangan na po ang solusyon. Kailangan po ang bukas na usapan, hindi gapangan at pagalingan sa mass media.

Dito sa Sentro ng Katotohanan, patuloy po tayong naghahanap ng mga solusyong ginagawa ng ibat-ibang tao sa ibat-ibang lugar. Kung kayo po ay may nalalalamang solusyon o mga taong pinag-mumulan nito, ipag-bigay lamang po sa amin at amin hahanapin sila. Gusto po nating makausap ang mga taong mayroong nagagawa at may balak pang gawin. Malay niyo baka sila ang hinihintay nating mga pinuno para sa kinabukasan ng ating bayan.

Sentro ng Katotohanan October 1, 2009

www.politicalarena.com is a social networking website designed and dedicated to discuss and compile information on the political situation in the Philippines. Its contents are user generated, contributed by various political camps as well as the people who signed up to be members. The website was launched about 4 months ago in partnership with the Commission on Election (COMELEC). Sentro ng Katotohanan yesterday interviewed the people behind www.politicalarena.com. The archived broadcast is now available for download or listening.


The following is the transcript of yesterday's talking points..

MGA SAKUNA AT ANG 2010

KAHAPON MAY EARTHQUAKE SA INDONESIA, SA PADANG CITY, ISLAND OF SUMATRA, 7.6 ANG MAGNITUDE SA RICHTER SCALE, AT LEAST 200 PEOPLE DEAD, KINATATAKUTAN NA MAHIGIT 1,000 ANG NA-TRAP SA MGA BUILDING NA GUMUHO.. NAGLABAS DIN NG TSUNAMI WARNING SA MARAMING COASTLINES PERO NA-LIFT ONE HOUR AFTER. MAY MALL DAW AT MGA HOSPITAL NA BUMAGSAK, MARAMI RAW HOTELS AT BAHAY NA NASIRA.. NARAMDAMAN DIN DAW ANG EARTHQUAKE SA JAKARTA, MALAYSIA AT SINGAPORE PERO WALANG NAIULAT NA PINSALA DOON… KANGINA, MAYROON NA NAMANG MALAKAS NA LINDOL, 6.8 ANG MAGNITUDE SA RICHTER SCALE.

NUNG WEDNESDAY PALA, MAYROON DING EARTHQUAKE SA SOUTH PACIFIC, SA SAMOA AT AMERICAN SAMOA, NAGKAROON DAW NG TSUNAMI AT PUMATAY DAW NG MAHIGIT 100 KATAO.. MAHIGIT LABINDALAWANG AFTERSHOCKS PA RAW ANG NARAMDAMAN AFTER THAT..

SAMANTALA, ANG BAGYONG SI ONDOY (INTERNATIONAL CODE NAME KETSANA) AY NAKAPINSALA DIN SA VIETNAM AT CAMBODIA, TINATAYANG MGA 100 DIN ANG NAPATAY NITO SA DALAWANG BANSANG IYON BAGO TULUYAN NG HUMINA PAGDATING NG LAOS..

SA PILIPINAS, ANG ESTIMATE NA DAMAGE NI ONDOY AY ABOUT 250 CASUALTIES, ABOUT 2.3 MILLION PEOPLE DIRECTLY AFFECTED BY THE FLOODS, ABOUT 400,000 PEOPLE ARE IN EVACUATION CENTERS, AND ABOUT P4.6B WORTH OF DAMAGE..

AT ALAM PO NATIN NA MAYROON PONG PARATING PA NA BAGYO.. TYPHOON PEPENG NA MAY STRENGTH 130KPH AT PAGBUGSO HANGGANG 160KPH…

MAYROON PO TAYONG MGA PUNTO SA LAHAT NG ITO. HINDI PO NATIN ALAM KUNG ANO ANG MANGYAYARI SA ATING KAPALIGIRAN. MAARI PO, ANYTIME AY MAGKAROON NG SAKUNA. MASWERTE PA NGA PO TAYO SA BAGYO DAHIL NAKIKITA NATIN ITO BAGO DUMATING AT NAGKAKAROON TAYO NG WARNING. MAS MALAS ANG TINATAMAAN NG EARTHQUAKE, WALANG ITONG WARNING BAGO DUMATING…

IBIG SABIHIN PO NITO AY DAPAT TAYONG PALAGING HANDA SA KUNG ANO MAN ANG MANGYARI. DAPAT PO AY ALAM NA NATIN ANG LAHAT NG ATING GAGAWIN KUNG SAKALING MAY MGA SAKUNANG MANGYAYARI.
 KAILANGAN PO AY ALAM NATIN KUNG ANO ANG GAGAWIN KAPAG MAY BAGYO O PAGBAHA, KUNG ANO ANG MGA PAGHAHANDA NA DAPAT GAWIN..
 KAILANGAN DIN PONG PAGHANDAAN ANG PAG-LINDOL, AT KUNG ANO ANG GAGAWIN KAPAG MAY TSUNAMI
 KAILANGAN PO AY PAG-ARALAN NATIN PAANO UMIWAS SA SUNOG AT KUNG ANO ANG GAGAWIN KAPAG MAYROON NITO.

KATUNGKULAN PO NATIN LAHAT, NG BAWAT ISA SA ATIN, ITO, PARA SA KAPAKANAN NG ATING PAMILYA. KATUNGKULAN DIN PO NAMIN SA MASS MEDIA NA KAYO AY PAALALAHANAN AT GISINGIN KUNG KINAKAILANGAN..

MAYROON DIN PONG DAPAT GAWIN ANG GOBYERNO PARA MAPAGHANDAAN ITO.. NANDYAN NA PO YUNG
 PAGLAGAY NG EARLY WARNING SYSTEM, (STORM TRACKING, TSUNAMI WARNING)
 PAGTATALAGA NG EMERGENCY RESPONSE SYSTEMS
 PATI NA RIN ENVIRONMENTAL PROTECTION
 DRAINAGE IMPROVEMENT
 AT FACILITIES INSPECTION AND REGULATION
 MAGING ANG PANINIGURADO NG SEGURIDAD NG BAYAN LABAN SA TERORISMO AT INTERNATION AGRESSION AY DAPAT GAWIN NG GOBYERNO

MAKIKITA PO NATIN NGAYON ANG KAHALAGAHAN NG GOBYERNO AT NG MGA TAONG NAGPAPATAKBO NITO. AT KUNG MAY MGA PAGBABAGO PO TAYONG DAPAT GAWIN SA GOBYERNO, ANG DARATING NA ELEKSYON LAMANG PO ANG ATING PINAKA EPEKTIBONG SANDATA. DAPAT PO AY KILATISIN NATIN ANG MGA TAONG KUMAKANDIDATO SA MGA PUNTONG SINASABI KO

HALIMBAWA, SA SAKUNANG NANGYARI, SINO PO ANG MAY KAPASIDAD NA MAKATULONG PARA MAIWASAN ANG MAIBSAN ANG SAKUNA. PARANG NAKALALAMANG NA PO SINA BAYANI FERNANDO AT DICK GORDON DI PO BA?
 SI BAYANI FERNANDO, NAGSAAYOS NG BASURA, PINAGANDA ANG MARIKINA, INAYOS ANG ILOG DOON, INALIS ANG SQUATTER SA ILOG AT CREEKS, PERO TINAMAAN DIN NG MALAKI ANG MARIKINA, AT PARANG HINDI SAPAT ANG PAG-AAYOS NIYA SA MAYNILA, MAYROON KAYA SIYANG PAGKUKULANG DOON?
 SI DICK GORDON, SIYA PO ANG CHAIRMAN NG PNRC, PERO BILANG SENADOR, ANO PO ANG GINAWA NYA PARA MAKAPAGHANDA TAYO SA SAKUNA?
 SI JOJO BINAY PO, MAYOR NG MAKATI AT DATING MMDA CHAIRMAN, MAS MAGANDA PO BA SANA ANG KINALAGYAN NG METRO MANILA KUNG SIYA ANG NAKAUPO, MAS MADALI PO BA SANANG HUMUPA ANG BAHA? ANO PO BA ANG GINAWA NIYANG PAGHAHANDA NOONG SIYA AY NASA MMDA?
 SI LOREN LEGARDA, MAINGAY PO ANG KAMPO NIYA TUNGKOL SA ENVIRONMENTAL PROTECTION, MAYROON PO BA SIYANG MGA BATAS NA IPINASA UPANG MASIGURO ITO, MAGANDA PO BA ANG BATAS AT PRAKTIKAL, O BAKA MGA BATAS LAMANG NA MASABI LANG NA MAYROON, O PARA MAKASUNOD LANG SA MGA INTERNATIONAL REQUIREMENTS?
 SINA NOYNOY AQUINO, CHIZ ESCUDERO, ERAP ESTRADA, MAYROON PO BA KAYONG NARIRINIG UKOL SA GANITONG ISSUE?

HINDI PO ITO LAMANG ANG ISSUE, NANDYAN PA RIN PO ANG EKONOMIYA, ANG HEALTHCARE AT EDUCATION, ANG NATIONAL SECURITY, ANG INTERNATIONAL RELATIONS.. DAPAT PO AY KILATISIN NATIN NG HUSTO ANG LAHAT NG KANDIDATO, MULA PANGULO HANGGANG SENADOR, CONGRESSMEN, GOVERNORS AT MAYORS.. KAILANGAN PO HANAPIN NATIN KUNG ANO ANG MGA GINAWA NG MGA KANDIDATO SA BAWAT ISSUE, HINDI KUNG ANO LANG ANG SINASABI NILA O NG MGA KAKAMPI NILA.. DAPAT PO AY MAKINIG TAYO SA RADYO AT MANOOD NG TV, MAGBASA NG DYARYO, AT KUNG MAY ACCESS AY MAG-RESEARCH DIN SA INTERNET…

SA RADIO AT TV, PILIIN PO NATIN ANG MGA MGA PROGRAMA NA WALANG AGENDA,WALANG PINAPANIGAN NA KAMPO, YUNG PATAS SA LAHAT NG KANDIDATO, YUNG NAGBIBIGAY NG SAPAT NA ORAS SA LAHAT NG KANDIDATO AT HINDI INIINTERVIEW LAMANG YUNG SIKAT AT MAYAYAMAN… NASA KAMAY PO NATIN ANG KINABUKASAN NG ATIN BAYAN. NASA KAMAY PO NATIN ANG KINABUKASAN NG ATING MGA ANAK.